Kitchen Kallakar : परी, खारी अन् स्वरा.. किचन कल्लाकारच्या सेटवर बच्चेकंपनीची धूम!
Kitchen Kallakar Update : प्रेक्षक आपल्या लाडक्या कलाकारांना या कार्यक्रमात किचनमध्ये धावपळ करताना पाहतात. पण, या आठवड्यात त्यांचे लाडके बालकलाकार महाराजांना त्याच्या इवल्याश्या हाताने पदार्थ करून देणार आहेत.
Kitchen Kallakar Children Special : झी मराठीवर नुकतंच प्रेक्षकांच्या भेटीस आलेल्या ‘किचन कल्लाकार’ (Kitchen Kallakar) या कार्यक्रमाला प्रेक्षकांची पसंती मिळतेय. किचन आणि कलाकार हे समीकरण जुळलेलं नसताना पाककलेच्या कसोटीला उतरलेल्या कलाकारांची उडणारी तारांबळ बघताना प्रेक्षकांना खूप मजा येतेय. प्रेक्षक आपल्या लाडक्या कलाकारांना या कार्यक्रमात किचनमध्ये धावपळ करताना पाहतात. पण, या आठवड्यात त्यांचे लाडके बालकलाकार महाराजांना त्याच्या इवल्याश्या हाताने पदार्थ करून देणार आहेत.
या शोच्या आगामी भागात प्रेक्षकांची लाडकी ‘परी’ म्हणजे मायरा वायकुळ, सारेगमपची फायनलिस्ट स्वरा जोशी आणि ‘खारी बिस्कीट’मधली ‘खारी’ म्हणजे वेदश्री खाडिलकर सहभागी होणार आहेत.
बच्चे कंपनी करणार धमाल!
महाराज नेहमी कलाकारांना काहीतरी कठीण पदार्थ करायला लावतात. मात्र, आता या बच्चेकंपनीला महाराज कोणता पदार्थ करायला सांगणार, हे पाहणं औस्त्युक्याचं ठरणार आहे. आता या लहानग्यांचे लहान हात किचनमध्ये काय मोठी कमाल करून दाखवणार हे प्रेक्षकांना आगामी भागात पाहायला मिळेल.
यावेळी मायरा अर्थात सर्वांची लाडकी ‘परी’ या सेटवर सगळ्यांना वेगवेगळ्या नकला करून दाखवणार आहे. ‘किचन कल्लाकार’चा सूत्रसंचालक संकर्षण कऱ्हाडेने देखील यावेळी मायरासोबत धमाल केली. आता ही चिमुकली मंडळी त्यांच्या चिमुकल्या हाताने काय गोड गोड खाऊ बनवणार, याकडे सर्वांचेच लक्ष लागले आहे.
हेही वाचा :
- Nia Sharma : 'पैशांसाठी कराव्या लागतात विणवण्या'; नियानं सांगितला स्ट्रगलचा अनुभव
- Alka Kubal : लेकीसाठी मागवलेल्या दुधाचे पैसे परत करण्यासाठी जेव्हा अलका कुबल अर्ध्या रस्त्यातून परत जातात.. वाचा किस्सा
- Mahima Chaudhry : महिमा चौधरीच्या चेहऱ्यामध्ये रूतले होते 67 काचेचे तुकडे; सांगितला धक्कादायक अनुभव
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
