Prajakta Mali : 'राडा राडा'च्या माध्यमातून प्राजक्ता माळी करणार 'बलात्कार संस्कृती'वर भाष्य
Prajakta Mali : प्राजक्ता माळी 'राडा राडा' या टॉक शोच्या माध्यमातून प्रेक्षकांच्या भेटीला येणार आहे.
Prajakta Mali : मराठमोळी अभिनेत्री प्राजक्ता माळी (Prajakta Mali) समाजात घडणाऱ्या प्रत्येक गोष्टीवर भाष्य करत असते. लवकरच ती 'राडा राडा' (Rada Rada) या टॉक शोच्या माध्यमातून प्रेक्षकांच्या भेटीला येणार आहे. भारतीय बलात्कार संस्कृतीविषयी भाष्य करणाऱ्या या टॉक शोची धुरा प्राजक्ता माळी आणि पूर्वा शिंदे सांभाळणार आहे.
'बलात्कार संस्कृती' ही जगाच्या जवळपास प्रत्येक भागात आणि प्रत्येक समाजात कोणत्या ना कोणत्या स्वरूपात अस्तित्वात आहे. 'बलात्कार संस्कृती' हे शब्द उच्चरायला विचित्र वाटतील कारण संस्कृती सामान्यत: पवित्र आणि सकारात्मक संदर्भात पाहिली जाते. पण संस्कृती हे केवळ सुंदर, रंगीबेरंगी आणि विविध प्रकारच्या परंपरा आणि चालीरीतींचे नाव नाही. 'बलात्कार संस्कृती' म्हणजे अशी सामाजिक व्यवस्था ज्यामध्ये लोक बलात्काराच्या पीडितेला पाठिंबा देण्याऐवजी कोणत्या ना कोणत्या प्रकारे बलात्कार करणाऱ्याच्या समर्थनार्थ उभे राहतात. बलात्कार संस्कृतीचा संदर्भ आहे ती परंपरा ज्यामध्ये बलात्कारासाठी स्त्रीला जबाबदार धरले जाते. 'बलात्कार संस्कृती' म्हणजे अशी संस्कृती ज्यामध्ये बलात्कार आणि महिलांवरील हिंसाचार या गंभीर गुन्ह्यांऐवजी किरकोळ आणि दैनंदिन घटना म्हणून पाहण्याचा प्रयत्न केला जातो.
अशाच भारतीय बलात्कार संस्कृतीविषयी भाष्य करण्यासाठी अभिनेत्री प्राजक्ता माळी आणि अभिनेत्री पूर्वा शिंदे व्हीमास मराठीचा राडा राडा या टॉक शो अंतर्गत प्रेक्षकांसमोर येणार आहेत. बलात्कार संस्कृतीला आळा घालण्यासाठी या अभिनेत्रींनी दिलेले सल्ले साऱ्या भारतीयांना नक्कीच मोलाचा संदेश देऊन जातील यांत शंकाच नाही. प्राजक्ता आणि पूर्वा व्हीमास मराठीच्या राडा राडा या शो अंतर्गत प्रेक्षकांना सामाजिक विषय कसा हाताळायचा याचे उत्तम मार्गदर्शन करणार आहेत. व्हीमास मराठीचा राडा राडा हा शो प्रत्येक एपिसोडमध्ये नवीन चालू विषय हाताळणार असून नवनव्या कलाकारांचे, विचारवंताचे मत या प्लॅटफॉर्मवरून प्रेक्षकांना कळणार आहे.
सत्य परिस्थीती सांगणाऱ्या व्यंगात्मक शोच्या माध्यमातून प्राजक्ता आणि पूर्वाचं एक वेगळंच रूप प्रेक्षकांना सामाजिक विषय हाताळताना पाहणे रंजक ठरणार आहे.
संबंधित बातम्या
Alia Bhatt Pregnant : आलिया लंडनमध्ये करतेय हॉलिवूडच्या सिनेमाचे शूटिंग; लवकरच परतणार भारतात
Ketaki Chitale : केतकी चितळेला तूर्तास दिलासा; विविध गुन्ह्यांत 11 जुलैपर्यंत अटक करणार नाही
Phone Bhoot Teaser : कतरिना कैफच्या 'फोन भूत'चा टीझर आऊट; 15 जुलैला सिनेमा होणार रिलीज
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
