'यह अल्लाह का कहर..' इराणवर भयानक हल्ला; प्रसिद्ध अभिनेत्यानं VIDEO तून दिला सल्ला, म्हणाला...
Actor Ajaz Khan Shares Viral Video on iran war: अमेरिका आणि इस्त्रायलने इराणवर हल्ला केल्यापासून जगभरात तणाव निर्माण झाले आहे. या प्रकरणावर एजाज खानने प्रतिक्रिया दिली आहे.
Ajaz Khan Reacts to Iran-US-Israel Conflict: पश्चिम आशियात युद्धजन्य परिस्थिती निर्माण झाली आहे. अमेरिका आणि इन्स्त्रायलने संयुक्तपणे इराणवर जोरदार हल्ला केला. इराणची राजधानी तेहरानसह अनेक शहरांवर क्षेपणास्त्रे डागली. मुख्यत: इराणच्या धार्मिक, राजकीय तसेच लष्करी नेतृत्वाला या हल्ल्यांमध्ये विशेष लक्ष्य करण्यात आलं. इराणनेही हल्ला करत चोख प्रत्युत्तर दिलं. इराणने मध्य पूर्वेतील अमेरिकेच्या लष्करी तळांवर क्षेपणास्त्रे डागली आहेत. या देशांमध्ये सुरु असलेल्या युद्धजन्य परिस्थितीमुळे नागरिकांमध्ये दहशतीचं आणि भीतीचे वातावरण निर्माण झाले आहे. या प्रकरणावर काही सेलिब्रिटींनी प्रतिक्रिया दिली आहे. अभिनेता एजाज खाननेही या युद्धजन्य परिस्थितीवर प्रतिक्रिया दिली आहे. त्यानं 'हा अल्लाहचा प्रकोप आहे', असं म्हटलं आहे. त्याच्या व्हिडिओवर सोशल मीडियावर मिश्र प्रतिक्रिया पाहायला मिळत आहे.
एजाज खान नेमकं काय म्हणाला?
View this post on Instagram
एजाज खान कायम वादग्रस्त वक्तव्यांसाठी चर्चेत असतो. एजाज त्याच्या स्पष्टवक्त्या शैलीसाठी ओळखला जातो. तो प्रत्येक मुद्द्यावर उघडपणे आपले मत व्यक्त करतो. दरम्यान, एजाज खानने अलिकडेच इराणवरील अमेरिका आणि इस्त्रायली हल्ल्यांचा निषेध केला आहे. 'जगात निर्माण होणारी युद्धजन्य स्थिती अल्लाहच्या प्रकोपामुळे निर्माण झाली आहे', असा दावाही त्यानं केला आहे. एजाज खानने यासंदर्भात एक व्हिडिओही सोशल मीडियात शेअर केला आहे.
एजाज खानने व्हिडिओत म्हटले की, 'जगात सध्या काय परिस्थिती सुरु आहे, हे तुम्ही पाहात असाल. रमजानच्या पवित्र महिन्यात अमेरिका आणि इस्त्रायलने इराणवर हल्ला केला, तसेच बॉम्बस्फोट घडवून आणले. प्रत्युत्तर म्हणून इराणने अरब देशांवर बॉम्ब हल्ले केले', असं एजाज आपल्या व्हिडिओत म्हणाला.
'अल्लाह आपल्यावर नाराज आहे. म्हणूनच जगभरातील मुस्लिमांवर अत्याचार होत आहे. रमजानसारख्या पवित्र महिन्यात अनेक देशात बॉम्बस्फोट घडत आहे. हा अल्लाहचा प्रकोप आहे. आमच्यासाठी प्रार्थना करा. एकमेकांना आधार द्या. चांगली कामे करा. गरिबांना मदत करा. आपण प्राण सोडल्यानंतर पैसे कबरित जाणार नाही', असंही एजाज म्हणाला. बरेच नेटकरी एजाज खानच्या व्हिडिओला पाठिंबा देत आहेत. तर काही जण त्याच्यावर टीका करत आहेत. एजाज खानचा हा व्हिडिओ सोशल मीडियात व्हायरल होत आहे.
महत्त्वाच्या बातम्या
