Entertainment News Live Updates 28 May : 'द केरळ स्टोरी' चित्रपटावर कमल हसन यांची प्रतिक्रिया, म्हणाले, 'प्रपोगंडा चित्रपट...'
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
LIVE
Background
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Mrs Asia GB Sonal Kale : मराठी पाऊल पडते पुढे! 'मिस आशिया ग्रेट ब्रिटन'चा किताब मराठमोळ्या सोनल काळेच्या नावावर
Mrs Asia GB Sonal Kale : मराठमोळी, मुंबईकर सोनल काळेने (Sonal Kale) 'मिस आशिया ग्रेट ब्रिटन'चा (MRS. Asia Great Britain) किताब आपल्या नावावर केला आहे. ही भारतीयांसाठी अभिमानाची बाब आहे. सोनलने सोशल मीडियावर खास पोस्ट शेअर करत याबद्दल माहिती दिली आहे.
Ashish Vidyarthi : "आता सगळं संपलं"; आशिष विद्यार्थींच्या लग्नानंतर पहिल्या पत्नीची पोस्ट चर्चेत
Ashish Vidyarthi First Wife Piloo Vidyarthi Post : लोकप्रिय अभिनेते आशिष विद्यार्थी (Ashish Vidyarthi) यांनी वयाच्या 60 व्या वर्षी दुसरं लग्न केलं आहे. त्यांच्या लग्नसोहळ्याचे फोटो सोशल मीडियावर व्हायरल होत आहेत. एकीकडे नवा संसार थाटण्यासाठी आशिष सज्ज आहेत. तर दुसरीकडे त्यांच्या पहिल्या पत्नीने राजोशी बरुआ म्हणजेच पीलू विद्यार्थीने (Piloo Vidyarthi) सोशल मीडियावर एक भावनिक पोस्ट लिहिली आहे. सर्व काही संपलं असं म्हणत ती स्वत:ला सावरण्याचा प्रयत्न करत असल्याचं या पोस्टमधून कळतं आहे. आशिष यांच्या दुसऱ्या लग्नाचं त्यांच्या पहिल्या पत्नीला खूप वाईट वाटत आहे. सोशल मीडियाच्या माध्यमातून तिने आपलं दु:ख व्यक्त केलं आहे. तिने इंस्टाग्राम स्टोरी शेअर करत लिहिलं आहे,"तुम्ही त्यांच्यासाठी महत्त्वाचे का? असा प्रश्न एक चांगला व्यक्ती तुम्हाला विचारणार नाही. तो असा प्रश्न तेव्हाच उपस्थित करेल जेव्हा त्याला माहित असेल की तो तुम्हाला त्रास देईल. हे लक्षात ठेवा".
Gautami Patil : ज्या कामामुळे तिचं संपूर्ण देशात नाव झालं ते नाव तिने का म्हणून बदलावं? गौतमी पाटीलच्या गावकऱ्यांचा सवाल
Gautami Patil : वादाच्या भोवऱ्यात अडकणाऱ्या गौतमी पाटीलवरून (Gautami Patil) आता एक नवा वाद निर्माण झाला आहे. आतापर्यंत तिने सादर केलेल्या नृत्यांवर आक्षेप घेतला जायचा. मात्र आता तिच्या आडनावावरुन वाद निर्माण झाला आहे. गौतमी पाटीलने पाटील आडनाव लावू नये, यासाठी अनेकांनी तीला विरोध केला आहे. गौतमी पाटील ही मराठा समाजाचे नाव खराब करत असल्याचं एका संघटनेचं म्हणणं असून तिने पाटील आडनाव काढावं, अशी धमकी तिला संघटनेकडून देण्यात आली आहे. कला ही कला असते आणि गौतमी पाटील येणे संगीत क्षेत्रातील तिची कला जोपासली आहे. तिच्या कलेचा आणि समाजाचा कुठलाही संबंध नाही. गौतमी पाटील हे नाव संपूर्ण देशभरात गाजत आहे. ही आमच्यासाठी अभिमानाची बाब असल्याचं धुळे जिल्ह्यातील सिंदखेड गावातील गावकऱ्यांचे म्हणणे आहे.
Parineeti Chopra Raghav Chadha : परिणीती-राघव राजस्थानमध्ये अडकणार लग्नबंधनात; जाणून घ्या जोडप्याच्या वेडिंग वेन्यूबद्दल...
Parineeti Chopra Raghav Chadha Wedding Update : बॉलिवूड अभिनेत्री परिणीती चोप्रा (Parineeti Chopra) आणि राघव चड्ढा (Raghav Chadha) यांचा शाही लग्नसोहळा लवकरच पार पडणार आहे. 13 मे 2023 रोजी दिल्लीत त्यांचा साखरपुडा झाला होता. त्यांच्या साखरपुड्याचे फोटो सोशल मीडियावर चांगलेच व्हायरल झाले. आता त्यांच्या लग्नाची चाहत्यांना प्रतीक्षा आहे.
Salman Khan : सलमानला लग्नाची मागणी घालणारी 'ही' तरुणी कोण? जाणून घ्या Alena Khalifeh बद्दल...
Salman Khan Alena Khalifeh Video Viral : बॉलिवूड अभिनेता सलमान खानचा (Salman Khan) मोठा चाहतावर्ग आहे. सलमान एक लोकप्रिय अभिनेता असला तरी आजही तो बॅचलर आहे. सलमानचं लग्न कधी होणार असा प्रश्न अनेकांना पडला आहे. दरम्यान भाईजानचा एक व्हिडीओ सोशल मीडियावर व्हायरल होत आहे. या व्हिडीओमध्ये एलीना खलफीह (Alena Khalifeh) सलमानला लग्नाची मागणी घालताना दिसत आहे.
Siddharth Chandekar: 'जंगली रमीची जाहिरात करून, फॉरेनला फिरायला...' नेटकऱ्याची कमेंट; सिद्धार्थ चांदेकर रिप्लाय देत म्हणाला, 'काय करणार भाऊ...'
Siddharth Chandekar: मराठी चित्रपटसृष्टीतील अभिनेता सिद्धार्थ चांदेकर (Siddharth Chandekar) हा गेल्या काही दिवसांपासून त्याच्या फॉरेन ट्रीपचे फोटो सोशल मीडियावर शेअर करत आहे. सिद्धार्थ आणि मिताली मयेकर (Mitali Mayekar) यांच्या फॉरेन ट्रीपच्या फोटो आणि व्हिडीओला नेटकऱ्यांची पसंती मिळत आहे. नुकताच सिद्धार्थनं एक खास व्हिडीओ शेअर केला आहे. या व्हिडीओला एका नेटकऱ्यानं कमेंट केली आहे. त्या नेटकऱ्याच्या कमेंटला सिद्धार्थनं दिलेल्या रिप्लायनं अनेकांचे लक्ष वेधले आहे.
View this post on Instagram
GHKKPM : लोकप्रियतेनंतर आयशा सिंहचा भाव वाढला; 'या' आघाडीच्या अभिनेत्याची मालिका नाकारली
Ghum Hai Kisi Key Pyaar Meiin Ayesha Singh Rejected Arjun Bijlani Show : छोट्या पडद्यावरील लोकप्रिय अभिनेत्री आयशा सिंह (Ayesha Singh) सध्या चर्चेत आहे. 'गुम है किसी के प्यार में' या मालिकेत ती सईच्या भूमिकेत आहे. या मालिकेच्या माध्यमातून आयशाला चांगलीच लोकप्रियता मिळाली आहे. या मालिकेनंतर तिला आता आणखी एका मालिकेसाठी विचारणा झाल्याचं समोर आलं आहे.
Tuzech Mi Geet Gaat Aahe: मंजुळा आणि मल्हार येणार समोरासमोर; 'तुझेच मी गीत गात आहे’ मालिकेचा प्रोमो पाहिलात?
Tuzech Mi Geet Gaat Aahe: तुझेच मी गीत गात आहे (Tuzech Mi Geet Gaat Aahe) या मालिकेच्या आगामी एपिसोडची प्रेक्षक उत्सुकतेने वाट बघत असतात. नुकताच या मालिकेचा प्रोमो सोशल मीडियावर व्हायरल झाला आहे. या प्रोमोमध्ये दिसत आहे की, मंजुळा आणि मल्हार हे समोरासमोर येणार आहेत.
View this post on Instagram
महत्त्वाच्या बातम्या
ट्रेंडिंग न्यूज
