युतीचं घोडं कशाला भिजवत ठेवता, प्रशांत किशोरांचा शिवसैनिकांना सवाल

लग्नातील नवरदेव तुम्ही, वराती तुम्ही, मग काही जागांसाठी कशाला लग्न थांबवता, अशा सूचक विधानातून किशोर यांनी भाजपशी युती करण्याचा सल्ला शिवसेनेला दिलाय. तसेच त्यांनी 24-24 फॉर्म्युल्याने युती झाली तर काय हरकत आहे, असेही प्रशांत किशोर म्हणाले.

मुंबई : शिवसेना-भाजपची युती जदयूचे चाणाक्य प्रशांत किशोर घडवून आणण्याची शक्यता दिसून येत आहे. “काही जागांसाठी युतीचं घोंगडं कशाला भिजवत ठेवता”, असा थेट सवालच प्रशांत किशोर यांनी शिवसेनेला विचारला आहे.  यावरुनच प्रशांत किशोर यांचं मातोश्रीवर येणं हे युती होणार असल्याच्या शक्यतेला बळ देणारं आहे. लग्नातील नवरदेव तुम्ही, वराती तुम्ही, मग काही जागांसाठी कशाला लग्न थांबवता, अशा सूचक विधानातून किशोर यांनी भाजपशी युती करण्याचा सल्ला शिवसेनेला दिलाय. तसेच त्यांनी 24-24 फॉर्म्युल्याने युती झाली तर काय हरकत आहे, असेही प्रशांत किशोर म्हणाले. बाळासाहेब ठाकरे, उद्धव ठाकरे आणि आदित्य ठाकरे पक्षाचा चेहरा असल्याचीही उल्लेख त्यांनी केला. लोकसभा निवडणुकांच्या तोंडावर शिवसेनेने ट्रम्प कार्ड खेळलं आहे. यशस्वी निवडणूक प्रचार रणनीतीकार अशी ख्याती असलेल्या प्रशांत किशोर यांना 'मातोश्री'वर निमंत्रित करण्यात आलं होतं. 2019 मधील लोकसभा आणि विधानसभा निवडणुकीत शिवसेनेच्या प्रचाराचं शिवधनुष्य प्रशांत किशोर उचलणार आहेत. आज शिवसेनेच्या खासदार आणि मंत्र्यांची मातोश्रीवर शिवसेना पक्षप्रमुख उद्धव ठाकरेंच्या उपस्थित बैठक झाली.  या बैठकीत प्रशांत किशोर यांनी शिवसेना खासदार, आमदारांना हे मार्गदर्शन केल्याचं समजतंय. बैठकीत शिवसेनेच्या लोकसभा निवडणूक प्रचार रणनीतीवर महत्त्वाची चर्चा झाल्याची माहिती आहे. 'मातोश्री'वर शिवसेना खासदारांच्या बैठकीला हेमंत गोडसे, गजानन कीर्तिकर, शिवाजी आढळराव पाटील, चंद्रकांत खैरै, राहुल शेवाळे, अरविंद सावंत, अनंत गीते, संजय राऊत, श्रीकांत शिंदे यांच्यासोबत रामदास कदम, संजय राठोड, निलम गोऱ्हेही उपस्थित होते. प्रशांत किशोर यांची कारकीर्द निवडणुकीत आपल्या आगळ्यावेगळ्या आणि परिणामकारक प्रचार मोहिमेसाठी ओळखल्या जाणाऱ्या प्रशांत किशोर यांनी देशभरातील विविध पक्षांच्या नेत्यांसाठी काम केलं आहे. प्रशांत किशोर यांनी 2014 च्या लोकसभा निवडणूक प्रचारादरम्यान नरेंद्र मोदींसाठी काम केलं. ‘चाय पे चर्चा’ सारखा हिट कार्यक्रम असो की ‘अब की बार...’ सारख्या घोषणा या प्रशांत किशोर यांनी आखलेल्या रणनीतीचाच भाग होत्या. 2014 साली लोकसभा निवडणुकीत भाजपसाठी निवडणूक रणनितीकार म्हणून काम केल्यानंतर प्रशांत किशोर हे नितीश कुमार यांच्या संपर्कात आले. बिहार विधानसभा निवडणुकीत प्रशांत किशोर यांनी नितीश कुमार यांना साथ दिली. नितीश कुमार आणि लालूप्रसाद यादव एकत्र येण्यातही प्रशांत यांचा मोठा वाटा होता. 2015 साली बिहारमधील विधानसभा निवडणुकीत त्यांनी जेडीयूसाठी रणनिती आखली. 'बिहार में बाहर हो, नितीश कुमार हो' यासारख्या घोषणा प्रशांत किशोर यांचीच कल्पना आहे. पंजाब आणि उत्तर प्रदेश विधानसभांच्या निवडणुकांसाठी प्रशांत किशोर यांनी राहुल गांधी यांच्यासोबत काम केलं होतं. 16 सप्टेंबर 2018 रोजी निवडणूक रणनितीकार प्रशांत किशोर यांनी नितीश कुमार यांच्या जनता दल यूनायटेड या पक्षात प्रवेश केला. संबंधित बातम्या : शिवसेनेची 'चाणक्य'नीती, प्रशांत किशोर यांच्याकडे प्रचाराची धुरा

प्रशांत किशोर जेडीयूच्या राष्ट्रीय उपाध्यक्षपदी

निवडणूक रणनितीकार प्रशांत किशोर यांचा जेडीयूत प्रवेश

2019 च्या निवडणुकीत मोदी आणि प्रशांत किशोर पुन्हा एकत्र?

प्रशांत किशोर यांना नितीश कुमारांकडून मोठं गिफ्ट

मोदी, नितीशनंतर आता काँग्रेसही प्रशांत किशोरांच्या प्रेमात

मोदींच्या 'चाणक्य'नेच नितीश कुमारांना जिंकवलं !