Rashmika Mandanna Vijay Deverakonda : "तो' माझा सगळ्यात मोठा समर्थक"; विजय देवरकोंडाच्या प्रेमात आकंठ बुडाली रश्मिका मंदाना

Rashmika Mandanna On Vijay Deverakonda : रश्मिका मंदाना आणि विजय देवरकोंडाच्या अफेअरच्या चर्चा काही दिवसांपासून सुरू आहेत. दरम्यान अभिनेत्रीने केलेलं एक वक्तव्य सध्या चर्चेत आहे.

Rashmika Mandanna On Vijay Deverakonda (Photo : rashmika_mandanna)

Rashmika Mandanna on Vijay Devarakonda : अभिनेत्री रश्मिका मंदाना (Rashmika Mandanna) 'अॅनिमल' (Animal) सिनेमा रिलीज झाल्यापासून चांगलीच चर्चेत आहे. रश्मिका आणि विजय देवरकोंडा (Vijay Devarakonda) यांच्या अफेअरच्या चर्चा काही दिवसांपासून सुरू आहेत. तसेच लवकरच त्यांचा साखरपुडा होणार असल्याचीही चर्चा होती. दरम्यान आता अभिनेत्रीच्या एका वक्तव्यानंतर या चर्चा आणखी वाढल्या आहेत.

रश्मिका मंदाना तिच्या सिनेमांसह वैयक्तिक आयुष्यामुळे अनेकदा चर्चेत असते. अनेक दिवसांपासून तिचं नाव अभिनेता विजय देवरकोंडासोबत (Rashmika Mandanna Vijay Devarakonda Relation) जोडलं जात आहे. काही दिवसांपूर्वी त्यांच्या साखरपुड्याच्या बातम्या रंगल्या होत्या. पण नंतर ती अफवा असल्याचं समोर आलं. पण आता अभिनेत्रीच्या वक्तव्यामुळे या चर्चांना पुन्हा एकदा सुरुवात झाली आहे.

रश्मिका मंदानाने केलं विजय देवरकोंडाचं कौतुक

रश्मिका मंदानाने नुकतचं एका मुलाखतीत विजय देवरकोंडाचं कौतुक केलं आहे. 'वी आर युवा'ला दिलेल्या मुलाखतीत रश्मिका मंदाना म्हणाली,"विजू आणि मी एकत्र मोठे झालो आहे. आयुष्यात कोणतीही मोठी गोष्ट करण्याआधी मी विजयचा सल्ला घेते. मुद्द्यावर बोलायला त्याला आवडतं. तो जास्त विचार करत बसत नाही. थेट बोलायला त्याला आवडतं. तो माझा सगळ्यात मोठा समर्थक आहे. वैयक्तिकरित्या तो मला पाठिंबा देत असतो. त्याच्यासारखा पाठिंबा मला आजवर कोणीच दिलेला नाही". 

रश्मिका-विजयच्या अफेअरच्या चर्चांना पुन्हा सुरुवात

रश्मिका मंदाना आणि विजय देवरकोंडा यांच्या अफेअरच्या चर्चांना पुन्हा एकदा सुरुवात झाली आहे. पण अद्याप दोघांनीही त्यांचं नातं जगजाहीर केलेलं नाही. रश्मिका आणि विजय लिव्ह-इनमध्ये असल्याच्याही चर्चा होत्या. 

काही दिवसांपूर्वी हिंदुस्तान टाइम्सला दिलेल्या मुलाखतीत त्यांच्या जवळच्या व्यक्तीने सांगितलं होतं की,"रश्मिका आणि विजयला त्यांचं नातं अधिकृत करायचं नाही. सध्या ते एकमेकांना समजून घेण्याचा प्रयत्न करत आहेत. अद्याप त्यांनी लग्न किंवा साखरपुडा करण्याचा विचार केलेला नाही. सध्या करिअरवर लक्ष केंद्रीत करण्याचा त्यांचा प्रयत्न आहे". 

मीडिया रिपोर्टनुसार, रश्मिका मंदाना आणि विजय देवरकोंडा यांची पहिली भेट 'गीता गोविंदम' या सिनेमाच्या शूटिंगदरम्यान झाली होती. या सिनेमाच्या सेटवर त्यांची चांगली मैत्री झाली. पुढे या मैत्रीचं रुपांतर प्रेमात झालं. अनेकदा दोघांना एकत्र स्पॉट करण्यात आलं आहे. 

रश्मिका-विजयच्या आगामी सिनेमांबद्दल जाणून घ्या (Rashmika Mandanna Vijay Devarakonda Movies)

रश्मिकाचा 'अॅनिमल' (Animal) हा सिनेमा काही दिवसांपूर्वी प्रेक्षकांच्या भेटीला आला होता. या सिनेमातील तिची गीतांजलीची भूमिका चांगलीच गाजली. तिचा 'पुष्पा : द रूल' (Pushpa 2) प्रेक्षकांच्या भेटीसाठी सज्ज आहे. तर दुसरीकडे विजय देवरकोंडाचा 'खुशी' हा सिनेमा काही दिवसांपूर्वीच प्रेक्षकांच्या भेटीला आला होता.

संबंधित बातम्या