PNB घोटाळा : पंतप्रधान मोदींनी मौन सोडलं

आर्थिक घोटाळ्यांच्या बाबतीत सरकारचं धोरण झिरो टॉलरन्सचं असल्याचं नरेंद्र मोदींनी सांगितलं.

नवी दिल्ली : पंजाब नॅशनल बँक घोटाळ्यावर पंतप्रधान नरेंद्र मोदी यांनी पहिल्यांदाच मौन सोडलं आहे. आर्थिक घोटाळे कधीही सहन केले जाणार नाहीत, सरकार कठोर कारवाई करेल, असं मोदींनी दिल्लीतील ग्लोबल बिझनेस समिटमध्ये स्पष्ट केलं. आर्थिक घोटाळ्यांच्या बाबतीत सरकारचं धोरण झिरो टॉलरन्सचं असल्याचं मोदींनी सांगितलं. सरकार आर्थिक विषयाशी संबंधित अनियमिततेविरोधात कठोर कारवाई करत आहे, अशी माहिती पंतप्रधानांनी दिली 'ज्या भिन्न वित्तीय संस्थांवर नियमनाची जबाबदारी सोपवण्यात आली आहे, त्यांनी पूर्ण निष्ठेने आपलं कर्तव्य बजावायला हवं. विशेषतः ज्यांच्यावर देखरेख आणि मॉनिटरिंगचं काम सुपूर्द करण्यात आलं आहे, त्यांनी आपली जबाबदारी पार पाडावी' असं आवाहन पंतप्रधानांनी केलं. पंतप्रधान नरेंद्र मोदी यांनी आपल्या भाषणात पंजाब नॅशनल बँक किंवा नीरव मोदी यांचा थेट उल्लेख केलेला नाही. घोटाळ्यावर मोदींनी मौन बाळगल्यामुळे विरोधकांनी हल्लाबोल केला होता. काँग्रेस अध्यक्ष राहुल गांधींनीही प्रश्न उपस्थित केले होते.

मैं स्पष्ट करना चाहूंगा कि ये सरकार आर्थिक विषयों से संबंधित अनियमितताओं के विरुद्ध कड़ी कार्रवाई कर रही है, करेगी और करती रहेगी। जनता के पैसे का अनियमित अर्जन, इस सिस्टम को स्वीकार नहीं होगा: PM @narendramodi

— PMO India (@PMOIndia) February 23, 2018

एक अपील मैं ये भी करना चाहता हूं कि विभिन्न Financial institutions में नियम और नीयत यानि Ethics बनाए रखने का दायित्व जिन्हें दिया गया है वो पूरी निष्ठा से अपना कर्तव्य निभाएं। विशेषकर जिन्हें निगरानी और मॉनीटरिंग की जिम्मेदारी सौंपी गई है: PM @narendramodi — PMO India (@PMOIndia) February 23, 2018