Travel : हिमाचल, उत्तराखंडही पडतील फिके! महाराष्ट्रातील 'हे' उत्कृष्ट हिल स्टेशन, निसर्गसौंदर्य पाहाल, तर मंत्रमुग्ध व्हाल..

Travel : महाराष्ट्रातील या उत्कृष्ट हिल स्टेशनला भेट द्याल, तर हिमाचल आणि उत्तराखंडही विसराल..

Travel lifestyle marathi news best hill station in Maharashtra

Travel : महाराष्ट्र निसर्गसौंदर्यानी परिपूर्ण आहे. निसर्गाने या राज्याला भरभरून दिलंय. मग परदेशात जाण्यापेक्षा इथेच तुमची सु्ट्टी कमी बजेटमध्ये घालवणे एक उत्तम पर्याय असेल. उन्हाळ्याच्या सुट्टीत लोक परदेशात जायचा प्लॅन करतात. पण बजेट अभावी जवळची ठिकाणं फिरण्यासाठी ठरवतात. पण तुम्हाला माहित आहे का? तसं उत्कृष्ट आणि सुंदर ठिकाणांना भेट देण्याच्या बाबतीत महाराष्ट्र राज्याला परिचयाची गरज नाही. इथे एकच नाही तर अशी अनेक ठिकाणे आहेत. जिथे पर्यटक दुरदुरून भेट देण्यासाठी येतात. पांढरे शुभ्र धबधबे, वन्य जीवन आणि सुंदर हिल स्टेशन्स पर्यटकांमध्ये खूप लोकप्रिय आहेत. या हिल स्टेशन्सचे आश्चर्यकारक सौंदर्य, मंत्रमुग्ध करणारी दृश्ये पाहून तुमचे मन मोहून जाईल..

महाराष्ट्रातील काही सर्वोत्तम हिल स्टेशन्स, जिथले सौंदर्य तुमचे मन मोहेल..

महाराष्ट्रातील इगतपुरी हिल स्टेशन, आंबोली हिल इत्यादी अशी अनेक स्थानके आहेत. जिथे देश-विदेशातील पर्यटक भेट देण्यासाठी येतात. विशेषत: पावसाळ्यात येथे अधिक पर्यटक फिरायला येतात. या लेखात आम्ही तुम्हाला महाराष्ट्रातील काही सर्वोत्तम हिल स्टेशन्सबद्दल सांगणार आहोत, तर चला जाणून घेऊया.

 

माथेरान

2 हजार मीटरपेक्षा जास्त उंचीवर वसलेले माथेरान हे महाराष्ट्रातील एक निसर्गसौंदर्यानी परिपूर्ण आणि सुंदर हिल स्टेशन आहे. हे राज्याच्या पश्चिम घाटावरील सह्याद्रीच्या रांगांमध्ये आहे. वीकेंडला भेट देण्यासाठी या ठिकाणाला सर्वाधिक पसंती दिली जाते. विशेषत: पावसाळ्यात या ठिकाणी पर्यटकांची नेहमीच गर्दी असते. हे ठिकाण मुंबईपासून 100 किलोमीटर अंतरावर आहे. येथे तुम्ही शार्लोट लेक, हनिमून पॉइंट आणि प्रबळगढ किल्ला यासारख्या उत्तम ठिकाणांना देखील भेट देऊ शकता.

आंबोली हिल स्टेशन

हे ठिकाण महाराष्ट्रातील सर्वात सुंदर आणि शांत ठिकाणांमध्ये गणले जाते. गोव्याच्या सीमेवर असल्याने दोन्ही राज्यातील लोक येथे मोठ्या संख्येने दर्शनासाठी येतात. विशेषतः पावसाळ्यात पर्यटकांची गर्दी असते. मित्र किंवा जोडप्यांसह भेट देण्यासाठी हे महाराष्ट्रातील सर्वात प्रमुख हिल स्टेशनपैकी एक आहे. वीकेंड डेस्टिनेशन म्हणूनही हे ठिकाण खूप आवडते. आंबोलीत, तुम्ही आंबोली घाट धबधबा, शिरगावकर पॉइंट आणि आंबोली सनसेट पॉइंट यांसारख्या उत्तम ठिकाणांना देखील भेट देऊ शकता.

माळशेज घाट

माळशेज घाट हे महाराष्ट्र राज्यातील सर्वात सुंदर हिल स्टेशन्सपैकी एक आहे. विशेषतः साहसप्रेमी आणि निसर्गप्रेमींसाठी हे ठिकाण अतिशय उत्तम मानले जाते. असे म्हटले जाते की हे ठिकाण विशेषतः गुलाबी फ्लेमिंगोसाठी ओळखले जाते, जे जुलै ते सप्टेंबर दरम्यान स्थलांतर करतात. धबधबे, किल्ले इत्यादी देखील या ठिकाणच्या सौंदर्यात भर घालतात. माळशेज घाटात तुम्ही माळशेज धबधबा, आजोबागड किल्ला आणि पिंपळगाव जोगा धरण यासारख्या उत्तम ठिकाणांना भेट देऊ शकता.

राजमाची 

राजमाची हे महाराष्ट्रातील कोकण विभागातील सह्याद्री पर्वत रांगेत वसलेले एक छोटेसे गाव आहे, जे प्रामुख्याने हिल स्टेशन म्हणून प्रसिद्ध आहे. हे ठिकाण चारही बाजूंनी मोहक हिरवाईने वेढलेले आहे. हे ठिकाण ट्रेकिंगसाठी सर्वात प्रसिद्ध आहे. येथे तुम्ही कोंडाणा लेण्यांकडे ट्रेकिंग सुरू करू शकता, जे चढण्यासाठी 3-4 तास लागतात. अनेक ऐतिहासिक किल्ल्यांसाठीही हे ठिकाण प्रसिद्ध आहे. येथे तुम्ही श्रीवर्धन किल्ला आणि सदाशिवगड कराड सारख्या उत्तम ठिकाणांना देखील भेट देऊ शकता.

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )

हेही वाचा>>>