Prakash Mahajan : धनंजय मुंडेंचे रक्षक मुख्यमंत्री असल्यानेच सुरेश धसांची माघार; प्रकाश महाजनांचा जोरदार प्रहार
Prakash Mahajan on Suresh Dhas : सुरेश धस आणि धनंजय मुंडे यांच्यात गुप्त भेट झाल्यानंतर प्रकाश महाजन यांनी सुरेश धस यांच्यावर जोरदार हल्लाबोल केलाय.
Prakash Mahajan on Suresh Dhas : संतोष देशमुख यांच्या हत्या प्रकरणानंतर (Santosh Deshmukh Murder Case) भाजपचे आमदार सुरेश धस (Suresh Dhas) यांनी मंत्री धनंजय मुंडे (Dhananjay Munde) यांना लक्ष्य केले होते. मात्र, सुरेश धस आणि धनंजय मुंडे यांच्यात गुप्त भेट झाल्याची माहिती समोर आली. यानंतर विरोधकांनी सुरेश धस यांच्यावर निशाणा साधला. आता मनसे नेते प्रकाश महाजन (Prakash Mahajan) यांनी सुरेश धस यांच्यावर जोरदार हल्लाबोल केलाय.
प्रकाश महाजन म्हणाले की, सुरेश धस विषयी बीड जिल्ह्यात साधारण समज आहे की, असा कोणताही राजकीय नेता नाही, ज्याला धस यांनी राजकीय दृष्ट्या फसवलं नाही. बीड जिल्ह्यात दोन गट होतात की काय? अशा टोकावर परिस्थिती पोहोचली होती. सुरेश धस यांनी प्रत्यक्ष-अप्रत्यक्षरीत्या धनंजय आणि पंकजा यांच्यावर बरंच तोंडसुख घेतलं. विधानसभा निवडणुकीतील भ्रष्टाचाराविषयी त्यांनी बोलून जनमत आपल्या बाजूने घेतलं. आता असं काय झालं होतं की त्यांना धनंजय मुंडेंची भेट घ्यावी लागली, त्यांची छोटी शस्त्रक्रिया झाली होती. अनेकांचा विश्वासघात सुरेश धस यांनी केला आहे. पंकजा असं म्हणाल्या होत्या की, आष्टीकडे लक्ष द्यावे लागेल, या भीतीपोटीच तर त्यांनी धनंजय मुंडेंची भेट घेतली नाही ना? असा सवाल त्यांनी यावेळी उपस्थित केला.
धनंजयचे रक्षक मुख्यमंत्री असल्यानेच सुरेश धसांची माघार
बीडच्या जनतेचा विश्वासघात धस यांनी केला आहे. मध्यंतरी मुख्यमंत्री देवेंद्र फडणवीस इकडे कार्यक्रमाला आले होते. त्यावेळी त्यांनी धस यांना तंबी दिली असावी. त्यामुळे धस यांनी आपले तांदूळ चार तास बावनकुळे यांच्याकडे बसून धुतले असावे. धस काही धुतल्या तांदळाचे नाहीत, असा हल्लाबोल देखील प्रकाश महाजन यांनी केलाय. तर धनंजय मुंडे, सुरेश धस, बजरंग सोनवणे या बीडमधील गँगला एकमेकांच्या गोष्टी माहिती आहेत. अजित पवारांनी धनंजय मुंडेंना कोर कमिटीत घेतलं. त्यामुळे आता धनंजय मुंडेंचे काही होणार नाही, सुरेश धस यांनी म्हणून माघार घेतली. धनंजय मुंडेंचे रक्षक मुख्यमंत्री असल्याने सुरेश धसांनी माघार घेतली असावी, असे देखील प्रकाश महाजन यांनी म्हटले आहे.
इतर महत्त्वाच्या बातम्या
... तर आम्ही नीटसुद्धा करू शकतो; धनंजय मुंडेंच्या भेटीनंतर मनोज जरांगेंचा आ. सुरेश धसांना थेट इशारा
महत्त्वाच्या बातम्या
