Israel Air Strike on Gaza : इस्त्राइलचा गाझावर एअरस्ट्राईक, हमास कमांडरसह 10 जणांचा मृत्यू

Israel Hamas Conflict : इस्रायलने देशात 'विशेष परिस्थिती' घोषित केली आहे. सीमेच्या 80 किलोमीटरच्या आतील सर्व शाळा बंद ठेवण्यात आल्या आहेत.

Israel Air Strike on Gaza

Israel Air Strike : इस्रायलने (Israel) गाझावर (Gaza) एअरस्ट्राईक (Air Strike) केला आहे. या हवाई हल्ल्यात हमास अतिरेकी संघटनेच्या (Hamas) कमांडर सह 10 जणांचा मृत्यू झाला आहे. इस्त्राइलने शुक्रवारी गाझावर अनेक हवाई हल्ले केले. यामध्ये हमासच्या कमांडरसह सुमारे 10 जण जखमी झाले आहेत. पॅलेस्टिनी अधिकाऱ्यांनी याबाबत माहिती दिली आहे. या आठवड्याच्या सुरुवातीला पॅलेस्टिनी बंडखोऱ्यांच्या अटकेनंतर तणावपूर्ण वातावरण पाहायल मिळालं. त्यानंतर शुक्रवारी इस्त्राइलने गाझा पट्टीवर (Gaza Strip) अनेक एअरस्ट्राईक (Israel Air Strike) केले.

इस्त्राइलने गाझावर हल्ला केल्यानंतर तणाव आणखी वाढलेला दिसत आहे. इस्त्राइल देशात विशेष स्थितीची घोषणा करण्यात आली आहे. इस्त्राइल सीमेच्या 80 किलोमीटर अंतरावरील शाळा बंद ठेवण्यात आल्या आहेत. तसेच इतर कार्यक्रमही रद्द करण्यात आले आहेत. इस्त्राइलने या आठवड्याच्या सुरुवातील गाझाच्या जवळील रस्ते बंद करत सीमेवर अतिरिक्त जवान तैनात केले होते. इस्त्राइलने सोमवारी हमास संघटनेच्या एका वरिष्ठ सदस्याला अटक केली. यानंतर हल्ल्याचा धोका पाहता इस्त्राइलने गाझावर एअरस्ट्राईक केला.

मागील 15 वर्षांपासून संघर्ष

पॅलेस्टाईनचा दहशतवादी गट असलेला हमास (Hamas group) आणि इस्रायल यांच्यातील संघर्ष फार जुना आहे. इस्रायल आणि हमासमध्ये गेल्या 15 वर्षांत चार युद्धे आणि अनेक किरकोळ चकमकी झाल्या आहेत. हमास आणि इस्रायल यांच्यात अलिकडच्या काळातील सर्वात भीषण लढाई मे 2021 मध्ये झाली.

इस्त्राइलच्या हल्ल्यानंतर गाझानेही डागले क्षेपणास्त्र

इस्त्राइलने गाझा पट्टीवर हवाई हल्ले केल्यानंतर गाझानेही इस्त्राइलवर दोन रॉकेट  डागले. पण इस्त्राइलने हे रॉकेट पाडले. गाझाने इस्त्राइलच्या मध्य आणि दक्षिण भागात डागलेले दोन क्षेपणास्त्र इस्त्राइलने पाडल्याची माहिती ‘कान टीव्ही’नं दिली आहे. मिळालेल्या वृत्तानुसार, शुक्रवारी इस्त्राइलने एअरस्ट्राईक केल्यानंतर गाझानेही क्षेपणास्त्र हल्ला केल्याची माहिती आहे.

हमास आणि इस्रायलमधील संघर्षाचं कारण

हमास इस्रायलला एक देश मानता नाही. ज्यू राज्याने पॅलेस्टिनी लोकांच्या जमिनीवर कब्जा केला आहे, असं हमास संघटना मानते आहे. गाझा पट्टीचा ताबा घेतल्यानंतर इस्रायलने गाझा शत्रू प्रदेश घोषित केला. इस्रायलने गाझाला होणारा वीजपुरवठा बंद करून त्यावर निर्बंध लादले. हमास आणि इस्रायलमधील वाद वाढू लागला आणि दोघांनी एकमेकांवर हल्ले करण्यास सुरुवात केली.

हमास काय आहे?

हमास एक पॅलेस्टाईन राजकीय आणि अतिरेकी संघटना आहे. 1987 साली या संघटनेची स्थापना झाली. या संघटनेने सुरुवातीपासून इस्त्राइलला लक्ष्य केलं. हमासने इस्त्राइलवर अनेक अतिरेकी हल्ले केले आहेत. हमास संघटनेला इस्त्राइलवर ताबा मिळवून त्याला पॅलेस्टाईन प्रदेश बनवायचा आहे. गाझा पट्टी भागात हमासचं वर्चस्व आहे.