Narendra Modi Video : बापाच्या खांद्यावर बसलेल्या मुलाने मोंदींकडे पाहून हातवारे केले, मोदी म्हणाले, बास कर आता, नाहीतर...
Narendra Modi MP Viral Video : पंतप्रधान नरेंद्र मोदी हे एका कार्यक्रमानिमित्त मध्य प्रदेशमध्ये होते. त्यांच्या सभेच्या दरम्यान एक अशी गोष्ट घडली की ज्याचा व्हिडीओ आता व्हायरल होत आहे.
भोपाळ: पंतप्रधान नरेंद्र मोदी (Narendra Modi) बोलायला लागले की ऐकणाऱ्यांमध्ये एक वेगळीच उर्जा निर्माण होते, त्यामुळेच मोदी हे सर्वात लोकप्रिय पंतप्रधानांच्या यादीत जाऊन बसतात. मोदींचे शब्द ऐकण्यासाठी लहान मुलांपासून ते वृद्ध नागरिकांपर्यंत गर्दी होते. मोदींच्या मध्य प्रदेशमधील सभेमध्ये अशाच एका लहान मुलाने हजेरी लावली, त्यांच्याकडे पाहून हातवारे करू लागला. त्यावेळी त्या लहान मुलांना मोदींनी असं काही उत्तर दिलं की त्यामुळे त्यांनी उपस्थितांची मनं जिंकली.
मोदींकडे पाहून बापाच्या खांद्यावर बसलेल्या मुलाने हातवारे केले, त्यांचे लक्ष वेधून घेण्यासाठी प्रयत्न सुरू केले. पंतप्रधान मोदींच्या ही गोष्ट लक्षात आल्यानंतर त्यांनी त्या मुलाला हात खाली घ्यायला सांगितले. तुझे हात दुखतील, हात खाली घे असं मोदी म्हणताना दिसतात.
पंतप्रधान नरेंद्र मोदी आज मध्य प्रदेशमध्ये एका विशाल सभेला संबोधित करत होते. त्यांच्या भाषणादरम्यान त्यांना एक लहान मूल दिसले जे त्यांच्याकडे पाहून हातवारे करत होतं. त्यानंतर पंतप्रधान नरेंद्र मोदी त्या मुलाला उद्देशून म्हणाले, मुला, आता हात खाली कर. तुझे प्रेम मला मिळालं, तुझ्या भावना पोहोचल्या. आता हात जास्त हलवू नकोस, नाहीतर तुझे हात आणि खांदे दुखतील.
देखिए प्रधानमंत्री श्री @narendramodi जी का बच्चे के प्रति स्नेह भाव...#TribalsWithModi pic.twitter.com/SdfLhnzDmg
— BJP Madhya Pradesh (@BJP4MP) February 11, 2024
मध्य प्रदेशातील 7,550 कोटींच्या विकास कामांच्या उद्घाटनानंतर झाबुआ येथील जनजाती महासभेला पंतप्रधान नरेंद्र मोदी यांनी संबोधन केलं.
महत्त्वाच्या बातम्या
ट्रेंडिंग न्यूज
