Mumbai Rain | मुंबईत पहाटेपासून पावसाची संततधार, मुसळधार पावसाचा हवामान विभागाचा इशारा

मुंबई शहर आणि उपनगरात पहाटेपासून सुरु झालेल्या जोरदार पावसामुळे सायन, दादर, वडाळा, माटुंगा, अंधेरी, कुर्ला, कांदिवली, जेव्हीएलआर परिसरात अनेक ठिकाणी पाणी साचलं आहे.

मुंबई : मुंबई शहर आणि उपनगरात मुसळधार पाऊस पडत आहे. ठाणे, नवी मुंबई परिसरातही पहाटेपासून पावसाची संततधार सुरु आहे. त्यामुळे अनेक सखल भागात पाणी साचण्यास सुरुवात झाली आहे. रस्ते वाहतुकीवरही यामुळे परिणाम झाला आहे. गेल्या 24 तासात मुंबईत 50 ते 100 मिमी तर उपनगरांमध्ये 150 ते 180 मिमी पावसाची नोंद झाली आहे. सांताक्रुझमध्ये 192 मिमी तर कुलाब्यात 73 मिमी पावसाची नोंद झाली आहे.

Heavy to very heavy rainfall in the suburbs in last 24 Hrs at 7 am, stations reporting rainfall 150-180 mm rainfall in suburbs. City side around 50 - 100 mm. Santacruz 192 mm Colaba 73 mm Heavy showers in the early morning hrs are on in Suburbs and to continue. Please TC pic.twitter.com/C2NIqgzUee

— K S Hosalikar (@Hosalikar_KS) July 27, 2019

पहाटेपासून सुरु झालेल्या जोरदार पावसामुळे सायन, दादर, वडाळा, माटुंगा, अंधेरी, कुर्ला, कांदिवली, जेव्हीएलआर परिसरात अनेक ठिकाणी पाणी साचलं आहे. त्यामुळे मुंबईसह उपनगरातील वाहतूक मोठा परिणाम झाला होता. मुंबई शहर आणि आजूबाजूच्या परिसरात जोरदार पावसाचा अंदाज हवामान खात्यानं वर्तवला आहे.

As per IMD forecast received at 2 am, intermittent rain with heavy to very heavy rainfall at a few places expected in the city and suburbs #MumbaiRainsLiveUpdates #MCGMUpdates

— माझी Mumbai, आपली BMC (@mybmc) July 27, 2019

राज्यातील अनेक ठिकाणी मुसळधार पाऊस सुरु आहे. आपल्या परिसरातील पावसाची स्थिती लक्षात घेऊन शाळांना सुट्टी देण्याचा निर्णय राज्यातील मुख्याध्यापक घेऊ शकतात, अशा सूचना शालेय शिक्षणमंत्री आशिष शेलार यांनी दिल्या आहेत.

Reviewed heavy rainfall situation at all parts of state,considering local rainfall situation concerned Headmaster /principal can take decision for declaring holiday to schools at their level for Saturday 27/7/2019 !

— ashish shelar (@ShelarAshish) July 26, 2019

बदलापूर जवळ महालक्ष्मी एक्स्प्रेस अडकली अंबरनाथ, बदलापूरमध्ये पडणाऱ्या मुसळधार पावसामुळे रेल्वे वाहतुकीवर परिणाम झाला आहे. वांगणीदरम्यान रेल्वे रुळावर पाणी साचल्याने कर्जतच्या दिशेने जाणारी रेल्वे वाहतूक ठप्प आहे. वांगणी येथे महालक्ष्मी एक्स्प्रेस अडकली असून 2 फूट पाणी ट्रॅकवर साचले आहे. एनडीआरएफला मध्य रेल्वेने पाचरण केले असून अनेक लोक गाडीत अडकले आहेत. आसपासच्या सामाजिक संस्थांना मदत करण्याचे मध्य रेल्वेने आवाहन केले आहे.

These are some pictures as the passengers were being rescued from site. #MumbaiRainsLiveUpdates pic.twitter.com/zHiju7pECA

— Central Railway (@Central_Railway) July 27, 2019