Donald Trump on India and China : डोनाल्ड ट्रम्प यांची आता एकाचवेळी भारत आणि चीनला थेट धमकी! म्हणाले, 'तसे करण्याचा प्रयत्न जरी केला, तरी..'
Donald Trump on India and China : ते अमेरिकन बाजारपेठेतून बाहेर फेकले जातील. अमेरिका बघत राहणार नाही आणि या धमकीला उत्तर देईल, असे ट्रम्प म्हणाले.
Donald Trump Threat BRICS : अमेरिकेचे राष्ट्राध्यक्ष डोनाल्ड ट्रम्प यांनी भारत, चीनसह ब्रिक्स देशांना थेट धमकी दिली आहे. ब्रिक्स देशांनी हे समजून घेतले पाहिजे की ते अमेरिकन डॉलरची जागा घेऊ शकत नाहीत, असे ट्रम्प यांनी धमकीच्या स्वरात म्हटले आहे. तसे करण्याचा प्रयत्न झाल्यास अमेरिका या देशांवर 100 टक्के शुल्क लावेल.
तर त्यांना मोठी किंमत मोजावी लागेल
अमेरिकन डॉलरला आव्हान देण्यासाठी जर ब्रिक्सने स्वतःचे नवीन चलन सुरू केले तर त्यांना मोठी किंमत मोजावी लागेल, असे ट्रम्प म्हणाले. ते अमेरिकन बाजारपेठेतून बाहेर फेकले जातील. अमेरिका बघत राहणार नाही आणि या धमकीला उत्तर देईल, असे ट्रम्प म्हणाले.
ट्रुथ सोशल मीडिया प्लॅटफॉर्मवर ट्रम्प यांनी काय लिहिले?
ट्रम्प यांनी त्यांच्या सोशल मीडिया प्लॅटफॉर्म ट्रुथ सोशलवर लिहिले की, ब्रिक्स देश अमेरिकन डॉलरच्या वर्चस्वाला आव्हान देण्याचा प्रयत्न करत आहेत. आम्ही हे शांतपणे पाहणार नाही. जर ब्रिक्सने नवीन चलन तयार केले किंवा इतर कोणत्याही चलनाला समर्थन दिले, तर त्यांच्यावर 100 टक्के शुल्क लागू केले जाईल. असे झाल्यास ब्रिक्स देशांसाठी अमेरिकन बाजाराचे दरवाजे बंद होतील.
The idea that the BRICS Countries are trying to move away from the Dollar, while we stand by and watch, is OVER. We are going to require a commitment from these seemingly hostile Countries that they will neither create a new BRICS Currency, nor back any other Currency to replace…
— Donald J. Trump Posts From His Truth Social (@TrumpDailyPosts) January 31, 2025
ब्रिक्स स्वतःचे चलन का तयार करत आहे?
ब्रिक्समध्ये ब्राझील, रशिया, भारत, चीन आणि दक्षिण आफ्रिका या देशांचा समावेश आहे. या गटाला अमेरिकन डॉलरवरील जागतिक अवलंबित्व कमी करायचे आहे. ब्रिक्स देश ब्रिक्स चलनाच्या मदतीने आपला व्यवसाय सुरू करण्याचा विचार करत आहेत. रशिया आणि चीन आधीच डॉलरऐवजी युआन आणि इतर चलनांमध्ये व्यापार करत आहेत. आता ब्रिक्सचे हे नवीन चलन अमेरिकेची आर्थिक स्थिती कमकुवत करू शकते.
ब्रिक्स चलनापासून अमेरिकेला काय धोका आहे?
जर ब्रिक्सने स्वतःचे चलन सुरू केले तर ते अमेरिकन डॉलरचे वर्चस्व कमकुवत करू शकते. अमेरिकेच्या जागतिक महासत्तेचे प्रमुख कारण म्हणजे डॉलरचे वर्चस्व. जर जगाने डॉलरऐवजी ब्रिक्स चलन स्वीकारण्यास सुरुवात केली तर अमेरिकन अर्थव्यवस्थेला मोठा धक्का बसू शकतो.
ट्रम्प यांच्या धमकीला ब्रिक्स घाबरतील का?
चीन आणि रशिया आधीच डॉलरपासून दूर जाण्याच्या धोरणावर काम करत आहेत. भारत आणि ब्राझीलही त्यांच्या व्यापारात डॉलरऐवजी स्थानिक चलनाला चालना देण्याचा विचार करत आहेत. तथापि, अमेरिकेच्या टॅरिफ लादण्याचा निर्णय ब्रिक्स देशांना त्यांचे चलन अधिक मजबूतपणे स्वीकारण्यास प्रवृत्त करू शकतो.
इतर महत्त्वाच्या बातम्या
महत्त्वाच्या बातम्या
ट्रेंडिंग न्यूज
