एक्स्प्लोर

Maharashtra Vidhan Sabha Exit Poll 2024: महाड, कागल आणि वर्सोव्यात धक्कादायक निकालाची शक्यता, राज्यातील या 32 उमेदवारांचा विजय पक्का, प्रजातंत्रचा एक्झिट पोल

Maharashtra Vidhan Sabha Exit Poll 2024: राज्यातील काही बड्या नेत्यांचे विजय निश्चित मानले जात आहेत. मात्र, महाड आणि वर्सोवा मतदारसंघात धक्कादायक निकालांची नोंद होण्याची शक्यता आहे.

By : रोहित धामणस्कर | Updated at : 22 Nov 2024 12:49 PM (IST)

Maharashtra Election 2024 Exit Poll wining Candidate list Prajatantra exit poll result Maharashtra assembly election results 2024 Maharashtra Vidhan Sabha Exit Poll 2024: महाड, कागल आणि वर्सोव्यात धक्कादायक निकालाची शक्यता, राज्यातील या 32 उमेदवारांचा विजय पक्का, प्रजातंत्रचा एक्झिट पोल

Maharashtra Vidhan Sabha Exit Poll 2024

मुंबई: राज्यातील विधानसभा निवडणुकीचा निकाल जाहीर होण्यासाठी आता अवघे काही तास शिल्लक राहिले आहेत. शनिवारी सकाळी आठ वाजल्यापासून मतमोजणीला सुरुवात होईल. त्यानंतर राज्यातील एक-एक विधानसभा मतदारसंघातील कल समोर येऊ लागतील. तत्पूर्वी मतदान पार पडल्यानंतर राज्यातील विविध संस्थांकडून एक्झिट पोल्सचे (Maharashtra Exit Poll 2024) निकाल जाहीर करण्यात आले होते. यापैकी प्रजातंत्रचा एक्झिट पोल सध्या चर्चेचा विषय ठरत आहे. या एक्झिट पोलनुसार राज्यात महाविकास आघाडीची (Mahavikas Agahdi) सत्ता येऊ शकते, असा अंदाज आहे. प्रजातंत्रच्या एक्झिट पोलनुसार, यंदाच्या विधानसभा निवडणुकीत महाविकास आघाडीला 149 जागांवर विजय मिळेल. तर महायुतीला (Mahayuti) फक्त 127 जागांवर समाधान मानावे लागू शकते. तसे घडल्यास महाविकास आघाडी बहुमतासाठी लागणारा 145 जागांचा आकडा पार करुन सरकार स्थापन करु शकते.

प्रजातंत्रच्या एक्झिट पोलमध्ये मतदारसंघनिहाय निकालाचे अंदाजही व्यक्त करण्यात आले आहेत. यामध्ये एकनाथ शिंदे, देवेंद्र फडणवीस, अहेरीतून धर्मरावबाबा अत्राम, अंधेरी पूर्व मतदारसंघातून मुरजी पटेल यांचा विजय पक्का मानला जात आहे. आता हे अंदाज कितपत खरे ठरणार, हे 23 नोव्हेंबरला स्पष्ट होईल.