Rashmika Mandanna Vijay Deverakonda : रश्मिका मंदाना अन् विजय देवरकोंडाचं अफेअर? अखेर अभिनेत्री म्हणाली...

Rashmika Mandanna on Dating Vijay Deverakonda : अभिनेत्री रश्मिका मंदाना आणि विजय देवरकोंडा रिलेशनमध्ये असल्याची चर्चा आहे. आता अभिनेत्रीने यासंदर्भात भाष्य केलं आहे.

Rashmika Mandanna On Vijay Deverakonda (Photo : rashmika_mandanna)

Rashmika Mandanna on Dating Vijay Deverakonda : दाक्षिणात्य सुपरस्टार विजय देवरकोंडा (Vijay Deverakonda) आणि रश्मिका मंदाना (Rashmika Mandanna) यांच्या रिलेशनच्या चर्चा चांगल्याच रंगल्या आहेत. गेल्या काही दिवसांपासून त्यांच्या अफेअरच्या बातम्या समोर येत आहेत. दरम्यान आता अभिनेत्रीने यासंदर्भात भाष्य केलं आहे.

रश्मिका आणि विजय एकमेकांचे चांगले मित्र आहेत. आता नुकतच रश्मिकाने विजयसोबतच्या तिच्या नात्याबद्दल भाष्य केलं आहे. काही दिवसांपूर्वी रश्मिका-विजयच्या साखरपुड्याच्या बातम्या समोर आल्या होत्या. पण नंतर या अफवा असल्याचं समोर आलं.

दाक्षिणात्य अभिनेत्री रश्मिका मंदाना सध्या तिच्या 'अॅनिमल' (Animal) या सिनेमामुळे चर्चेत आहे. सिनेमागृहात धमाका केलेला हा सिनेमा ओटीटीवर रिलीज झाला आहे. सध्या अभिनेत्री या सिनेमाचं जोरदार प्रमोशन करत आहे. 

विजयसोबतच्या नात्याबद्दल बोलताना रश्मिका मंदाना म्हणाली,"विजू आणि मी एकत्र लहानाचे मोठे झालो आहोत. त्यामुळे माझ्या आयुष्यात घडणाऱ्या प्रत्येक गोष्टीचा तो भाग आहे. मी घेत असलेल्या प्रत्येक निर्णयात विजय त्याचं मत मांडत असतो".

विजय मला प्रत्येक गोष्टीत सल्ला देतो : रश्मिका मंदाना 

रश्मिका मंदाना पुढे म्हणाली,"विजय मला प्रत्येक गोष्टीत सल्ला देत असतो. मीदेखील त्याच्या प्रत्येक सल्लाचा सन्मान करत असते. माझ्यासाठी एखादी गोष्ट चांगली वाटत असेल तर तो मला त्यासंदर्भात कळवतो. माझ्या आयुष्यातील प्रत्येकाचा मला पाठिंबा आहे". 

रश्मिका मंदाना आणि विजय देवरकोंडा यांची पहिली भेट 'गीता गोविंदम'च्या शूटिंगदरम्यान झाली आहे. 2018 मध्ये प्रदर्शित झालेला हा सिनेमा प्रेक्षकांच्या पसंतीस उतरला आहे. या सिनेमाच्या शूटिंगदरम्यान त्यांची चांगली मैत्री झाली. पुढे या मैत्रीचं रुपांतर प्रेमात झालं असं म्हटलं जात आहे. रश्मिका मंदाना आणि विजय देवरकोंडा यांच्या अफेअरच्या चर्चांना पुन्हा एकदा सुरुवात झाली आहे. पण अद्याप दोघांनीही त्यांचं नातं जगजाहीर केलेलं नाही. रश्मिका आणि विजय लिव्ह-इनमध्ये असल्याच्याही चर्चा होत्या. 

रश्मिकाच्या आगामी सिनेमांबद्दल जाणून घ्या... (Rashmika Mandanna Upcoming Movies)

रश्मिका मंदाना सध्या अनेक प्रोजेक्टमध्ये व्यस्त आहे. 'अॅनिमल'नंतर रश्मिका लवकरच तेलुगू सुपरस्टार अल्लू अर्जुनच्या 'पुष्पा 2' (Pushpa 2) या सिनेमात झळकणार आहे. तसेच 'छावा' या सिनेमातही ती झळकणार आहे. नुकतचं अभिनेत्रीने या सिनेमाचं शूटिंग पूर्ण केलं आहे. तसेच धनुषच्या 'डी 51' या सिनेमातही ती झळकणार आहे. अभिनेत्रीच्या आगामी सिनेमांची प्रेक्षकांना उत्सुकता आहे.

संबंधित बातम्या