एक्स्प्लोर

राज ठाकरेंचे राजकारण द्वेषाचं! ठाकरे बंधू एकत्र आल्यावर शिवसेनेचीच ताकद कमी होणार, अबू आझमींचा दावा

उद्धव ठाकरे (Uddhav Thackeray) आणि राज ठाकरे (Raj Thackeray) एकत्र आले तर आम्हालाही आनंद होईल असं वक्तव्य समाजवादी पार्टीचे प्रदेशाध्यक्ष अबू आझमी (Abu Azmi) यांनी केलं आहे.

Written By : आफताब शेख, एबीपी माझा | Updated at : 22 Jun 2025 01:52 PM (IST)

Raj Thackeray politics is of hatred When the Thackeray brothers come together the strength of Shiv Sena will decrease claims Abu Azmi राज ठाकरेंचे राजकारण द्वेषाचं! ठाकरे बंधू एकत्र आल्यावर शिवसेनेचीच ताकद कमी होणार, अबू आझमींचा दावा

Abu Azmi News

Solapur : उद्धव ठाकरे (Uddhav Thackeray) आणि राज ठाकरे (Raj Thackeray) एकत्र आले तर आम्हालाही आनंद होईल असं वक्तव्य समाजवादी पार्टीचे प्रदेशाध्यक्ष अबू आझमी (Abu Azmi) यांनी केलं आहे. राज ठाकरेंची काहीही ताकद नाही, ते फक्त द्वेषाचं राजकारण करत असल्याचा आरोपपही आझमी यांनी केला. राज ठाकरे हे दररोज हिंदी किंवा उत्तर भारतीयांच्या विरोधात बोलतात. मराठी आणि हिंदी विरोधात बोलणे हाच त्यांचा धंदा असल्याचे ते म्हणाले. राज ठाकरे आणि उद्धव ठाकरे एकत्र आले तर शिवसेनेचीच ताकद कमी होऊ शकते, असा दावा आबू आझमी यांनी केला आहे. ते सोलापुरात प्रसारमाध्यमांशी बोलत होते.

महाराष्ट्रात सगळ्यात पहिल्यांदा मराठी भाषा असली पाहिजे

संसदेत भाषेच्या संदर्भात एक कमिटी आहे. यामध्ये 45 मेंबर आहेत ते भारतभर जाऊन हिंदीतून काम करण्यासाठी प्रोत्साहित करतात, अस आझमी म्हणाले. केंद्र सरकारचे सगळं काम हे हिंदीतून असतं. महाराष्ट्रात जर तीन भाषा असतील तर सगळ्यात पहिल्यांदा मराठी असली पाहिजे. दुसरी भाषा हिंदी आणि त्यानंतर इंग्लिश असायला पाहिजे असे आझमी म्हणाले. महाराष्ट्र जर तिसरी भाषा हिंदी नसेल तर तुम्हीच सांगा कोणती भाषा पाहिजे असेही आझमी म्हणाले.

मराठीचा सन्मान झाला पाहिजे

बाळा नांदगावकर हे जनतेची दिशाभूल करत असल्याची आझमी म्हणाले. मनसेचे 14 आमदार आले होते आता ते झिरो झाले आहेत. माझे शिक्षण इथे झाले नाही तरी मी मराठीसाठी प्रयत्न करतो. तरीपण मी मराठीची इज्जत करतो असे आझमी म्हणाले. मराठीचा सन्मान झाला पाहिजे पण हिंदीचा अपमान झाला नाही पाहिजे असेही आझमी म्हणाले. शरद पवार एक मोठे नेते आहेत. शरद पवार यांची ज्यांनी साथ सोडली ती फक्त ईडी आणि इन्कम टॅक्स यांच्यामुळे सोडली आहे..

महाराष्ट्रत राहतात ते सर्व मराठीवर प्रेम करतात. कोणाचीच मराठी सोबत नफरत नाही. एक भाषा अशी असली पाहिजे कश्मीर पासून कन्याकुमारी पर्यंत याचा सन्मान झाला पाहिजे. एक राज्यातल्या भाषेचाही सन्मान झाला पाहिजे असे आझमी म्हणाले.

आताच सरकार आहे ते फक्त निवडणुका जिंकण्यापुरते काम करणार

अमेरिकेने इराण हल्ला केला आहे. आम्हालाही वाटतं की इराणला पाठिंबा दिला पाहिजे असे आझमी म्हणाले.आताच सरकार आहे ते फक्त निवडणुका जिंकण्यापुरते काम करत आहे. ज्या मोठं मोठ्या नेत्यांचा पराभव झाला आहे त्याची चौकशी झाली पाहिजे. निवडणूक आयोग आता यांच्या हातातील खेळण झाल्याचे आझमी म्हणाले.

महत्वाच्या बातम्या:

Chandrashekhar Bawankule: अबू आझमींनी मुजोरी करू नये, ईदला आमचा विरोध नाही, पण...; महसूलमंत्री चंद्रशेखर बावनकुळेंचा थेट इशारा

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 22 Jun 2025 01:52 PM (IST)

Tags :

Sharad Pawar Abu Azmi Raj Thackeray BJP Shiv Sena #uddhav Thackeray