Photo : नंदूरबारमध्ये टोमॅटोची 'लाली' उतरली

Tomato

सध्या टोमॅटोच्या दरात (Tomato Price) मोठी घसरण झाली आहे. त्यामुळं टोमॅटो उत्पादक शेतकरी (Tomato Farmers) अडचणीत सापडले आहेत.

नंदूरबार (Nandurbar) जिल्ह्यात टोमॅटोची मोठ्या प्रमाणात आवक वाढली आहे. त्याचा परिणाम दारंवर झाला आहे. टोमॅटोच्या एका कॅरेटची विक्री सध्या 60 ते 80 रुपयांना होत असल्यानं शेतकऱ्यांना मोठा आर्थिक फटका बसत आहे.

गेल्या चार ते पाच दिवसांपासून टोमॅटोची आवक वाढली असून, दरही पडले आहेत. त्यामुळं टोमॅटो उत्पादक शेतकरी अडचणीत सापडला आहे.

प्रचंड आवक असल्यानं टोमॅटोचं एक कॅरेट 60 ते 80 रुपयांना जात आहे. या पैशातून शेतकऱ्यांचा तोडणी खर्च देखील निघत नसल्याची स्थिती आहे.

टोमॅटोच्या लागवडीवर शेतकऱ्यांनी मोठ्या प्रमाणात खर्च केला असून दर कोसळल्याने शेतकऱ्यांचा उत्पादन खर्चही निघणार नसल्याचे चित्र आहे.

दिवसेंदिवस बाजारपेठेत टोमॅटोच्या दरात घसरण होत असल्याचे चित्र नंदुरबार आणि शहादा बाजार समितीत पाहायला मिळत आहे

दर नसल्यामुळं शेतकऱ्यांना टोमॅटो फेकूण देण्याची वेळ आली आहे. सध्याच्या दरानं शेतखऱ्यांचा उत्पादन खर्च देखील निघत नाही. विदर्भात टोमॅटो सारख्या भाजीवर प्रक्रिया करणारे उद्योग नाहीत.

कोल्ड स्टोरेजची निर्मिती देखील झाली पाहिजे. टोमॅटो सारख्या उत्पादनाला कोल्ड स्टोरेजची नितांत गरज आहे, कारण दर आल्यावर त्याची विक्री करता येईल अशी व्यवस्था हवी आहे.

एकेकाळी 400 ते 500 रुपयांना विक्री होणारे टोमॅटोचे कॅरेट वर्धा जिल्ह्यात आता 50 रुपयांना विक्री होत आहे. याचा मोठा आर्थिक फटका वर्धा (Wardha) जिल्ह्यातील शेतकऱ्यांना बसत आहे.

दरात घसरण झाल्यामुळं टोमॅटो जनावरांना टाकण्याची वेळ शेतकऱ्यांवर आली आहे. टोमॅटोच्या दरात घसरण झाल्यानं वर्धा जिल्ह्यातील शेतकरी चिंतेत आहेत.