Winter Health Tips: हिवाळ्यात 'या' पदार्थांचे अवश्य करा सेवन शरीर राहील उबदार

Winter Health Tips: हिवाळ्यात शरीर उबदार ठेवण्यासाठी खाण्यापिण्याची विशेष काळजी घेतली पाहिजे. थोडासा निष्काळजीपणा तुमच्या आरोग्याला मोठी हानी पोहोचवू शकतो.

Winter Health Tips marathi news

Winter Health Tips : हिवाळा (Winter Season) ऋतु सुरू झाला आहे. त्याचबरोबर आता थंडीही हळूहळू वाढणार आहे. अशा परिस्थितीत काही लोकांना लोकरीचे कपडे घालूनही थंडी सहन होत नाही. अशा लोकांनी स्वतःची विशेष काळजी घ्यावी. त्यांनी (Health Tips) आहारात अशा गोष्टींचा समावेश करा, ज्या शरीराला उबदार ठेवण्यास मदत करतात. या बातमीत अशाच काही गोष्टींबद्दल जाणून घ्या, ज्यांचे सेवन केल्याने हिवाळ्यातही तुमचे शरीर आतून उबदार राहते.

शरीर उबदार ठेवण्यासाठी हिवाळ्यात या गोष्टींचे सेवन करा-

थंडीत अनेक समस्यांना तोंड द्यावे लागते. जसे की हाडे दुखणे, त्वचा कोरडी होणे, अँटिऑक्सिडंट्सची कमतरता, सर्दी-खोकला, छातीत जड होणे. हिवाळ्यातील असे अनेक खाद्यपदार्थ आहेत, ज्यांचा आहारात समावेश करून तुम्ही निरोगी आणि आरोग्यदायी पद्धतीने आनंद घेऊ शकता.

आल्याचा चहा

आल्याचा चहा तुम्हाला थंडीच्या दिवसात घेतल्याने उबदार वाटते. पचनासाठीही चांगला मानला जातो. त्याचबरोबर चहा तुमच्या शरीराला आतून उबदार ठेवतो. त्यामुळे हिवाळ्यात आल्याचा चहा प्या.

रताळे

हिवाळ्यात रताळे शरीरासाठी खूप फायदेशीर असतात. रताळे पचवण्यासाठी भरपूर ऊर्जा लागते. त्यामुळे तुमच्या शरीराचे तापमान वाढते. त्याच वेळी, त्यात व्हिटॅमिन ए, व्हिटॅमिन सी आणि पोटॅशियम असते, जे तुमच्या आरोग्यासाठी फायदेशीर आहे. ते डोळ्यांसाठीही चांगले आहे.

मध

हिवाळ्यात मधाचे सेवन केल्याने आपले शरीर उबदार राहते आणि रोगप्रतिकारक शक्ती देखील वाढते. थंडीमध्ये रोज एक चमचा मध घ्या. याच्या मदतीने तुम्ही किरकोळ सर्दी, खोकला, ताप आदी आजारांपासून बचाव होईल.

 कॉफी 

कॉफीमध्ये असलेले कॅफिन तुमचे मेटाबॉलिज्म वाढवते. त्यामुळे तुमच्या शरीराचे तापमान वाढू शकते. कॉफीत कॅफिनचे प्रमाण जास्त असते.

अंडी

अंडी हा प्रोटीनचा चांगला स्रोत मानला जातो. हिवाळ्यात दररोज दोन अंडी खाऊन तुम्ही तुमची प्रोटीनची गरज पूर्ण करू शकता. दररोज सकाळी नाश्त्यामध्ये अंड्यांचा समावेश करणे फायदेशीर असल्याचे आरोग्य तज्ज्ञ म्हणतात. 

सुका मेवा

हिवाळ्यात जर तुम्ही सकाळी सुक्या मेव्याचे सेवन केले तर तुमचे शरीर आतून उबदार राहते आणि तुम्हाला थंडी जाणवणार नाही.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.)