Hunarbaaz : शहनाज गिलने तिच्या आवाजाने जिंकली चाहत्यांची मने, व्हिडिओ व्हायरल

Hunarbaaz : शहनाज गिल (Shehnaaz Gill) लवकरच 'हुनरबाज' (Hunarbaaz) या रिअ‍ॅलिटी शोमध्ये दिसणार आहे. शोचा एक नवीन प्रोमो समोर आला आहे ज्यामध्ये ती गाणे गाताना दिसत आहे.

Shehnaaz Gill

Shehnaaz Gill Video : अभिनेत्री शहनाज गिलला (Shehnaaz Gill) खरी ओळख बिग बॉसमधून (Bigg Boss) मिळाली. या शोमध्ये त्याला चांगलीच पसंती मिळाली होती. शहनाजच्या मस्तीखोर शैलीने प्रेक्षकांची मने जिंकली. तिची आणि सिद्धार्थ शुक्लाची जोडी प्रेक्षकांना खूप आवडली होती. 2021 हे वर्ष शहनाजसाठी कठीण आणि त्रासदायक ठरलं. सिद्धार्थ शुक्लाच्या मृत्यूनंतर ती पूर्णपणे तुटली होती. मात्र आता ती स्वतःची काळजी घेत कामावर लक्ष केंद्रीत करत आहे. शहनाजने आता दुःख विसरून पुढे जाण्याचा निर्णय घेतला आहे. शहनाज आता रिअ‍ॅलिटी शो 'हुनरबाज'मध्ये (Hunarbaaz) दिसणार आहे.

हुनरबाज या शोमध्ये शहनाजची टॅलेंट दाखवताना दिसणार आहे. या शोचा एक नवीन प्रोमो समोर आला आहे ज्यामध्ये शहनाज रांझा गीत गाताना दिसत आहे. शहनाजला गाणे गाताना पाहून तिचे चाहते खूप खुश झाले आहेत आणि तिचे कौतुक करत आहेत.

प्रोमोमध्ये शहनाज रांझा गाणं गात आहे. ज्यानंतर ती सांगते की, माझ्यातही एक कौशल्य आहे, जे मला खूप आनंद देते. हुनरबाज हे व्यासपीठ आहे जिथे सामान्य लोक येतात. त्यांचं टॅलेंट पाहायला मिळेल. त्यांची स्वप्ने पूर्ण होवोत. हुनरबाजच्या प्रोमोमध्ये शहनाजला पाहिल्यानंतर चाहते खूपच उत्साहित झाले आहेत. चाहते व्हिडिओवर कमेंट करत आहे.

‘हुनरबाज’ हा शो 22 जानेवारीपासून पाहायवा मिळणार आहे. या शोमध्ये दिग्दर्शक करण जोहर, अभिनेत्री परिणीती चोप्रा आणि अभिनेता मिथुन चक्रवर्ती जज म्हणून असणार आहेत, तर भारती सिंग आणि हर्ष लिंबाचिया हा शो होस्ट करणार आहेत.

इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha