Maharashtra weather Live Updates : येत्या पाच दिवसात मुसळधार पाऊस पडण्याचा अंदाज
Heavy Rain forecast: मुंबई, ठाणे, नवी मुंबई, नाशिक, नागपूर, कोल्हापूर, सांगली, सातारा, सोलापूर परिसरातील पावसाचे लाईव्ह अपडेट्स जाणून घेण्यासाठी क्लिक करा.
LIVE
Background
मुंबई: नैऋत्य मोसमी वारे अर्थात मान्सूनने राज्यात 6 जूनला प्रवेश केला होता. त्यानंतर रविवारी मान्सूनचे मुंबईत आगमन झाले. त्यामुळे काल संध्याकाळपासून मुंबई, ठाणे आणि आजुबाजूच्या परिसरात पावसाला (Heavy Rain in Maharashtra) सुरुवात झाली आहे. गेल्या काही तासांमध्ये मुंबई आणि उपनगर परिसरात मुसळधार पाऊस कोसळला आहे. सोमवारीही मुंबईत मुसळधार पाऊस होण्याची शक्यता हवामान खात्याने वर्तविली आहे.
Maharashtra News : लातूरमध्ये सलग पाचव्या दिवशीही पाऊस
लातूर : मागील पाच दिवसापासून लातूर जिल्ह्यात दररोज पावसाची हजेरी सुरु आहे. पाच दिवसापासून लातूर जिल्ह्यात पावसानं दररोज जोरदार बॅटिंग करायला सुरुवात केली आहे. रोज संध्याकाळी पावसाला सुरुवात होत आहे. जोरदार वारा, ढगांचा गडगडाट यांच्यासह दररोज पाऊस किमान अर्धा तास आणि जास्तीत जास्त एक तास हजेरी लावत आहे. अवघ्या काही दिवसात वातावरणात प्रचंड गारवा निर्माण झाला आहे. यामुळे लातूर जिल्ह्यातील बळीराजा सुखावला आहे. पेरणी लायक पाऊस झाला आणि पावसाने काही काळ उघडीप दिली तर पेरणीला वेग येईल... यामुळे बियाणं आणि खत बाजारामध्ये शेतकऱ्यांचा राबता वाढला आहे.
Latur Rain News : पावसाची चाहूल लागल्याने मेंढपाळ गावाकडे निघाले
Latur Rain News : मागील अनेक वर्षापासून पश्चिम महाराष्ट्रातील सोलापूर, सातारा, माळशिरस, मान या भागातून मोठ्या प्रमाणात मेंढपाळ मेंढ्यांच्या कळपास लातूर भागात येत असतात. यावर्षी मान्सूनपूर्व पावसानं उत्तम साथ दिली आहे. मागील चार दिवसापासून जिल्ह्यात दररोज पावसाची हजेरी आहे. पावसाची चाहूल लागल्याने हे मेंढपाळ आता परतीच्या प्रवासाला लागले आहेत. जिल्ह्याभरात 300 च्या आसपास मेंढपाळ आपल्या कळपासह लातूर जिल्ह्यात दाखल झाले होते. एका कळपात दीडशे ते दोनशे मेंढ्या असतात. आता हे सर्व मेंढपाळ परतीच्या प्रवासाला लागले आहेत. मागील अनेक वर्षापासून या भागात नेमका येत असतात पावसाला सुरुवात झाली की ते परतीचा प्रवास सुरू करतात. यावर्षी परतीचा प्रवास पावसाने उत्तम साथ दिल्याने काही दिवस अगोदरच सुरू झाली आहे.
Latur Rain : वादळी वाऱ्यासह झालेल्या पावसामुळे पपई बागेचे नुकसान
Latur Rain Crop Loss : लातूर जिल्ह्यात मागील चार दिवस झालेल्या मान्सून पूर्व पावसाने मोठ्या प्रमाणात फळबागांचे नुकसान झाले आहे. जोरदार वारं आणि ढगाच्या गडगडाटासह झालेल्या पावसामुळे फळबागेच नुकसान मोठ्या प्रमाणात झाला आहे
Kokan Rain : नागरिकांना पुरापासून वाचण्यासाठी प्रशासनाकडून प्रात्यक्षिक
Rain News : कोकणात सर्वाधिक पाऊस पडून नद्यांना पूर येत असतो. यातून विस्कळीत होणारे जनजीवन आणि पुराच्या पाण्यातून नागरिकांना निर्माण होणारा धोका यातून दिलासा मिळावा, यासाठी जिल्हा प्रशासनाकडून स्थानिक स्तरावर उपाययोजना केल्या जात आहेत. यातूनच महसूल आणि पोलीस प्रशासनाला आपत्ती काळात नागरिकांसाठी मदत करण्यासाठी सज्ज ठेवण्यात आले. त्यांना ट्रेनिंग देऊन नागरिकांना अडचणीच्या काळात कसे बाहेर काढायचे याचे प्रशिक्षण देण्यात आले. याच पार्श्वभूमीवर आज खेडमध्ये जगबुडी नदीत प्रात्यक्षिक करण्यात आले. यावेळी आधुनिक बोटी सहित, प्लास्टिकचे कॅन प्लास्टिकचे बॉटल्स याचा वापर करून बुडणाऱ्या व्यक्तीला बाहेर काढण्याच्या संदर्भात प्रात्यक्षिक करण्यात आले.
Parbhani Rain News : परभणीला पावसानं झोडपलं, ओढ्यामध्ये दोन महिला वाहून गेल्या
Maharashtra Rain News : परभणी जिल्ह्यामध्ये आज सायंकाळच्या सुमारास जोरदार पाऊस झालाय. महत्त्वाचं म्हणजे पाथरी आणि मानवत या दोन तालुक्याला पावसाने जबरदस्त झोडपलं आहे. विजांचा कडकडाट आणि जोरदार पावसाने सर्वत्र पाणीच पाणी झाल्याचे चित्र पाहायला मिळालं. मानवत तालुक्यातील मानोली येथील ओढ्यामध्ये दोन महिला वाहून गेल्या. रंजना भास्करराव सुरवसे आणि सुनिता धुराजी लवाळे या दोन महिला शेतातून येत असताना ओढ्याला पाणी आल्यामुळे ओढ्याच्या पाण्यात वाहून गेल्या. यातील रंजना सुरवसे या सापडल्या असून त्यांना बेशुद्ध अवस्थेत रुग्णालयात दाखल करण्यात आले असून सुनिता लव्हाळे यांचा शोध गावकरी घेत आहेत.
महत्त्वाच्या बातम्या
ट्रेंडिंग न्यूज
