पतीला लैंगिक समस्या, मित्रांसोबत संबंध ठेवण्यासाठी पत्नीवर जबरदस्ती, बारामतीत संतापजनक प्रकार
पतीला लैंगिक समस्या असल्याने त्याने स्वत:च्या पत्नीला स्वत:च्याच मित्रांशी शारीरिक संबंध ठेवण्यासाठी जबरदस्ती केल्याची खळबळजनक घटना घडली आहे. याप्रकरणी बारामती पोलीसांत गुन्हा दाखल करण्यात आला आहे.
बारामती : एक अतिशय धक्कादायक घटना बारामती तालुक्यातील एका गावातून समोर आली आहे. पतीला लैंगिक समस्या असल्याने त्याने स्वत:च्या पत्नीला स्वत:च्याच मित्रांशी शारीरिक संबंध ठेवण्यासाठी जबरदस्ती केल्याची खळबळजनक घटना घडली आहे. याप्रकरणी बारामती पोलीस स्टेशनमध्ये गुन्हा दाखल करण्यात आला आहे.
बारामती तालुक्यातील एका गावात ही विकृत घटना घडली असून पीडित महिलेने पतीसह त्याच्या मित्रांविरोधात गुन्हा दाखल केला आहे. बारामती पोलीस ठाण्यात दिलेल्या तक्रारीत म्हटलं आहे की, आरोपी पती आणि पीडितेचा विवाह 2016 मध्ये झाला होता. वर्ष भर सुखाचा संसार सुरू होता. पण कालांतराने 2017 मध्ये पतीला लैंगिक समस्या जाणवू लागल्या. त्यामुळे त्याने त्याच्या बायकोला आपल्याच मित्रांशी शारीरिक संबंध ठेवण्यासाठी जबरदस्ती केली. मित्राशी शारीरिक संबंध ठेवताना बघून पतीच्या देखील लैगिंक भावना जागृत होतील आणि त्यानंतर तो बायकोशी शारीरिक संबंध ठेवू शकतो, या विचाराने त्याने असं करण्यास सांगितल्याचा धक्कादायक दावाही पत्नीने केला आहे.
पती की हैवान?
तक्रार करण्य़ात आलेला इसम त्याच्या मित्रांना बायकोशी शारीरिक संबंध ठेवण्यास भाग पाडत असून पत्नीने शारीरिक संबंध ठेवण्यास विरोध केला तर तो तिचे हात पकडून तिच्यावर जबरदस्ती करत. तसंच संबधित प्रकाराबाबत बाहेर सांगितल्यास जीवे मारण्याची धमकी देखील त्याने पत्नीला दिली होती. पण या त्रासाला कंटाळून अखेर पत्नीने 'हे थांबवा नाहीतर, मी जीवाचे बरे वाईट काहीतरी करून घेईल' अशी धमकी दिली होती. त्यांनंतर काही काळ पतीने पत्नीवर जबरदस्ती करणे थांबवले होते. परंतु पुन्हा एकदा पतीने सर्व प्रकार सुरु केल्याने तिने माहेरी जाऊन सर्व प्रकार माहेरच्यांना सांगितला. ज्यानंतर बारामती शहर पोलीस स्थानकात गुन्हा दाखल करण्यात आला पतीसोबत त्याच्या 7 ते 8 मित्रांवर देखील 10 डिसेंबरला जबरदस्ती शारीरिक संबंध ठेवल्याप्रकारणी गुन्हा दाखल करण्यात आला आहे. संबधित महिला ही 24 वर्षांची असून या प्रकरणी बारामती पोलिसांनी 5 आरोपींना अटक केली असून पुढील तपास पोलिस करत आहेत.
हे ही वाचा
- भटक्या कुत्र्यांना जेवण दिलं म्हणून ठोठावला 8 लाखांचा दंड, नवी मुंबईतील सोसायटीचा अजब फतवा
- गँगस्टर सुरेश पुजारीला अटक, ठाणे दहशतवाद विरोधी पथकाची कारवाई, 10 दिवसांची एटीएस कोठडी
- Mumbai Cruise Drugs Case : आर्यन खानला दिलासा; दर आठवड्याला मुंबई NCB च्या कार्यालयात हजेरी लावण्याची अट शिथील
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha