Mahindra XUV700 : Mahindra XUV700 चे MX ऑटोमॅटिक व्हेरिएंट लवकरच होणार लॉन्च, किंमत आणि वैशिष्ट्य नेमके काय असतील?
Mahindra XUV 700 MX Automatic : Mahindra XUV700 पेट्रोलला त्याच्या एंट्री-लेव्हल MX व्हेरियंटची ऑटोमॅटिक गिअरबॉक्स सुसज्ज व्हर्जन मिळेल.
Mahindra XUV 700 MX Automatic : दिग्गज कार निर्माता कंपनी महिंद्रा (Mahindra & Mahindra) नेहमीच ग्राहकांसाठी वेगवेगळे अपडेट्स घेऊन येत असते. नुकत्याच आलेल्या ARAI च्या अप्रूवल सर्टिफिकेट रिपोर्टनुसार, महिंद्रा XUV700 पेट्रोलला याच्या एन्ट्री लेव्हल MX ARAI ने जारी केलेल्या प्रकार मंजुरी प्रमाणपत्रानुसार, Mahindra XUV700 पेट्रोलला त्याच्या एंट्री-लेव्हल MX व्हेरियंटची ऑटोमॅटिक गिअरबॉक्स सुसज्ज व्हर्जन मिळेल. सध्या, MX ट्रिम फक्त पेट्रोल आणि डिझेल इंजिन दोन्ही पर्यायांमध्ये मॅन्युअल ट्रान्समिशनसह ऑफर केली जाते. ऑटोमॅटिक गिअरबॉक्स सध्या फक्त XUV700 च्या AX3, AX5 आणि AX7 व्हेरिएंटसह उपलब्ध आहे. ही 5 सीटर SUV ची ट्रिम कार येत्या आठवड्यात येण्याची अपेक्षा आहे. आता या कारची नेमकी वैशिष्ट्य कोणती असतील? आणि कारची किंमत नेमकी किती असेल याच संदर्भात अधिक माहिती जाणून घेऊयात.
या कारची किंमत किती असेल?
XUV700 च्या पेट्रोल-एटी मॉडेल्सची किंमत त्यांच्या मॅन्युअल व्हेरिएंटपेक्षा सुमारे 1.8 लाख रुपये जास्त आहे हे लक्षात घेता, MX AT ट्रिमची किंमत सुमारे 15.80 लाख रुपये असेल. XUV700 MX पेट्रोलची एक्स-शोरूम किंमत सध्या 13.99 लाख रुपये आहे. XUV700 पेट्रोल-ऑटोमॅटिक खरेदी करणारे लोक सुमारे 2.4 लाख रुपये कमी खर्च करून ते खरेदी करू शकतात, कारण पेट्रोल-AT AX3 ट्रिमची एक्स-शोरूम किंमत 18.19 लाख रुपये आहे.
फीचर्स काय असतील?
Mahindra XUV700 या कारमध्ये अनेक फीचर्स देण्यात आली आहेत. सर्वात महत्त्वाचं म्हणजे, ही कार बेस-स्पेक वैशिष्ट्यांसह उपलब्ध आहे. यामध्ये उच्च व्हेरिएंटपासून वेगळे करण्यासाठी, याला 17-इंच स्टील रिम्ससह 235/65 R17 टायर देण्यात आला आहे. तसेच, या कारमध्ये AX3 ट्रिमसह उपलब्ध किटचा अभाव आहे. जसे की, 8.0-इंच डिजिटल ड्रायव्हर डिस्प्ले, वायरलेस Android Auto आणि Apple CarPlay, दोन अतिरिक्त स्पीकर, LED DRLs, एक मागील सीट आर्मरेस्ट आणि 60:40 स्प्लिट-फोल्डिंग मागील सीट यांसारखी अनेक. वैशिष्ट्ये उपलब्ध नाहीत.
महत्त्वाच्या बातम्या :
Tata Motors cuts EV prices : टाटा कंपनीच्या 'या' ईव्ही गाड्यांच्या किंमती थेट लाख रुपयांनी उतरल्याने ग्राहकांसाठी लाॅटरी!
महत्त्वाच्या बातम्या
ट्रेंडिंग न्यूज
