Solapur Crime News: एकतर्फी प्रेमातून पत्नीचा छळ, त्रासाला कंटाळून दामपत्याने संपवलं जीवन, सोलापूर हादरलं, नेमकं प्रकरण काय?
Solapur Crime News: एकतर्फी प्रेमातून पत्नीला छळणाऱ्या व्यक्तीच्या त्रासाला कंटाळून सोलापुरात एका दामपत्याने आत्महत्या केली.
Solapur Crime News: एकतर्फी प्रेमातून पत्नीला छळणाऱ्या व्यक्तीच्या त्रासाला कंटाळून सोलापुरात एका दामपत्याने आत्महत्या (Solapur Crime News) केली. सोमनाथ पाटील आणि श्रीदेवी पाटील असे आत्महत्या केलेल्या दाम्पत्याचे नाव आहे. या प्रकरणी संशयित अभिषेक कोरे याला पोलिसांनी अटक केलीय. काल सकाळी सोलापुरातील कलावती नगर भागात राहणाऱ्या सोमनाथ पाटील आणि श्रीदेवी पाटील दामपत्याचे मृतदेह राहत्या घरात आढळून आले होते. (Solapur Crime News)
दामपत्याने आत्महत्या केली की हत्या असा संशय काल निर्माण झाला होता. मात्र या दोघांनी आत्महत्या करण्यापूर्वी लिहलेल्या चिट्ठीमुळे दोघांच्या मृत्युचे कारण समोर आलं आहे. याप्रकरणतील आरोपी अभिषेक कोरे हा श्रीदेवी पाटील यांना फोनवरून वारंवार त्रास देत होता. तुझी बदनामी करेन अशी धमकी देत होता. या धमकी आणि बदनामीला कंटाळून श्रीदेवी आणि सोमनाथ पाटील या दोघांनी विष प्राशन करून आत्महत्या केली. आत्महत्येपूर्वी लिहलेल्या चिट्ठीच्या आधारे संशयित अभिषेक कोरे याला पोलिसांनी अटक केली आहे. (Solapur Crime News)
नेमकं प्रकरण काय? (Solapur Crime News)
काल सोलापूर शहरात धक्कादायक घटना समोर आली होती. शहरातील कलावती नगरात राहत्या घरी पती-पत्नीचे मृतदेह आढळून आले होते. दोघेही तोंडातून फेस आलेल्या अवस्थेत सापडल्याने ही आत्महत्या आहे की घातपात याबाबत संशय निर्माण झाला होता. सोमनाथ धानप्पा पाटील आणि श्रीदेवी सोमनाथ पाटील असे मृत आढळलेल्या पती-पत्नीची नावे आहेत. घरात पती-पत्नीसह दोन मुलीही होत्या मात्र सकाळी आई वडील झोपेतून उठत नसल्याचे कळताच मुलींनी काकांना फोन करुन ही घटना सांगितली. त्यानंतर दोघांनाही शासकीय रुग्णालयात नेण्यात आले मात्र डॉक्टरांनी त्यांना मृत घोषित केले. दरम्यान दोघांच्या मृतदेहाजवळ एक चिट्ठी सापडल्याची माहिती समोर आली आहे. आत्महत्येपूर्वी लिहलेल्या चिट्ठीच्या आधारे संशयित अभिषेक कोरे याला पोलिसांनी अटक केली आहे.
सोलापुरात घरफोडी करणाऱ्या पुण्याच्या सराईत आरोपीला अटक- (Solapur Crime News)
सोलापूर शहरात घरफोडीच्या घटनांमध्ये वाढ होत असतानाच शहर गुन्हे शाखेच्या पथकाने मोठी कारवाई करत पुण्याच्या सराईत गुन्हेगाराला अटक केली आहे. आरोपीकडून एकूण पाच घरफोडीचे गुन्हे उघडकीस आणत तब्बल 3 लाख 72 हजार रुपयांचा मुद्देमाल जप्त करण्यात आला आहे. अटक करण्यात आलेल्या आरोपीचे नाव किसन महादेव व्हनकोरे असे आहे. त्याच्याकडून 51 ग्रॅम सोने व 82 तोळे चांदी असा मुद्देमाल हस्तगत करण्यात आला. सोलापूर शहरातील सदर बझार पोलिस ठाणे हद्दीत दिवसा घडलेल्या घरफोडीच्या गुन्ह्याचा तपास सुरू असताना आरोपीबाबत गोपनीय माहिती मिळाली. त्या आधारे शहर गुन्हे शाखेच्या पथकाने सापळा रचून आरोपी किसन व्हनकोरेला ताब्यात घेतले. चौकशीत त्याने सोलापूर शहरात एकूण पाच घरफोडीचे गुन्हे केल्याची कबुली दिली. यापैकी चार गुन्हे एमआयडीसी पोलीस ठाणे हद्दीत केल्याचे त्याने सांगितले. या पाचही गुन्ह्यांचा छडा लावत शहर गुन्हे शाखेच्या पथकाने पावणेचार लाखांचा मुद्देमाल हस्तगत केला असून पुढील तपास सुरू आहे.
राज्यासह देश-विदेशातील महत्वाच्या घडामोडी, VIDEO:
संबंधित बातम्या:
महत्त्वाच्या बातम्या
