पुण्यातून आलेल्या तिघांकडून युवकावर गोळीबार, दैव बलवत्तर म्हणून वाचला; बार्शी हादरली, पोलीस घटनास्थळी
सोलापूर जिल्ह्यातील बार्शी तालुक्यात एक धक्कादायक घटना घडली आहे. पुण्यातून आलेल्या तीन अनोळखी युवकांनी बाळासाहेब उकिरडे याला जबर मारहाण केली.
Solapur Barshi Crime News : सोलापूर जिल्ह्यातील बार्शी तालुक्यात एक धक्कादायक घटना घडली आहे. पुण्यातून आलेल्या तीन अनोळखी युवकांनी बाळासाहेब उकिरडे याला जबर मारहाण केली. त्यानंतर त्याच्या दिशेने गोळीबार केला. मात्र निशाणा चुकल्याने बाळासाहेब उकिरडे यांचा जीव वाचला. या मारहाणीत बाळासाहेब उकिरडे गंभीर जखमी झाले आहेत. बार्शी तालुक्यातील कुसळंब गावात हा धक्कादायक प्रकार घडला आहे.
तिन्ही आरोपी फरार, पोलिसांकडून आरोपींचा शोध सुरु
पुण्यातून आलेल्या तिघांकडून बाळासाहेब उकिरडे यांना मारहाण करण्यात आली. त्यानंतर त्याचे दिशेे गोळीबार देखील केला, मात्र, निशाणा चुकल्याने बाळासाहेब उकिरडे यांचा जीव वाचला. मात्र त्यांनी जबर मारहाण झाली आहे. त्यामध्ये ते जखमी झाले आहेत. या घटनेनंतर बार्शीत खळबळ उडाली असून जखमी युवकावर उपचार सुरु असून, हा हल्ला केलेले तिन्ही आरोपी फरार झाले आहेत. त्यांच्या शोधासाठी बार्शी तालुका पोलिसांनी तात्काळ पथक रवाना केले असून, आरोपीचा शोध सध्या घेतला जात आहे.
कल्याण बैलबाजार परिसरात धक्कादायक प्रकार, क्षुल्लक कारणावरून विद्यार्थ्यावर प्राणघातक हल्ला
कल्याण शहरातील मच्छी मार्केट परिसरात फरदीन शेख या विद्यार्थ्यावर प्राणघातक हल्ला झाल्याची धक्कादायक घटना समोर आली आहे. केवळ आम्हाला काय बघतोस? असा जाब विचारत दोन तरुणांनी विद्यार्थ्यावर चॉपरने प्राणघातक हल्ला केल्याची घटना घडली. या हल्ल्यात विद्यार्थ्याला गंभीर दुखापत झाली आहे. मारहाण करणाऱ्या तरुणांपैकी एक अल्पवयीन आहे. कल्याण पश्चिमेतील मच्छी मार्केट परिसरात राहणारा फरदीन शेख हा विद्यार्थी आपल्या लहान बहिणींला शाळेत सोडून घरी परत येत असताना दोन तरुणांनी त्यातील त्याची दुचाकी अडवली. तू आम्हाला काय बघत होता असे बोलत या तरुणांनी फरदीन याला मारहाण केली. फरदीन घरी आला आणि आपल्या एका मित्रासोबत मारहाण करणाऱ्या तरुणाच्या घरी गेला आणि त्यांना विचारले की मला का मारहाण केली आहे. या तरुणांना एवढा राग आला की जवळ असलेल्या एका अल्पवयीन मुलाने आपल्या जवळील असलेल्या चाकूने फरदीनवर प्राणघातक हल्ला केला. त्याचा दुसरा भाऊ काईद देखील त्याला मारहाण करत होता. क्षुल्लक वादातून हा प्रकार घडला असून मारहाण करणाऱ्यांपैकी एक तरुण अल्पवयीन आहे. अचानक झालेल्या या हल्ल्यामुळे परिसरात भीतीचे वातावरण निर्माण झाले आहे.
स्थानिक नागरिकांच्या म्हणण्यानुसार, संबंधित तरुणांची परिसरात दहशत असून ते वारंवार नागरिकांना त्रास देत असतात. यापूर्वीही किरकोळ कारणांवरून वाद घालण्याच्या घटना घडल्याची चर्चा आहे. काही दिवसांपूर्वी एका महिलेच्या घरात घुसून त्यात तिच्या घरात देखील या तरुणांनी धिंगाणा केल्या असल्याची माहिती समोर आली आहे. या प्रकरणी बाजारपेठ पोलिस ठाणे येथे गुन्हा दाखल करण्यात आला असून पोलिसांनी तपास सुरू केला आहे. आरोपींवर कठोर कारवाई करावी, अशी मागणी नागरिकांकडून केली जात आहे.
महत्वाच्या बातम्या:
Dhule News : धुळे शहरातील शीख धर्मीय बांधवांच्या दोन गटात तुफान राडा; गुरुद्वारा परिसरात दगडफेक अन् गोळीबार, नेमकं प्रकरण काय?
महत्त्वाच्या बातम्या
