एक्स्प्लोर

रिपोर्ट : भविष्यातही जिओ इतर कंपन्यांसाठी धोकादायक

Written By : एबीपी माझा वेब टीम | Updated at : 05 Apr 2017 09:25 PM (IST)

मुंबई : रिलायन्स जिओच्या एकूण 7 कोटी 20 लाख ग्राहकांनी 31 मार्चपर्यंत प्राईम मेंबरशिप घेतल्याने येत्या काळात जिओ इतर दूरसंचार कंपन्यांसाठी धोकादायक ठरेल, असं अंदाज एका संस्थेने वर्तवला आहे. जागतिक गुंतवणूक बँकिंग कंपनी जेफरीजने हा अंदाज वर्तवला आहे. स्वस्त सेवा दिल्याने इतर कंपन्यांना अगोदरच नुकसान झालं आहे. मात्र प्राईम मेंबरशिप घेतलेल्या ग्राहकांची संख्या पाहता आगामी काळातही इतर कंपन्यांच्या अडचणीत वाढ होऊ शकते, असं जेफरीजने म्हटलं आहे. रिलायन्स जिओच्या 10 कोटी ग्राहकांपैकी 7 कोटी 20 लाख ग्राहकांनी प्राईम मेंबरशीप घेतली आहे, अशी माहिती जिओने नुकतीच एका रिपोर्टमध्ये दिली आहे. काय आहे प्राईम मेंबरशिप ऑफर? 99 रुपयांची प्राईम मेंबरशीप घेतल्यानंतर 303 रुपये प्रति महिना दराने ‘हॅप्पी न्यू ईयर’ ऑफरचा लाभ एक वर्षासाठी म्हणजे 1 एप्रिल 2018 पर्यंत घेता येईल. 31 डिसेंबरला ‘वेलकम ऑफर’ संपल्यानंतर 1 जानेवारीपासून ‘हॅप्पी न्यू ईयर’ ही ऑफर लाँच करण्यात आली होती. ‘हॅप्पी न्यू ईयर’ ऑफरनुसार सध्या ग्राहकांना 31 मार्च पर्यंत प्रति दिन 1GB डेटा आणि मोफत अनलिमिटेड व्हॉईस कॉलिंगची सुविधा आहे. प्राईम मेंबरशीप न घेतल्यास काय होईल? 1 मार्च ते 31 मार्च या काळात प्राईम मेंबरशीपसाठी नोंदणी करता येईल. मात्र मेंबरशीप न घेतल्यास तुमचं जिओ सिम प्रीपेड किंवा पोस्टपेडमध्ये बदलण्यात येईल. त्यानुसार तुम्हाला जिओच्या टेरिफ प्लॅननुसार रिचार्ज करावं लागेल. सप्टेंबर 2016 मध्ये जिओने टेरिफ प्लॅन लाँच केले होते. टेरिफ प्लॅननुसारही व्हॉईस कॉलिंग मोफत असेल, केवळ डेटाचे पैसे मोजावे लागतील. जिओ प्राईम मेंबरशीप कुणाला घेता येईल? जिओच्या प्राईम मेंबरशीपचा लाभ सध्याच्या 10 कोटी ग्राहकांना आणि 31 मार्चपर्यंत नवीन कनेक्शन घेणाऱ्या ग्राहकांना मिळेल. यासाठी नोंदणी प्रक्रिया 1 मार्चला सुरु करण्यात येईल, तर 31 मार्च अंतिम तारीख असेल. प्राईम मेंबरशीपसाठी जिओ युझरला 99 रुपये मोजावे लागतील, तर एक वर्षासाठी ही मेंबरशिप असेल. जिओ प्राईम मेंबरशीप कशी मिळवाल? प्राईम मेंबरशीप जिओच्या वेबसाईटवर किंवा अॅपवरुन मिळवता येईल. शिवाय जिओ स्टोअरमध्ये जाऊनही मेंबरशिप घेता येईल. जिओ प्राईम मेंबरशीपचे फायदे मेंबरशीप घेणाऱ्या ग्राहकांना जिओचे सर्व अॅप एक वर्षासाठी मोफत वापरता येतील. तर जिओच्या सहयोगी कंपन्यांच्या ऑफर्सचाही लाभ घेता येईल, असं अंबानींनी सांगितलं. मेंबरशीप घेतल्यास 303 रुपये प्रतिमहिना दराने 31 मार्च 2018 पर्यंत अनलिमिटेड व्हॉईस कॉलिंग आणि डेटा (1GB प्रतिदिन) वापरता येईल. म्हणजेच आता जिओ वापरण्यासाठी प्रतिदिन 10 रुपये खर्च येणार आहे. संबंधित बातम्या :