Vedaant Madhavan : आर.माधवनच्या लेकाची दमदार कामगिरी, रौप्य पदकानंतर आता वेदांतने पटकावलं ‘सुवर्ण’पदक!
Vedaant Madhavan : चित्रपट अभिनेता आर. माधवनसाठी आजचा दिवस खूप खास आहे. माधवनच्या मुलाने केवळ आपल्या वडिलांचीच नाही, तर संपूर्ण देशाची मान अभिमानाने उंचावली आहे.
Vedaant Madhavan : चित्रपट अभिनेता आर. माधवनसाठी (R. Madhavan) आजचा दिवस खूप खास आहे. माधवनच्या मुलाने केवळ आपल्या वडिलांचीच नाही, तर संपूर्ण देशाची मान अभिमानाने उंचावली आहे. सुपरस्टारचा मुलगा वेदांत माधवन (Vedaant Madhavan) याने डॅनिश ओपन 2022च्या स्विमिंग चॅम्पियनशिपमध्ये सुवर्णपदक जिंकले आहे. याआधी वेदांतने जलतरण स्पर्धेत रौप्यपदक पटकावले होते आणि आता वेदांतने सुवर्णपदक जिंकून देशाचा गौरव केला आहे.
मुलाच्या या यशाबद्दल आर. माधवनने त्याच्या इंस्टाग्रामवर एक पोस्ट शेअर केली आहे, ज्यामध्ये त्याने या यशामागे असलेल्या लोकांच्या मेहनत आणि प्रार्थनांचे आभार मानले आहेत. माधवनने आपल्या इंस्टाग्रामवर शेअर केलेल्या पोस्टमध्ये वेदांत सुवर्णपदक परिधान केलेला दिसत आहे. वेदांतच्या सुवर्णपदक जिंकण्याची घोषणा केली जात आहे, तर वेदांत हात जोडून सर्वांचे आभार मानत असल्याचे व्हिडीओमध्ये दिसत आहे.
पोस्ट शेअर करताना अभिनेत्याने त्याच्या कॅप्शनमध्ये लिहिले की, 'गोल्ड... तुमच्या प्रार्थना आणि देवाच्या कृपेने विजई घौडदौड सुरूच आहे.’ वेदांतने आज 800 मीटरमध्ये सुवर्णपदक पटकावले आहे. प्रशिक्षक, जलतरण महासंघ आणि संपूर्ण संघाचे आभार. वेदांतने 8:17.28 सेकंदात हा विजय मिळवला आहे. दुसरीकडे, आर माधवनच्या पोस्टवर कमेंट करत सर्व सेलिब्रिटींनीही वेदांतला विजयाबद्दल शुभेच्छा दिल्या आणि आनंद व्यक्त केला.
यापूर्वी वेदांत माधवनने पुरुषांच्या 1500 मीटर फ्रीस्टाइल स्पर्धेत रौप्य पदक जिंकले होते. वेदांतने 10 जलतरणपटूंच्या अंतिम फेरीत 15.57.86 सेकंद वेळेसह दुसरे स्थान पटकावले. आपल्या मुलाच्या या यशाबद्दल आर माधवनने आनंद व्यक्त केला.
वेदांतने जलतरण स्पर्धेत पदक जिंकण्याची ही पहिलीच वेळ नाही. गेल्या वर्षी, 16 वर्षीय जलतरणपटूने बेंगळुरू येथे झालेल्या 47व्या ज्युनियर नॅशनल अॅक्वाटिक चॅम्पियनशिपमध्ये चार रौप्य पदके आणि तीन कांस्यपदके जिंकली होती. याआधी गेल्या वर्षी मार्चमध्ये, वेदांतने लॅटव्हियन ओपन स्विमिंग चॅम्पियन्स स्पर्धेत कांस्यपदक जिंकले होते आणि त्याच्या कामगिरीमुळेच लोकांनी माधवनच्या मुलाची तुलना अनेक स्टार किड्सशी करायला सुरुवात केली आणि म्हटले की, बॉलिवूडच्या स्टारकिड्स मधला हा फरक आहे.
हेही वाचा :
महत्त्वाच्या बातम्या
ट्रेंडिंग न्यूज
