Car Tricks : हिवाळ्यात गाडीचं इंजिन होऊ शकतं खराब, 'या' चुका करू नका!

Car Tricks : हिवाळ्यात कारच्या इंजिनसाठी योग्य व्हिस्कोसिटी असलेले सिंथेटिक ऑईल वापरा, वेळेवर बदल करा आणि इंजिनचे आयुष्य वाढवा.

Car Tricks

हिवाळ्याचा काळ फक्त माणसांसाठीच नव्हे, तर कारच्या इंजिनसाठीही आव्हानात्मक असतो. कमी तापमानाचा थेट परिणाम इंजिन ऑईलवर होतो.

अनेक लोक फक्त किलोमीटरच्या आधारावर इंजिन ऑईल बदलतात. ते हंगामाचा परिणाम लक्षात घेत नाहीत, ही मोठी चूक ठरू शकते.

जर तुम्ही योग्य वेळी इंजिन ऑईल बददलं नाही तर इंजिनवर जास्त ताण येऊ शकतो. त्यामुळे इंजिनची आयुर्मान कमी होऊ शकते.

हिवाळा सुरू होण्यापूर्वी इंजिन ऑईल तपासनं खूप गरजेचं आहे. इंजिन ऑईल बदलण्याचा निर्णय ऑईलच्या प्रकारावर आणि ड्रायव्हिंग पद्धतीवर अवलंबून असतो.

सामान्य परिस्थितीत, उत्पादक 5,000 ते 10,000 किलोमीटरनंतर ऑईल बदलण्याचा सल्ला देतात. काही वेळा सहा महिने ते एक वर्ष असा कालावधीही सुचवला जातो.

परंतु हिवाळ्यात हा नियम थोडा बदलतो. जर तुम्ही थोड्या अंतरावर वारंवार गाडी चालवत असाल, तर ऑईल लवकर बदलणे योग्य ठरू शकते.

तज्ञांच्या म्हणन्यानुसार, थंड प्रदेशात राहणाऱ्या लोकांनी ऑईलची गुणवत्ता लवकर तपासावी. कारण सहा महिने पूर्ण होण्यापूर्वीच ऑईल तपासणे सुरक्षित असते.

सिंथेटिक ऑईल हिवाळ्यात अधिक योग्य मानले जाते. हे ऑईल कमी तापमानातही इंजिनचे कम्बशन व्यवस्थित ठेवते.

इंजिन ऑईल निवडताना योग्य व्हिस्कोसिटी ग्रेड निवडणे अत्यंत महत्त्वाचे आहे. कारच्या मॅन्युअलमध्ये दिलेल्या ग्रेडप्रमाणेच ऑईल वापरावे.

'W' आधीचा अंक जितका कमी, तितके ऑईल थंडीत अधिक पातळ राहते. योग्य आणि उच्च प्रतीचे सिंथेटिक ऑईल वापरल्यास इंजिनची कार्यक्षमता आणि आयुष्य दोन्ही वाढते.

(टीप: वरील सर्व माहिती केवळ माहितीपुरती असून, एबीपी माझा यामध्ये कोणताही दावा करत नाही).