Moto G60 Launched : 108MP कॅमेरा अन् 6000mAh ची बॅटरी; दमदार फिचर्ससह Moto G60 लॉन्च, किंमत काय?
Moto G60 मधील सर्वात खास गोष्ट म्हणजे, या फोनचा कॅमेरा. या फोनमध्ये ट्रिपल रियर कॅमेरा सेटअप देण्यात आलेला आहे. ज्यामध्ये 108MP चा प्रायमरी सेंसर, 8MP चा अल्ट्रा वाइड अँगल लेंस आणि 2MP चा डेप्थ सेंसर देण्यात आला आहे.
मुंबई : जर तुम्हाला एक उत्तम फिचर्स असणारा कॅमेरा फोन खरेदी करायचा असेल तर Motorola ने भारतात आपला Moto G60 स्मार्टफोन लॉन्च केला आहे. Motorolaच्या G-सीरीज मधील या फोनची अनेक युजर्स गेल्या अनेक दिवसांपासून वाट पाहत होते. महत्त्वाचं म्हणजे, मोटोच्या या स्मार्टफोनचा लूक आकर्षक आहे. तसेच यामध्ये युजर्सना 2 कलर ऑप्शन्स मिळणार आहे. मोटो जी60 स्मार्टफोनबाबत खास गोष्ट म्हणजे, या फोनचा 108MP चा प्रायमरी कॅमेरा. या कॅमेऱ्याच्या मदतीने तुम्ही क्लासी फोटो क्लिक करु शकता. त्याचसोबत याची किंमतही युजर्सचं लक्ष आपल्याकडे खेचून घेत आहे.
Moto G60 चे स्पेसिफिकेशन्स
Moto G60 च्या स्पेसिफिकेशन्सबाबत बोलायचं झालं तर Moto G60 मध्ये अॅन्ड्रॉईड 11 देण्यात आलं आहे. या फोनमध्ये 6.8 इंचाचा FHD+ डिस्प्ले देण्यात आलेला आहे. ज्याचा रिफ्रेश रेट 120Hz आहे. या स्मार्टफोनमध्ये Snapdragon 732G प्रोसेसर देण्यात आलेला आहे. तसेच स्टोरेज आणि रॅमबाबत बोलायचं झालं तर या फोनमध्ये 6GB रॅम आणि 128GB पर्यंत इंटरनल स्टोरेज देण्यात आलेलं आहे. तुम्ही स्टोरेज मायक्रोएसडी कार्डच्या मदतीने 1TB पर्यंत वाढवू शकता.
Moto G60 चा कॅमेरा
Moto G60 मधील सर्वात खास गोष्ट म्हणजे, या फोनचा कॅमेरा. या फोनमध्ये ट्रिपल रियर कॅमेरा सेटअप देण्यात आलेला आहे. ज्यामध्ये 108MP चा प्रायमरी सेंसर, 8MP चा अल्ट्रा वाइड अँगल लेंस आणि 2MP चा डेप्थ सेंसर देण्यात आला आहे. सेल्फीसाठी 32MP चा फ्रंट कॅमेरा देण्यात आला आहे. तसेच याचा कॅमेरा HDR, टायमर आणि प्रो मोड यांसारख्या फिचर्सनी परिपूर्ण आहे.
Moto G60 मधील इतर फिचर्स
मोटो जी60 मध्ये दमदार बॅटरी देण्यात आलेली आहे. यामध्ये 6,000mAh ची बॅटरी, 20W फास्ट चार्जिंग आणि क्वालकॉम क्विक चार्ज 4.0 सपोर्ट देण्यात आलं आहे. या फोनमध्ये फिंगरप्रिंट स्कॅनर आणि वाय-फाय, जीपीएस, ब्लूटूथ 5.0 यांसारखे फिचर्स देण्यात आलेले आहेत.
स्मार्टफोनच्या किमतीबाबत बोलायचं तर Moto G60 स्मार्टफोन तुम्ही केवळ 17,999 रुपयांमध्ये खरेदी करु शकता. तुम्हाला Dynamic Gray आणि Frosted Champagne या क्लासी कलर्समध्ये हा स्मार्टफोन उपलब्ध होणार आहे.
या फोनसोबत स्पर्धा
गेल्या काही दिवसांत अनेक दमदार स्मार्टफोन्स बाजारात दाखल झाले आहेत. त्यातील बरेच स्मार्टफोन 108MP कॅमेऱ्यासह लॉन्च करण्यात आले आहेत. अशातच Moto G60 फोनची स्पर्धा Realme 8 Pro सोबत होऊ शकते. रियलमी 8 प्रोमध्ये 108 मेगापिक्सलचा क्लासी कॅमेरा देण्यात आला आहे. हा 108MP कॅमेरा असणाऱ्या स्मार्टफोनच्या रेंजमधील सर्वात स्वस्त फोन आहे. आता या फोनला मोटो जी60 टक्कर देणार आहे.
महत्त्वाच्या इतर बातम्या :
महत्त्वाच्या बातम्या
