Taarak Mehta Ka Ooltah Chashmah : 'तारक मेहता का उल्टा चष्मा' मालिकेत दयाबेनची एन्ट्री होणार नाही; निर्मात्यांनी सांगितलं कारण

Taarak Mehta Ka Ooltah Chashmah : 'तारक मेहता का उल्टा चष्मा' या मालिकेत अभिनेत्री दिशा वकानीची एन्ट्री होणार नसल्याचं निर्माते असित मोदी यांनी सांगितलं आहे.

Taarak Mehta Ka Ooltah Chashmah

Taarak Mehta Ka Ooltah Chashmah : 'तारक मेहता का उल्टा चष्मा' (Taarak Mehta Ka Ooltah Chashmah) ही छोट्या पडद्यावरील लोकप्रिय मालिका आहे. गेल्या काही वर्षांपासून ही मालिका प्रेक्षकांचं चांगलच मनोरंजन करत आहे. या मालिकेत अभिनेत्री दिशा वकानीची (Disha Vakani) पुन्हा एन्ट्री होणार असल्याची चर्चा होती. पण आता या मालिकेत अभिनेत्रीची एन्ट्री होणार नसल्याचं निर्माते असित मोदी (Asit Modi) यांनी सांगितलं आहे.

'तारक मेहता का उल्टा चष्मा' या मालिकेत दिशा वकानीची एन्ट्री होणार असल्याची चर्चा काही दिवसांपासून सुरू आहे. दिशाची एन्ट्री होणार असल्याचे प्रोमो आऊट करण्यात आले आहेत. पण काही ना काही कारणाने दयाबेनच्या भूमिकेत दिशा दिसलेली नाही. त्यामुळे 'तारक मेहता का उल्टा चष्मा' या मालिकेचे प्रेक्षक नाराज झाले आहेत. ते ही मालिका बायकॉट करण्याची मागणी करत आहेत.

'तारक मेहता का उल्टा चष्मा'मध्ये दिशाची एन्ट्री होणार? 

आज तकला दिलेल्या मुलाखतीत 'तारक मेहता का उल्टा चष्मा' या मालिकेचे निर्माते असित मोदी म्हणाले की,"दिशासोबत माझं बोलणं झालं. पुन्हा कमबॅक करण्यासाठी तिने होकार दिला होता. पण शेवटच्या क्षणी तिचा निर्णय बदलला. त्यामुळे मालिकेत तिची एन्ट्री झाली नाही. दिशाचं कुटुंब आहे. तिला दोन लहान मुलं आहे. तिच्या वैयक्तिक आयुष्याचाही आदर करायला हवा". 

असित मोदी पुढे म्हणाले,"नव्या दयाबेनचा शोध सुरू आहे. ऑडिशन सुरू आहे. जेव्हा दयाबेनच्या भूमिकेसाठी एखाद्या अभिनेत्रीची निवड होईल तेव्हा चाहत्यांसोबत नक्कीच ही आनंदाची बातमी शेअर केली जाईल. खरं तर दिशाने आमच्यासोबत पुन्हा काम करावं, अशी आमची इच्छा आहे. दिशाने कमाल काम केलं आहे. तिच्यापेक्षा अधिक चांगलं काम करणारं अद्याप आम्हाला कोणी सापडलेलं नाही.

माझ्यासोबत काम करणाऱ्यांबद्दल मी कधी वाईट बोलत नाही : असित मोदी

'तारक मेहता का उल्टा चष्मा' या मालिकेतील कॉन्ट्रोवर्सीबद्दल बोलताना असित मोदी म्हणाले,"माझ्यावर जे आरोप केले गेले ते मालिकेचं शूटिंग सुरू असताना का केले गेले नाही, असा प्रश्न मला पडला आहे. त्यावेळी त्यांना काही फरक पडला नाही. माझ्यासोबत काम करणाऱ्यांबद्दल मी कधी वाईट बोलत नाही. सर्वांचा आदर करायला मला आवडतं. पण चुकीचे आरोप लागल्यावर नक्कीच वाईट वाटतं. पण कामावर लक्ष ठेवण्याचा मी प्रयत्न करतो". 

संबंधित बातम्या