राज्यातील माथाडी कामगारांचा एक दिवसाचा लाक्षणिक संप

राज्यातील माथाडी कामगारांनी आज एक दिवसीय लाक्षणिक संप पुकारला आहे. या संपामुळे नवी मुंबई, पुणे, नाशिक, कोल्हापूर, सांगली, लातूर या बाजार समित्यांचे व्यवहार ठप्प आहेत.

मुंबई : राज्यातील माथाडी कामगारांनी आज एक दिवसीय लाक्षणिक संप पुकारला आहे. या संपामुळे नवी मुंबई, पुणे, नाशिक, कोल्हापूर, सांगली, लातूर या बाजार समित्यांचे व्यवहार ठप्प आहेत. तिकडे पुण्यातही माथाडी कामगारांनी कामगारनेते बाबा आढावांच्या नेतत्त्वात आंदोलन केलं. यावेळी अलका टॉकीज चौकात माथाडी कामगारांनी मोठी गर्दी केली होती. सध्याचा माथाडी कामगार कायदा फायद्याचा आहे, तो बदलण्याचं सरकारचं षडयंत्र असल्याचा दावा यावेळी बाबा आढाव यांनी केला. कंपनी आणि उद्योगधंद्यामध्ये सध्या माथाडी कामगार कायदा लागू आहे. या कायद्यामुळे माथाडी कामगारांना काम मिळतं आणि संरक्षणही मिळतं, पण आता सरकार हा कायदा बदलत आहे, असा दावा कामगारांच्या वतीनं कऱण्यात आला. त्याविरोधात हा बंद पुकारण्यात आला आहे.