Vaathi OTT Release : सिनेमागृहात धुमाकूळ घातल्यानंतर ओटीटीवर रिलीज होणार धनुषचा 'वाथी'; जाणून घ्या कुठे प्रदर्शित होतोय हा चित्रपट

Vaathi : 'वाथी' हा दाक्षिणात्य सिनेमा लवकरच ओटीटी प्लॅटफॉर्मवर रिलीज होणार आहे.

Vaathi

Dhanush Vaathi OTT Release : दाक्षिणात्य सुपरस्टार धनुषच्या (Dhanush) 'वाथी' (Vaathi) या सिनेमाची क्रेझ चाहत्यांमध्ये कायम आहे. सिनेमागृहात धुमाकूळ घातल्यानंतर आता हा सिनेमा ओटीटी प्लॅटफॉर्मवर रिलीज होण्यासाठी सज्ज आहे. 

'वाथी' कोणत्या ओटीटी प्लॅटफॉर्मवर रिलीज होणार? (Vaathi OTT Release)

'धनुष'चा प्रत्येक सिनेमा चाहत्यांच्या पसंतीस उतरत असतो. त्याचे सिनेमे रिलीज होण्याआधीपासूनच चाहते या सिनेमाची प्रतीक्षा करत असतात. गेल्या काही दिवसांपूर्वी धनुषचा 'वाथी' हा सिनेमा प्रेक्षकांच्या भेटीला आला. या सिनेमाने सिनेमागृहात चांगलीच कमाई केली. दाक्षिणात्य सिनेसृष्टीतील सर्वोत्कृष्ट सिनेमांच्या यादीच 'वाथी' या सिनेमाचा समावेश आहे. आता बॉक्स ऑफिसवर धमाका केल्यानंतर 'वाथी' हा सिनेमा नेटफ्लिक्स (Netflix) या ओटीटी प्लॅटफॉर्मवर रिलीज होणार आहे. 

प्रेक्षकांच्या पसंतीस उतरलेला 'वाथी' हा सिनेमा आता 'नेटफ्लिक्स' या ओटीटी प्लॅटफॉर्मवर रिलीज होणार आहे. येत्या 17 मार्चपासून हा सिनेमा प्रेक्षक घरबसल्या पाहू शकतात. प्रेक्षकांसह परीक्षकांनीदेखील या सिनेमाला सकारात्मक प्रतिसाद दिला आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

'वाथी' या सिनेमाचं कथानक प्रेक्षकांच्या पसंतीस उतरलं आहे. या सिनेमात धनुषने प्रोफेसरची भूमिका साकारली आहे. हा सिनेमा 90 च्या दशकातील शिक्षण व्यवस्थेवर आधारित आहे. या सिनेमातील धनुषच्या भूमिकेचंदेखील प्रेक्षकांनी कौतुक केलं आहे. आता हा सिनेमा ओटीटीवर पाहण्यासाठी चाहते उत्सुक आहेत. 'वाथी' या सिनेमाआधी धनुषच्या 'थिरुचित्रम्बलम' (Thiruchitrambalam) या सिनेमाला बॉक्स ऑफिसवर आपली जादू दाखवण्यात यश आले होते. 

'वाथी'ने पार केला 100 कोटींचा टप्पा

'वाथी' या सिनेमाने जगभरात 100 कोटींपेक्षा अधिक कमाई केली आहे. वेंकी एटलुरीने या सिनेमाच्या दिग्दर्शनाची धुरा सांभाळली आहे. धनुषसोबत या सिनेमात दाक्षिणात्य अभिनेत्री संयुक्ता मेननदेखील मुख्य भूमिकेत आहे. धनुष आणि संयुक्ताची जोडी प्रेक्षकांच्या पसंतीस उतरली आहे. तर दुसरीकडे या सिनेमात समुथिरकानी नकारात्मक भूमिकेत आहे. धनुषसह या सिनेमात साई कुमार, तनिकेला भरणी, समुथिरकानी, मधु थोटापल्ली, नर्रा श्रीनिवास आणि हाइपर महत्त्वाच्या भूमिकेत आहेत. सीथारा एंटरटेनमेन्टच्या बॅनरखाली या सिनेमाची निर्मिती करण्यात आली आहे. 

संबंधित बातम्या