Ram Mandir : प्रभू श्रीरामाला 114 कलशांच्या पाण्याने स्नान, रामललाच्या मंडपाची पूजा

Ayodhya Ram Temple : आज रविवारी प्रभू श्रीरामाच्या मूर्तीला 114 कलशांच्या पाण्याने स्नान घालण्यात येणार आहे. आज रामललाच्या मंडपाचीही पूजा केली जाणार आहे.

Ayodhya Ram Mandir Inauguration ( Image Source :ShriRamTeerth/twitter )

Ayodhya Ram Mandir : अयोध्येमध्ये भव्य प्रभू श्रीराम मंदिरात (Ram Temple) रामललाच्या (Ram Lalla) अभिषेक आणि प्राणप्रतिष्ठा (Pran Pratishtha ) कार्यक्रमाला आता फक्त एक दिवस उरला आहे. याआधी राम मंदिरात (Ram Temple) विशेष विधी सुरू आहेत. आज राम मंदिर प्राणप्रतिष्ठा सोहळ्यासंबंधित विधींचा सहावा दिवस आहे. आज रविवारी प्रभू श्रीरामाच्या मूर्तीला 114 कलशांच्या पाण्याने स्नान घालण्यात येणार आहे. आज रामललाच्या मंडपाचीही पूजा केली जाणार आहे. श्री रामजन्मभूमी तीर्थ क्षेत्र ट्रस्टने ट्विट करत यासंदर्भात माहिती दिली आहे.

114 कलशांतील पाण्याने रामललाला स्नान

रामजन्मभूमी तीर्थ क्षेत्र ट्रस्टने ट्विटमध्ये लिहिलं आहे की, 'रविवारी प्रस्थापित देवतांची दैनंदिन पूजा, हवन, पारायण, पहाटे मध्‍वधिवास, 114 कलशांतील विविध औषधी पाण्याने मूर्तीचे स्नान, महापूजा, उत्सव, मूर्तीच्या प्रसादाची प्रदक्षिणा, शय्याधिवास, तत्लन्यास, महान्यास. तेथे आदिन्य, शांत-पोषक – अघोर होम, व्याहती होम, रात्री जागरण, संध्याकाळची पूजा आणि आरती होईल.'

रामलला मंदिराच्या गाभाऱ्यात विराजमान

अयोध्या रामभक्तांच्या गर्दीने गजबजलेली पाहायला मिळत आहे. रामललाचा बहुप्रतिक्षित प्राण प्रतिष्ठा, अभिषेक सोहळा आणि मंदिराचा भव्य उद्घाटन सोहळा सोमवारी पार पडणार आहे. प्राणप्रतिष्ठा आणि उद्घाटना पूर्वीचा उत्साह अयोध्यानगरीत दिसून येत आहे. याआधी शुक्रवारी म्हैसूरचे प्रसिद्ध शिल्पकार अरुण योगीराज यांनी बनवलेली श्री रामललाची मूर्ती मंदिराच्या गर्भगृहात ठेवण्यात आली होती. गुरुवारी गर्भगृहात घटस्थापना सोहळ्यादरम्यान तोंड झाकलेल्या रामललाच्या मूर्तीचा पहिला फोटो समोर आला. 

प्राण प्रतिष्ठा और संबंधित आयोजनों का विवरण:

1. आयोजन तिथि और स्थल: भगवान श्री रामलला की प्राण-प्रतिष्ठा योग का शुभ मुहूर्त, पौष शुक्ल कूर्म द्वादशी, विक्रम संवत 2080, यानी सोमवार, 22 जनवरी, 2024 को आ रहा है।

2. शास्त्रीय पद्धति और समारोह-पूर्व परंपराएं: सभी शास्त्रीय परंपराओं…

— Shri Ram Janmbhoomi Teerth Kshetra (@ShriRamTeerth) January 15, 2024

अनेक राज्यांमध्ये शासकीय सुट्टी जाहीर

देशाचं लक्ष या सोहळ्याकडे लागलं आहे. रामललाच्या (Ram Lala) प्राणप्रतिष्ठा कार्यक्रमाचा उत्सव फक्त अयोध्येतच नाही तर संपूर्ण देशभरात पाहायला मिळणार आहे. देशभरात ठिकठिकाणी विविध कार्यक्रमाचं आयोजन करण्यात आलं आहे. अनेक राज्यांमध्ये शासकीय सुट्टी देण्यात आली आहे. उत्तर प्रदेशसह महाराष्ट्र, मध्य प्रदेश, हरियाणा, गोवा या राज्यांमध्येही शाळा आणि शासकीय कार्यालये बंद ठेवण्यात येणार आहेत.

 

महत्त्वाच्या इतर बातम्या :