WhatsApp वर लवकरच  मिळणार, 'Do Not Disturb' मिस्ड कॉल अलर्ट, जाणून घ्या सविस्तर

Whatsapp New Feature : या फीचरनंतर डू नॉट डिस्टर्ब मोड ऑन केल्यानंतर यूजरला व्हॉट्सअॅपवर आलेल्या कॉल्सची माहिती मिळेल. या नवीन मिस्ड कॉल अलर्टबद्दल जाणून घ्या

whatsapp news feature launch soon

WhatsApp New Feature : व्हॉट्सअॅप (Whatsapp) यूजर्ससाठी सतत नवनवीन अपडेट्स येत असतात. अलीकडेच, तीन नवीन फिचर्सची घोषणा करण्यात आली. आता व्हॉट्सअॅप बिझनेस यूजर्ससाठी नवीन अपडेट येत आहे. व्हॉट्सअॅप प्रोग्रामिंग इंटरफेस नावाचं नवीन अॅप्लिकेशन  सादर करणार आहे. लवकरच इन्स्टंट मेसेजिंग अॅप आपल्या यूजर्ससाठी नवीन 'Do Not Disturb' API (अॅप्लिकेशन प्रोग्रामिंग इंटरफेस) आणणार आहे. या फीचरनंतर डू नॉट डिस्टर्ब मोड ऑन केल्यानंतर यूजरला व्हॉट्सअॅपवर आलेल्या कॉल्सची माहिती मिळेल. या नवीन मिस्ड कॉल अलर्टबद्दल जाणून घ्या

चॅटमध्ये मिळणार मिस्ड कॉल अलर्टची माहिती
या फीचरशी संबंधित माहिती WABetaInfo वर देण्यात आली आहे. व्हॉट्सअॅपने नवीन फीचर आणले आहे.  मात्र याचे अपडेट येण्यासाठी काही वेळ लागू शकतो. रिपोर्टनुसार, इन्स्टंट मेसेजिंग अॅप व्हॉट्सअॅप लवकरच एक नवीन 'डू नॉट डिस्टर्ब' मिस्ड कॉल अलर्ट फीचर आणत आहे. या नवीन अपडेटनंतर 'डू नॉट डिस्टर्ब' चालू केल्यानंतर यूजरला चॅटमध्ये व्हॉट्सअॅपवर मिस्ड कॉलची माहिती मिळेल.

मेसेजद्वारे मिळेल माहिती 

या नवीन अलर्टचा स्क्रीनशॉटही रिपोर्टमध्ये शेअर करण्यात आला आहे, ज्यात फोनमध्ये 'डू नॉट डिस्टर्ब' मोड चालू केल्यानंतर तुम्हाला हा व्हॉट्सअॅप मिस्ड कॉल मिळाल्याची माहिती युजरला मिळेल. यापूर्वी iOS बीटा वापरकर्त्यांना हे अपडेट मिळाले होते. त्याचबरोबर आता अँड्रॉइड व्हॉट्सअॅप बीटा यूजर्सना देखील हे फीचर लवकरच मिळू शकते.

Whatsapp वर सर्वेक्षणात सहभागी होण्याची संधी मिळणार

Whatsapp बर्‍याच दिवसांपासून अनेक नवीन फीचर्सची वाट पाहत आहे, यामध्ये पोल, एडिट, व्हॉइस स्टेटस अपडेट यासारख्या फीचर्सचा समावेश आहे. याशिवाय या यादीत WhatsApp अवतार फीचर देखील आहे. या फीचरमध्ये, युजर्स त्यांचा अवतार तयार करू शकतात आणि केवळ मित्रांना स्टिकर्स पाठवू शकत नाहीत तर प्रोफाइल फोटोवर त्यांचा DP देखील टाकू शकतात. अलीकडेच अशी बातमी आली होती की WhatsApp लवकरच एक इन-अॅप सर्वेक्षण वैशिष्ट्य सादर करणार आहे, ज्यामध्ये युजर्सना WhatsApp खात्याद्वारे सर्वेक्षणात भाग घेण्याची संधी मिळेल.

संबंधित बातम्या