हौसेला मोल नाही! कार घ्यायला थेट हेलिकॉप्टरनं एन्ट्री; गाडीची किंमत ऐकून व्हाल थक्क
Kerala Businessman Viral Video: केरळमधील या उद्योजकाचं नाव पोलंड मूसा असून त्यांना मूसा हाजी असेही म्हणतात."फ्रेग्रन्स वर्ल्ड" या आंतरराष्ट्रीय परफ्यूम कंपनीचे ते मालक आहेत.
Kerala Businessman Viral Video: आपण एखादी वस्तू खरेदी केली की ती आपण बाईकवरून किंवा सार्वजनिक वाहतुकीच्या माध्यमातून घरी आणतो. पण केरळमधील एका व्यावसायिकाने मात्र हे सगळं चित्रच पालटून टाकलं आहे. या व्यावसायिकाने आपली नवीन लक्झरी कार विकत घेण्यासाठी रस्त्याच्या ऐवजी थेट हेलिकॉप्टरने पोहोचण्याचा मार्ग स्वीकारला. या व्यावसायिकाचा व्हिडिओ सध्या सोशल मीडियावर प्रचंड वेगाने व्हायरल होत आहे.
केरळमधील या व्यावसायिकाचे नाव पोलंड मूसा आहे, ज्यांना मूसा हाजी असेही म्हणतात. मूसा हे केरळचे रहिवासी असून ‘फ्रेग्रन्स वर्ल्ड’ या आंतरराष्ट्रीय परफ्यूम कंपनीचे मालक आहेत. तर जाणून घेऊयात मूसा हेलिकॉप्टरने घेण्यासाठी गेलेली कार नेमकी कोणती आणि तिची किंमत किती?
Another beast joins the fleet. Our brand-new Bentley Bentayga Signature Edition has officially touched down in our hometown Edayur, Valanchery. Luxury, power, and presence this one makes a statement wherever it rolls.@BentleyMotors pic.twitter.com/Elu4AZGxei
— polandmoosa (@polandmoosa) May 28, 2025
गाडीची किंमत नेमकी किती?
ही कार बेंटले बेंटायगा EWB आहे, जी एक सुपर लक्झरी SUV आहे. या कारची डिलिव्हरी घेण्यासाठी मूसा स्वतः हेलिकॉप्टरने आले होते, आणि तो नजारा एखाद्या फिल्मी दृश्याप्रमाणेच वाटत होता. या गाडीच्या किंमतीबद्दल सांगायचं झालं, तर ती सुमारे 6 कोटी रुपयांपासून सुरू होते आणि व्हेरिएंटनुसार त्यात बदल होतो.
सोशल मीडियावर व्हिडिओ व्हायरल
मूसा हाजी यांचा व्हिडिओ सोशल मीडियावर अपलोड होताच तो झपाट्याने व्हायरल झाला. या व्हिडिओमध्ये ते तीन लक्झरी SUV – एक रेंज रोव्हर, एक लँड रोव्हर डिफेंडर 110 आणि एक टोयोटा लँड क्रूझर या गाड्यांच्या ताफ्यासह स्वतः हेलिकॉप्टरमधून एका मोकळ्या मैदानात येताना दिसतात. त्यानंतर ते निळ्या रंगाच्या कपड्याने झाकलेली बेंटले बेंटायगा या कारच्या जवळ जातात आणि तो कपडा हटवतात. कपडा हटवताच रोज गोल्ड शेडमधील बेंटायगा गाडी दिसून येते. मूसा हाजी यांच्या व्हिडिओ सध्या जोरदार चर्चा सोशल मिडीयावर रंगली आहे.
इतर महत्त्वाच्या बातम्या
महत्त्वाच्या बातम्या
