Chhaava Box Office Collection Day 30: 'छावा'चा बॉक्स ऑफिसवर नादखुळा परफॉर्मन्स; 'पुष्पा 2'वरही केली मात, फक्त एकाच महिन्यात 435 टक्के बजेटची वसुली
Chhaava Box Office Collection Day 30: फक्त एका महिन्यात, विक्की कौशलच्या 'छावा'नं अल्लू अर्जुनच्या 'पुष्पा 2'ला 75 दिवसांत जितका नफा झाला, तितका नफा कमावला आहे.
Chhaava Box Office Collection Day 30: 'छावा' चित्रपटानं (Chhaava Movie) बॉक्स ऑफिसवर (Box Office) धुमाकूळ घातला आहे. दिग्दर्शक लक्ष्मण उतेकर (Director Laxman Utekar) यांनी छत्रपती शिवाजी महाराजांचे (Chhatrapati Shivaji Maharaj) पुत्र छत्रपती संभाजी महाराज (Chhatrapati Sambhaji Maharaj) यांच्या जीवनावर आधारित विक्की कौशल (Vicky Kaushal) आणि रश्मिका मंदाना अभिनीत 'छावा' हा चित्रपट बनवला आहे. चित्रपट प्रदर्शित होऊन पूर्ण एक महिना झाला आहे आणि तेव्हापासून हा चित्रपट बॉक्स ऑफिसवर राज्य करत आहे. 'छावा'नं निर्मात्यांना एवढा नफा मिळवून दिला आहे. 'छावा'नं भारतीय चित्रपटसृष्टीतील आतापर्यंतचा सर्वात मोठा चित्रपट 'पुष्पा 2'ला देखील मागे टाकलं आहे. 'छावा'नं जेवढा नफा निर्मात्यांना मिळवून दिला, तेवढा नफा 'पुष्पा 2' देखील मिळवून देवू शकला नाही.
'छावा' चित्रपटाचं बॉक्स ऑफिस कलेक्शन
'छावा'नं पहिल्या 4 आठवड्यात हिंदीमधून एकूण 540.38 कोटी रुपये कमावले. जर आपण प्रत्येक आठवड्याच्या कमाईवर नजर टाकली तर पहिल्या आठवड्यापासून चौथ्या आठवड्यापर्यंत चित्रपटानं अनुक्रमे 225.28 कोटी, 186.18 कोटी, 84.94 कोटी आणि 43.98 कोटी रुपये कमावले. सॅकनिल्कच्या मते, चित्रपटाचा 29 व्या दिवसाचा हिंदीतील संग्रह 6.5 कोटी रुपये होता.
छावाच्या तेलुगू आवृत्तीलाही चांगला नफा मिळत आहे. या चित्रपटाने प्रदर्शित झाल्यापासून कालपर्यंत तेलुगू भाषेतून 12.55 कोटी रुपये कमावले आहेत. आता जर आपण तेलुगू आणि हिंदी आवृत्त्या जोडल्या तर चित्रपटाने 29 दिवसांत 559.43 कोटी रुपये कमावले आहेत.
'छावा' चित्रपटाचा एकूण बॉक्स ऑफिस कलेक्शन
आज चित्रपटाचा थिएटरमध्ये 30 वा दिवस आहे आणि सॅकनिल्कवर 2:30 पर्यंत उपलब्ध असलेल्या आकडेवारीनुसार, त्यानं 0.93 कोटींची कमाई केली आहे. म्हणजेच चित्रपटाचा एकूण बॉक्स ऑफिस कलेक्शन 560.36 कोटी रुपयांवर पोहोचला आहे.
Pushpa 2 पेक्षा सरस ठरला Chhaava, पण कसा?
अल्लू अर्जुनची फिल्म पुष्पा 2 नं घरगुती बॉक्स ऑफिसवर 1234.1 कोटी रुपये कमावले, तर 'छावा'नं अद्याप त्याच्या कमाईच्या निम्म्याही गाठलेल्या नाहीत. असं असूनही, पुष्पा 2 च्या निर्मात्यांपेक्षा चित्रपटाच्या निर्मात्यांना जास्त फायदा झाला आहे. त्यामुळे 'छावा'नं पुष्पा 2 ला मागे टाकलं आहे.
प्रत्यक्षात पुष्पा 2 हा चित्रपट 500 कोटींमध्ये बनवण्यात आला होता आणि त्यानं 1234.1 कोटी रुपये कमाई करून बजेटपेक्षा 246.82 टक्के जास्त कमाई केली. तर छावा हा चित्रपट फक्त 130 कोटी रुपयांच्या बजेटमध्ये तयार करण्यात आला आहे. त्यानुसार, चित्रपटानं आतापर्यंत त्याच्या बजेटपेक्षा सुमारे 435 टक्के जास्त कमाई केली आहे. म्हणजेच, या चित्रपटानं अल्लू अर्जुनच्या चित्रपटाला जवळजवळ 200 टक्के मागे टाकलं आहे. हा चित्रपट अजूनही चित्रपटगृहांमध्ये सुरू आहे आणि चांगली कमाई करत आहे. यानुसार, सलमान खानच्या सिकंदर चित्रपटाच्या प्रदर्शनापूर्वी निर्मात्यांचा नफा आणखी वाढण्याची अपेक्षा आहे.
दरम्यान, 'छवा'मध्ये विकी कौशल छत्रपती संभाजी महाराजांची भूमिका साकारताना दिसत आहे तर अक्षय खन्ना औरंगजेबाच्या भूमिकेत जीवंतपणा आणताना दिसत आहे. आशुतोष राणा, विनीत कुमार सिंह आणि डायना पेंटी यांनीही आपापल्या भूमिका चांगल्या प्रकारे साकारल्या आहेत. 'अ‍ॅनिमल' आणि 'पुष्पा 2' नंतर रश्मिका मंदाना तिच्या सलग तिसऱ्या ब्लॉकबस्टर 'छावा'मध्ये दमदार भूमिका साकारली आहे.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
