'इथलं वातावरण भयानक..' इम्रान हाश्मीसोबत स्क्रीन शेअर करणारी अभिनेत्री दुबईमध्ये अडकली; पोस्ट व्हायरल
Bollywood actress stuck in UAE due to war situation: अभिनेत्री इशा गुप्ता अबू धाबीमध्ये अडकली. तिनं सोशल मीडियावर एक स्टोरी पोस्ट केली आहे.
Bollywood actress Esha Gupta stuck in UAE: शनिवारपासून पश्चिम आशियातील युद्धजन्य परिस्थिती अधिकच चिघळत चालली आहे. अमेरिकेनं इस्त्रायलसह इराणवर क्षेपणास्त्र हल्ला केला. या हल्ल्यात इराणचे सर्वोच्च नेते अयातुल्ला खामेनी यांचे निधन झाले. दुबईमध्ये देखील दहशतीचं वातावरण निर्माण झाले आहे. भारतातील अनेक नागरिक दुबईमध्ये अडकले आहेत. तसेच काही बॉलिवूडमधील कलाकार अडकले आहेत. बॉलिवूड अभिनेत्री इशा गुप्ताही या युद्धजन्य परिस्थितीच्या कचाट्यात सापडली आहे. तिनं इन्स्टाग्राम पोस्टमधून याची माहिती दिली आहे. तिनं इन्स्टाग्रामवर स्टेटस ठेवून तेथील परिस्थितीची चाहत्यांना माहिती दिली आहे.
इशा गुप्ता अबू धाबीमध्ये अडकली आहे. इशानं पोस्ट शेअर करुन याबाबत माहिती दिली. तिनं स्टोरीवर ठेवलेल्या पोस्टमध्ये म्हटलं की, 'जे माझ्याशी सोशल मीडियावरुन संवाद साधण्याचा तसेच परिस्थिती जाणून घेण्याचा प्रयत्न करत आहेत, त्यांना उत्तर न देऊ शकल्याबद्दल मला माफ करा. आता इथे आम्ही ठीक आणि सुरक्षित आहोत. येथील परिस्थिती भीतीदायक आणि कठीण आहे. देव आमचे रक्षण करत आहे. युएईचे सरंक्षण मंत्रालय आणि बचाव कार्यालय यांच्यावर आमचा पूर्ण विश्वास आहे. या ठिकाणी जे कुणी अडकले आहेत, ते सर्व जण सुरक्षित राहावेत, यासाठी मी प्रार्थना करते. मला आशा आहे की मी लवकरच माझ्या निवासस्थानी पोहोचेन', असं अभिनेत्रीनं आपल्या पोस्टमध्ये म्हटलं.
इशा गुप्ताची इन्स्टाग्राम स्टोरी सोशल मीडियात व्हायरल होत आहे. तिचे चाहते चिंतेत आहेत. मीडिया रिपोर्ट्सनुसार, इशा गुप्ता सध्या युएईमध्ये आहे. ती अबू धाबीमध्ये असल्याची माहिती आहे. अभिनेत्रीच्या सुरक्षेसाठी चाहत्यांनी प्रार्थना केली आहे. यापूर्वी इशा गु्प्ताने अबू धाबीहून आकाशाचा एक फोटो सोशल मीडियात शेअर केला होता. तिनं हात जोडणारा इमोजी त्या फोटोला जोडला होता.
दरम्यान, अभिनेत्री सोनल गुप्ता देखील दुबईमध्ये अडकली आहे. तिनं आपल्या पोस्टमधून, पंतप्रधान नरेंद्र मोदी यांच्याकडे मदत मागितली आहे. 'आदरणीय देशाचे पंतप्रधान नरेंद्र मोदी. मी दुबईमध्ये अडकली आहे. विमाने उड्डाणे रद्द करण्यात आली आहेत. मला भारतामध्ये कोणताही मार्ग दिसत नाही. मला सुरक्षितपणे घरी परतण्यासाठी सरकारचे मार्गदर्शन आणि पाठिंब्याची गरज आहे', असं म्हणत अभिनेत्रीनं मदत मागितली. अभिनेत्रीची पोस्ट सोशल मीडियात व्हायरल होत आहे.
महत्त्वाच्या इतर बातम्या:
सचिन पिळगावकरांना ट्रोल करणारे नेमके कोण? 'नवरा माझा नवसाचा' फेम अभिनेता स्पष्टच बोलला
महत्त्वाच्या बातम्या
