Compulsory Feature in Two Wheelers: टोल टॅक्सनंतर, सरकारचा दुसरा मोठा निर्णय! आतापासून प्रत्येक दुचाकीमध्ये असेल 'हे'  फीचर

Compulsory Feature in Two Wheelers: अँटी-लॉक ब्रेकिंग सिस्टीम ही एक महत्त्वाची सुरक्षा सुविधा आहे जी अचानक ब्रेक लावल्यावर बाईकचे टायर लॉक होण्यापासून रोखते.

Compulsory Feature in Two Wheelers

Source : ABP Majha

ABS Compulsory on All Two Wheelers:  भारतात दररोज अपघातांच्या बातम्या आपल्याला ऐकायला मिळतात. अशा परिस्थितीत, सरकारने भारतातील दुचाकींच्या सुरक्षिततेबाबत एक मोठा निर्णय घेतला आहे. रस्ते वाहतूक आणि महामार्ग मंत्रालयाने 2026 पासून सर्व दुचाकींमध्ये अँटी-लॉक ब्रेकिंग सिस्टम (Anti-Lock Breaking System) अनिवार्य केले आहे. यासोबतच, प्रत्येक दुचाकीच्या डिलिव्हरीवेळी डीलरला दोन BIS प्रमाणित हेल्मेट देणे बंधनकारक असेल, अशी माहिती पुढे आली आहे. नेमके हे नवीन नियम काय? हे जाणून घेऊ. 

1 जानेवारी 2026 पासून लागू होणार 'हे' नियम

पुढे आलेल्या माहितीनुसार, हे नियम 1 जानेवारी 2026 पासून लागू होणार आहेत, ज्याचा उद्देश दुचाकी अपघातांमध्ये होणारे मृत्यू कमी करणे हा आहे.एकंदरीत होणाऱ्या अपघातांमध्ये बहुतेक मृत्यू वाहन घसरल्याने आणि डोक्याला दुखापत झाल्यामुळे होतात. पूर्वी 125 सीसी किंवा त्याहून अधिक क्षमतेच्या वाहनांमध्ये एबीएस अनिवार्य होते. आता 125 सीसीपेक्षा कमी क्षमतेच्या वाहनांमध्ये सीबीएस लागू असणार आहे. आता, नवीन नियमानुसार, 100 सीसी असो वा 500 सीसी, सर्व इंजिन क्षमता असलेल्या सर्व दुचाकींमध्ये एबीएस बसवणे बंधनकारक असेल.

अँटी-लॉक ब्रेकिंग सिस्टीम म्हणजे नेमकं काय? 

एबीएस म्हणजेच अँटी-लॉक ब्रेकिंग सिस्टीम. हे एक महत्त्वाचे सुरक्षा वैशिष्ट्य आहे, जे अचानक ब्रेक लावल्यावर बाईकचे टायर लॉक होण्यापासून रोखते. ते ब्रेकिंग दरम्यान चाकांच्या वेगाचे निरीक्षण करते आणि गरज पडल्यास ब्रेक प्रेशर नियंत्रित करून रायडरला संतुलन राखण्यास मदत करते. ब्रेकिंग करताना एबीएस चाकांच्या वेगाचे निरीक्षण करते आणि गरज पडल्यास ब्रेक प्रेशर नियंत्रित करून रायडरला संतुलन राखण्यास मदत करते. यामुळे बाईक घसरण्यापासून वाचते आणि अपघातांचा धोका कमी होतो. खरं तर, ABS चे दोन प्रकार आहेत - पहिला सिंगल चॅनेल ABS आहे जो फक्त पुढच्या टायरवर परिणाम करतो आणि दुसरा ड्युअल चॅनेल ABS आहे जो पुढच्या आणि मागच्या दोन्ही टायरवर काम करतो. म्हणूनच ते अधिक सुरक्षित मानले जाते. याशिवाय, सरकार आणखी एक महत्त्वाचा नियम आणण्याच्या तयारीत आहे. या नियमामुळे, प्रत्येक दुचाकीसोबत दोन BIS-प्रमाणित हेल्मेट देणे बंधनकारक केले जाईल.

हे देखील वाचा