Shahu Maharaj : महाराष्ट्रात एवढी अस्थिरता कधीच आली नाही, कोल्हापुरातूनच प्रतिकार होऊ शकतो ; शाहू महाराज

Shahu Maharaj, Kolhapur : महाराष्ट्रात इतकी अस्थिरता यापूर्वी कधीही आली नव्हती. आत्ताच्या परिस्थितीला कोल्हापुरातूनच प्रतिकार होऊ शकतो हे आपल्या सगळ्यांना माहिती आहे. आपल्याला तलवार घेऊन लढाईला जायचं नाही मात्र विचाराची लढाई विचाराने लढायची आहे.

Photo Credit - abp majha reporter

Shahu Maharaj, Kolhapur : "महाराष्ट्रात इतकी अस्थिरता यापूर्वी कधीही आली नव्हती. आत्ताच्या परिस्थितीला कोल्हापुरातूनच प्रतिकार होऊ शकतो हे आपल्या सगळ्यांना माहिती आहे. आपल्याला तलवार घेऊन लढाईला जायचं नाही मात्र विचाराची लढाई विचाराने लढायची आहे. काय बरोबर आहे काय चुकीचं आहे हे आपल्याला समजले असेल तर ते बदलण्याची ताकद तुमच्यामध्ये आहे, असे प्रतिपादन शाहू महाराज (Shahu Maharaj) यांनी केले. काँम्रेड गोविंद पानसरे (Govind Pansare) यांच्या स्मारकाचा लोकार्पण सोहळा पार पडला. यावेळी ते बोलत होते. यावेळी खासदार शरद पवारही उपस्थित होते. 

महाराष्ट्राच्या वाट्याला शेपटीचा तुकडा टाकला जातो

शाहू महाराज (Shahu Maharaj) म्हणाले, सर्व उद्योगधंदे गुजरातमध्ये जात आहेत आणि महाराष्ट्राच्या वाट्याला शेपटीचा तुकडा टाकला जातो. महाराष्ट्रात इतकी अस्थिरता यापूर्वी कधीही आली नव्हती. प्रत्येकाने ठरवलं पाहिजे की, घटनेला साथ द्यायची आहे की घटना गाडून टाकणाऱ्याना साथ द्यायची. विचाराने आपण एक राहिलो तर आपण कुणालाही तोंड देऊ शकतो, भविष्य काळात रणांगण सुरू होणार आहे. पक्षांतर बंदी कायदा मधून पळवाटा काढल्या जात आहेत त्यामध्ये दुरुस्ती करणे गरजेचे आहे. पक्षांतर का होतात? त्याची कारण काय आहेत याची कारण सर्वांनाच माहिती आहेत. 

शाहू महाराज यांचे समतेचे विचार पानसरे यांनी आत्मसाथ केले

शाहू महाराज (Shahu Maharaj) पुढे बोलताना म्हणाले, आधुनिक काळात शाहू महाराज यांचे समतेचे विचार पानसरे यांनी आत्मसाथ केले. आज आपण एका वेगळ्या कार्यक्रमासाठी आलो आहे. गोरगरीब जनतेसाठी पानसरे काम करत राहिले. शिवाजी महाराज कोण होते हे सर्वसामान्य नागरिकांना समजवून सांगितले. पानसरे यांचे विचार ऐकायला आवडत होते. दाभोलकर, पानसरे, कलबुर्गी, गौरी लंकेश यांच्या लागोपाठ सिरीयल हत्या झाल्या. मात्र यांचे धागेदोरे अजून सापडले नाहीत, अशी खंतही शाहू महाराजांनी यावेळी बोलून दाखवली. 

आज कोल्हापूरचे छत्रपती शाहू महाराज यांच्या निवासस्थानी सदिच्छा भेट घेतली. यावेळी छ. शाहू महाराज यांचे सुपुत्र, माजी आमदार छत्रपती मालोजी राजे, संभाजी ब्रिगेडचे प्रदेशाध्यक्ष प्रवीण गायकवाड, कोल्हापूर ग्रामीणचे जिल्हाध्यक्ष व्ही. बी. पाटील हे उपस्थित होते. pic.twitter.com/peste7Dukj

— Sharad Pawar (@PawarSpeaks) February 20, 2024

इतर महत्वाच्या बातम्या