थिएटर सुरु करण्याबाबत सकारात्मक, लवकरच चित्र स्पष्ट होईल : अमित देशमुख

राज्यात थिएटर सुरु करण्याबाबत सकारात्मक असून महाराष्ट्र सरकार गांभीर्याने विचार करत आहे. तसेच या संदर्भात लवकरच चित्र स्पष्ट होईल, असं सांस्कृतिक कार्यमंत्री अमित देशमुख यांनी सांगितलं आहे.

फाईल फोटो

मुंबई : केंद्रीय गृहमंत्रालयाने अनलॉक 5 अंतर्गत गाईडलाईन्स जारी केल्या आहेत. (Unlock 5 Guidelines) अनलॉक पाचमध्ये 15 ऑक्टोबरपासून सिनेमा हॉल, चित्रपटगृह उघड्यास परवानगी दिली आहे. अशातच केंद्र सरकारच्या वतीने आज चित्रपटगृह सुरु करण्यासाठी नियमावली जाहीर करण्यात आली आहे. सिनेमागृह सुरु करण्याबाबत केंद्र सरकारने आज निर्णय घेतला आहे. यासंदर्भात महाराष्ट्र सरकार गांभीर्याने विचार करत असल्याचं सांस्कृतिक कार्यमंत्री अमित देशमुख यांनी सांगितलं.

केंद्र सराकारच्या परवानगीनंतर राज्यातील सिनेमागृह कधी सुरु करणार यांसदर्भात विचारल्यानंतर सांस्कृतिक कार्यमंत्री अमित देशमुख म्हणाले की, 'सिनेमागृह सुरु करण्याबाबत केंद्र सरकारने आज निर्णय घेतला असून आज नियमावलीही जाहीर करण्यात आली आहे. यासंदर्भात महाराष्ट्र सरकार गांभीर्याने विचार करत आहे. नवरात्र, दसरा, दिवाळी हा चित्रपटांसाठी, नाट्यगृहासाठी मौसम असतो, त्यामुळे चित्रपगृह सुरु करण्यासाठी परवानगी द्यावी अशी विनंती केली आहे. यासंदर्भात आम्ही सकारात्मक असून लकरच मुख्यमंत्र्यांशी चर्चा करणार आहोत.'

'महाराष्ट्रात कोरोनाचा प्रादुर्भाव अधिक आहे. त्यामुळे शिथीलता देण्याआधी विचार करू मगच निर्णय घेऊ. गेल्या सहा महिन्यांपासून बंद असल्यामुळे सिनेसृष्टी आणि नाट्यसृष्टी अडचणीत आहे. त्यांच्यावर आर्थिक संकट कोसळलं आहे. त्यामुळे त्यांना त्यातून बाहेर कढण गरजेचं आहे. त्यामुळे महाराष्ट्रात चित्रपटगृ सुरु होण्यासंदर्भात काही दिवसांतच चित्र स्पष्ट होईल.' असं सांस्कृतिक कार्यमंत्री अमित देशमुख यांनी बोलताना सांगितलं.

पाहा व्हिडीओ : 15 ऑक्टोबरपासून सिनेमागृह पुन्हा सुरु होणार! केंद्र सरकारची नियमावली जाहीर

15 ऑक्टोबरपासून चित्रपटगृह सुरु करण्यास केंद्र सरकारची परवानगी

कोरोनाच्या वाढत्या प्रादुर्भावामुळे लॉकडाऊनच्या लागू केल्यापासून बंद असलेली चित्रपटगृहे आता लवकरच सुरु होणार आहेत. केंद्र सरकारतर्फे चित्रपटगृहे सुरु करण्यासाठी माहिती व प्रसारण मंत्रालयाद्वारे नियमावली जारी करण्यात आली आहे. त्यानुसार, चित्रपटगृहात सुरुवातीला केवळ 50 टक्केच प्रेक्षकांना उपस्थिती देता येणार आहे. सिनेमा, थेटर्स, मल्टीप्लेक्स टॉकीज 15 ऑक्टोबरपासून पुन्हा सुरु करण्यास केंद्र सरकारने परवानगी दिल्याचे, माहिती व प्रसारणमंत्री प्रकाश जावडेकर यांनी सांगितले.

चित्रपटगृह सुरु करण्यासाठी नियमावली :

• चित्रपटगृहात केवळ 50 टक्के प्रेक्षकांची उपस्थिती बंधनकारक
• चित्रपट पाहताना आसनव्यवस्थेत फिजिकल डिस्टन्सिंग पाळणं बंधनकारक असणार आहे.
• आसनव्यवस्था राखीव ठेवू नये
• प्रेक्षकांना हँडवॉश किंवा हँड सॅनिटायझर पुरवण्यात यावं
• आरोग्य सेतू अॅपचा वापर करण्याचा सल्ला प्रेक्षकांना देण्यात यावा
• थर्मल स्क्रिनिंग करावी, केवळ लक्षणं नसलेल्या व्यक्तींनाचा चित्रपटगृहांमध्ये प्रवेश देण्यात यावा

महत्त्वाच्या बातम्या :