Khakee The Bihar Chapter Trailer Out : जबरदस्त अॅक्शनवर आधारित 'खाकी द बिहार चॅप्टर'सीरिजचा धमाकेदार ट्रेलर रिलीज; 'या' दिवशी नेटफ्लिक्सवर होणार प्रदर्शित
Khakee The Bihar Chapter Trailer Out : रवी किशन, आशुतोष राणा, आशिष तिवारी या सीरिजमध्ये दमदार भूमिकेत दिसणार आहेत.
Khakee The Bihar Chapter Trailer Out : 'मिर्झापूर' (Mirzapur) या धमाकेदार सीरिजनंतर आता आणखी एक यूपी-बिहारवर आधारित सीरिज प्रेक्षकांच्या मनोरंजनासाठी सज्ज झाली आहे. नेटफ्लिक्सची आगामी क्राईमवर आधारित वेब सिरीज 'खाकी-द बिहार चॅप्टर'चा (Khakee The Bihar Chapter) ट्रेलर आज रिलीज झाला आहे. या सीरिजमध्ये करण टॅकर आणि अविनाश तिवारी मुख्य भूमिकेत दिसणार आहेत. तर, रवी किशन, आशुतोष राणा देखील दमदार भूमिका साकारताना दिसणार आहेत.
पाहा व्हिडीओ :
View this post on Instagram
पोलिस आणि गुंडांमध्ये जबरदस्त चकमक
'खाकी-द बिहार चॅप्टर'चा ट्रेलर धमाकेदार आहे. या सीरिजची कथा उत्तर प्रदेश आणि बिहारच्या पार्श्वभूमीवर संबंधित आहे. ही दोन्ही राज्ये पोलिस आणि गुंडगिरी यांच्यातील संघर्षासाठी प्रसिद्ध आहेत. खाकी... मध्येही पोलिस खाते आणि राज्यातील बडे गुंड यांच्यात जबरदस्त सामना होणार आहे. या सीरिजचे दिग्दर्शन भाव धुलिया यांनी केले आहे. तर, नीरज पांडे यांची निर्मिती आहे. ही सीरिज 25 नोव्हेंबरला नेटफ्लिक्सवर प्रदर्शित होणार आहे.
सीरिजची दमदार स्टारकास्ट
या सीरिजमध्ये अभिनेता करण टॅकर एक प्रामाणिक पोलिस अधिकारी बनला आहे. त्याची पोस्टिंग बिहारच्या अशा भागात केली जाते, जिथे बाहुबल्यांची राजवट चालते. त्याचवेळी 'लैला मजनू' फेम अविनाश तिवारीकडे या भागातील उदयोन्मुख गुंड म्हणून पाहिले जाते.
या सीरिजमध्ये सत्ता आणि पोलिस यांच्यातील संघर्षाची रंजक कथा सांगण्यात आली आहे. या सीरिजमध्ये आशुतोष राणा, रवी किशन, विनय पाठक, निकिता दत्ता आणि 'सेक्रेड गेम्स' फेम जतीन सरना यांच्याही मुख्य भूमिका आहेत.
नीरज पांडेची ही दुसरी वेब सीरिज आहे. याआधी तो स्पेशल ओप्स (Special Oops) मध्ये दिसला होता. स्पेशल ऑप्सच्या दुसऱ्या सीझनची प्रेक्षक आतुरतेने वाट पाहत आहेत. वेब सीरिजपूर्वी नीरज पांडे 'एमएस धोनी- द अनटोल्ड स्टोरी' आणि 'स्पेशल 26' सारख्या चित्रपटांसाठी ओळखला जातो.
महत्वाच्या बातम्या :
महत्त्वाच्या बातम्या
