Nitish Kumar Rajyasabha Bihar : राज्यसभेत नितीशकुमार, भाजपसाठी मोकळं बिहार Special Report

बिहारचे मुख्यमंत्री नितिश कुमार आता बिहार सोडून दिल्लीची गाडी पकडण्यासाठी सज्ज झालेत. सर्वाधिक काळ बिहारचे मुख्यमंत्री राहिलेले नितीश कुमार आता या खुर्चीला रामराम करण्याच्या तयारीत आहेत. त्यांनी राज्यसभेसाठी आपला उमेदवारी अर्जही दाखल केलाय. त्यामुळं आता नितिश कुमारांची जागा कोण घेणार, याचीही जोरदार चर्चा रंगलीय. पाहूया याविषयीचा सविस्तर रिपोर्ट. 

अवघ्या चार महिन्यांपूर्वीच नितिश कुमार यांनी बिहारच्या मुख्यमंत्रीपदाची शपथ घेतली होती.

आता आणखी एक शपथ घेण्यासाठी नितीश कुमार तयारी करतायत.

ही शपथ असणार आहे राज्यसभा सदस्यत्वाची.

नितिश कुमारांनी बिहारच्या राजकारणाला अलविदा करत दिल्ली गाठण्याचा निर्णय घेतलाय. 

बिहारमधून त्यांनी राज्यसभेसाठी उमेदवारी अर्ज दाखल करण्याचा निर्णय घेतला आणि सर्वांनाच धक्का बसला.

त्यानंतर एक्स पोस्ट करत नितीश कुमारांनी आपला निर्णय जाहीर करत कार्यकर्त्यांची समजूत घालण्याचा प्रयत्न केला.