कुठल्या राज्यात MBBSच्या किती जागा? महाराष्ट्रात किती? श्रीकांत शिंदे, हीना गावितांच्या प्रश्नावर केंद्राकडून आकडेवारी जारी

देशात कुठल्या राज्यात एमबीबीएसच्या किती जागा आहेत याबाबत अधिवेशनात सविस्तर माहिती केंद्राकडून देण्यात आली आहे. खासदार श्रीकांत शिंदे (Shrikant Shinde) आणि हीना गावित यांनी याबाबत प्रश्न विचारला होता.

MBBS seats in India NEET 2022

MBBS seats in India: देशामध्ये NEET 2022 ची तयारी सुरु आहे आणि एमबीबीएस (MBBS Admission) प्रवेशासाठी विद्यार्थी आणि पालकांची तयारी देखील जोरात सुरु आहे. मात्र देशात कुठल्या राज्यात एमबीबीएसच्या किती जागा आहेत याबाबत स्पष्टता नव्हती. दरम्यान संसदेच्या पावसाळी अधिवेशनात याबाबत सविस्तर माहिती केंद्र सरकारकडून देण्यात आली आहे. खासदार श्रीकांत शिंदे (Shrikant Shinde) आणि खासदार हीना गावित (Heena Gavit) यांनी याबाबत प्रश्न विचारला होता. यावर उत्तर देताना केंद्रानं एमबीबीएसच्या जागांबाबत माहिती दिली आहे. देशात विविध सरकारी आणि खाजगी मेडिकल कॉलेजमध्ये 91 हजारपेक्षा अधिक जागा उपलब्ध आहेत. 

भारतात एमबीबीएस जागांची एकूण संख्या 91,927 इतकी आहे. यात 48,012 जागा सरकारी मेडिकल कॉलेजमध्ये तर 43, 915 खाजगी मेडिकल कॉलेजमध्ये आहेत. देशात 322 सरकारी मेडिकल कॉलेजेस आहेत तर खाजगी मेडिकल कॉलेजेसची संख्या 290 इतकी आहे. 

दिलेल्या यादीनुसार तामिळनाडूमध्ये सर्वाधिक 10,725 जागा आहे तर कर्नाटकमध्ये 10,145 जागा आहेत. महाराष्ट्रात एकूण 9,895 एमबीबीएसच्या जागा आहेत तर  उत्तर प्रदेशमध्ये 9,053 जागा आहे. 

कुठल्या राज्यात एमबीबीएसच्या किती जागा?
NEET 2022 – State wise list of MBBS Seats

अंदमान आणि निकोबार: 100  
आंध्र प्रदेश: 5,335  
अरुणाचल प्रदेश: 50  
आसाम: 1,150  
बिहार: 2,415  
चंडीगड: 150  
छत्तीसगड: 1,565  
दादरा आणि नगर हवेली: 150  
दिल्ली: 1,497  
गोवा: 180  
गुजरात: 5,700  
हरियाणा: 1,660  
हिमाचल प्रदेश: 920  
जम्मू आणि कश्मीर: 1,147  
झारखंड: 930  
कर्नाटक: 10,145  
केरळ: 4,255  
मध्य प्रदेश: 4,080 
महाराष्ट्र: 9,895 
मणिपूर: 375 
मेघालय: 50 
मिझोरम: 100 
ओडिसा: 2,125 
पुद्दुचेरी: 1,630 
पंजाब: 1,750 
राजस्थान: 4,005 
सिक्किम: 150 
तामिळनाडु: 10,725 
तेलंगाना: 5,040 सीट
त्रिपुरा: 225 सीट
उत्तर प्रदेश: 9,053 सीट
उत्तराखंड: 1,150 सीट
पश्चिम बंगाल: 4,225