Agniveer Recruitment : कोल्हापुरात अग्निवीर प्रवेशासाठी ऑनलाईन सीईईसह नवीन भरती प्रणाली; जाणून घ्या प्रक्रिया
अग्निपथ योजनेंतर्गत कोल्हापुरात 10 फेब्रुवारी ते 11 मार्च 2023 या कालावधीत वर्ष 2023-24 साठी अग्निपथ योजनेअंतर्गत अग्निवीर प्रवेशासाठी ऑनलाईन सीईईसह नवीन भरती प्रणाली राबविण्यात येणार आहे.
Agniveer Recruitment : अग्निपथ योजनेंतर्गत कोल्हापुरात (Agniveer Recruitment) 10 फेब्रुवारी ते 11 मार्च 2023 या कालावधीत वर्ष 2023-24 साठी अग्निपथ योजनेअंतर्गत अग्निवीर प्रवेशासाठी ऑनलाईन सीईईसह नवीन भरती प्रणाली (Agniveer Recruitment in Kolhapur new Recruitment System with Online CEE) राबविण्यात येणार आहे. या सामायिक प्रवेश परीक्षेसाठी पात्र उमेदवारांनी 10 फेब्रुवारी ते 11 मार्च 2023 या कालावधीत (CEE) अर्जाची ऑनलाईन नोंदणी/सबमिशन करण्याचे आवाहन कर्नल आकाश मिश्रा यांनी केले आहे.
कोल्हापूर, सांगली, सातारा, सिंधुदुर्ग आणि रत्नागिरी या पाच जिल्ह्यांतील पात्र पुरुष तरुणांच्या नावनोंदणीसाठी सैन्य भरती रॅली आयोजित करण्यात आली आहे. (गोवा राज्यातील उत्तर गोवा आणि दक्षिण गोवा जिल्हे) भारतीय सशस्त्र दलातील अग्निपथ योजना ही एक योजना आहे. ज्यामध्ये निवडलेल्या उमेदवारांना संरक्षण मंत्रालयाने जून 2022 मध्ये घोषित केल्यानुसार चार वर्षांच्या कालावधीसाठी अग्निवीर म्हणून (Agniveer Recruitment in Kolhapur) नोंदणी केली जाईल. चार वर्षांची सेवा पूर्ण झाल्यावर, अग्निवीर इतर क्षेत्रातील रोजगारासाठी समाज शिस्तबद्ध, गतिमान, प्रवृत्त आणि कुशल कार्यशक्ती म्हणून त्यांच्या आवडीच्या नोकरीत त्यांचे करिअर घडवू शकतो. अग्निवीरांनी त्यांचा 25 टक्के पर्यंतचा कार्यकाळ पूर्ण केल्यानंतर सशस्त्र दलात नियमित केडर म्हणून नावनोंदणी होण्यासाठी अग्निवीरांची निवड केली जाईल.
भरती प्रक्रिया दोन टप्प्यात
भरती वर्ष 2023-24 साठी, भरती प्रक्रिया दोन टप्प्यात आयोजित केली जाईल, ज्यामध्ये ऑनलाईन सामायिक प्रवेश परीक्षा (CEE) रॅलीपूर्वी आयोजित केली जाईल. फेज-1 चा भाग म्हणून, अग्निपथ योजनेंतर्गत 2023-24 सालच्या भरतीसाठी सैन्यात अग्निवीर प्रवेशासाठी सामायिक प्रवेश परीक्षेसाठी (CEE) अर्जाची ऑनलाईन नोंदणी/सबमिशन पात्र उमेदवारांसाठी 10 फेब्रुवारी ते 11 मार्च 2023 या कालावधीत सुरु होईल. अर्ज भरताना उमेदवाराला पाच परीक्षा केंद्रे निवडावी लागतील जिथे तो ऑनलाईन CEE साठी बसू इच्छितो. नवीन भरती प्रणालीनुसार, ऑनलाईन नोंदणीनंतर, ऑनलाईन CEE 12 एप्रिल 2023 पासून सुरु होईल. सामायिक प्रवेश परीक्षा (CEE) मधील निवडलेल्या उमेदवारांची शारीरिक तंदुरुस्ती चाचणी (PFT), शारीरिक मापन चाचणी (PMT) आणि फेज-2 मधील वैद्यकीय परीक्षेसाठी चाचणी केली जाईल, जे जानेवारी 2024 मध्ये तात्पुरते नियोजित आहे, असेही मिश्रा यांनी कळविले आहे.
इतर महत्वाच्या बातम्या
महत्त्वाच्या बातम्या
