Pakistan : बलुचिस्तानमधील कामगारांच्या छावणीवर दहशतवादी हल्ला, चार जण ठार

Pakistan : पाकिस्तानच्या बलुचिस्तान प्रांतातील हरनाई जिल्ह्यात दहशतवाद्यांनी कामगारांच्या छावणीवर अंदाधुंद गोळीबार केला. या हल्ल्यात चार कामगार ठार झाले आहेत.

terrorist attack on workers camp in Pakistan balochistan four killed 

Pakistan : पाकिस्तानच्या बलुचिस्तान प्रांतातील हरनाई जिल्ह्यात दहशतवाद्यांनी कामगारांच्या छावणीवर अंदाधुंद गोळीबार केला. यात चार कामगार ठार झाले असून चार जण जखमी झाले आहेत  हरनई जिल्ह्यातील चापर डाव्या भागात शुक्रवारी रात्री उशिरा हा हल्ला झाला.

तीन दिवसांपूर्वी सशस्त्र लोकांनी क्वेट्टाच्या हन्ना उराक भागात एका खासगी कोळसा कंपनीच्या दोन अभियंत्यांसह चार कर्मचाऱ्यांचे अपहरण केले होते. अपहरणकर्त्यांनी अपहरण केलेल्या कर्मचाऱ्यांना अज्ञातस्थळी नेले.  

प्रांतीय आपत्ती व्यवस्थापन प्राधिकरणाचे अधिकारी आणि सिबी विभागाचे आयुक्त अब्दुल अझीझ यांनी दिलेल्या माहितीनुसरा हा दहशतवादी हल्ला रात्री उशिरा झाला. सशस्त्र लोकांनी कामगारांवर अंदाधुंद गोळीबार केल्याची माहिती अझीझ यांनी दिली. 

आयुक्त म्हणाले, दहशतवाद्यांच्या हल्ल्यात "तीन मजुरांचा जागीच मृत्यू झाला, तर इतर तीन जण या हल्ल्यात गंभीर जखमी झाले आहेत." परंतु, मृतदेह आणि जखमींना क्वेट्टा येथे नेण्यासाठी घटनास्थळी पोहोचलेल्या बचाव अधिकाऱ्यांनी सांगितले की, या हल्ल्यात  चार मजूर जागीच मरण पावले आणि इतर चार जण जखमी झाले.

अझीझ म्हणाले की, हल्लेखोरांनी कॅम्पला आग लावली आणि अनेक वाहनेही पेटवली. हे मजूर सरकारी बांधकाम प्रकल्पात काम करत होते. आतापर्यंत कोणत्याही फुटीरतावादी किंवा दहशतवादी संघटनेने या हल्ल्याची जबाबदारी स्वीकारलेली नाही.

बलुचिस्तानमध्ये यापूर्वीही दहशतवाद्यांनी मजुरांना लक्ष्य केले आहे. यापूर्वीही बलुचिस्तानमधील फुटीरतावादी आणि दहशतवादी संघटना या प्रांतातील सरकारी आणि चीन-पाकिस्तान इकॉनॉमिक कॉरिडॉर प्रकल्पांमध्ये काम करणाऱ्या इतर प्रांतातील कामगारांना लक्ष्य करत आहेत. मे 2017 मध्ये  मोटारसायकलवरून आलेल्या सशस्त्र व्यक्तींनी ग्वादरमध्ये रस्त्यावर काम करणाऱ्या मजुरांवर गोळीबार केला होता. त्यात 10 जण जागीच ठार झाले होते. तर 2018 मध्ये खरण जिल्ह्यात एका खासगी टेलिकॉम कंपनीत काम करणाऱ्या सहा मजुरांची अज्ञातांनी गोळ्या झाडून हत्या केली होती.
 

महत्वाच्या बातम्या