विजय थलापतीच्या आयुष्यात वादळ, पत्नीकडून घटस्फोटासाठी अर्ज, अभिनेत्रीसोबत विवाहबाह्य संबंध असल्याचा आरोप; मुलानं उचललं मोठं पाऊल..
Vijay Son Jason Sanjay unfollow Father on Instagram: विजय थलापती आणि संगीताच्या घटस्फोटाची चर्चा. जेसन संजयनं वडिलांनी इन्स्टाग्रामवर केलं अनफॉलो.
Jason Sanjay unfollow Vijay on Instagram: अभिनेता आणि राजकारणी विजय थलापती सध्या त्याच्या वैयक्तिक आयुष्यामुळे प्रचंड चर्चेत आहेत. एकीकडे त्याचा आगामी चित्रपट जना नायकनच्या प्रदर्शनाच्या तारखेवर टांगती तलवार आहे. तर, दुसरीकडे अभिनेत्याची पत्नी संगीता सोर्नालिंगम हिनं घटस्फोटासाठी अर्ज दाखल केला आहे. अभिनेत्यावर विवाहबाह्य संबंध असल्याचा गंभीर आरोप करण्यात आला आहे. विजय आणि संगीता दोन वर्षांपासून वेगळे राहत आहेत. दरम्यान, विजयचा मुलगा जेसन संजय सोशल मीडियातून आपली भूमिका स्पष्ट केली आहे. त्यानं त्याच्या सुपरस्टार वडिलांना इन्स्टाग्रामवर अनफॉलो केले आहे. त्यामुळे तो या संपूर्ण परिस्थितीत त्याच्या आईसोबत उभा असल्याचे स्पष्ट झाले आहे.
घटस्फोटाच्या वृत्तांवर अद्याप विजय थलापती किंवा त्याची पत्नी संगीता हिनं प्रतिक्रिया दिलेली नाही. दोघांनीही या प्रकरणावर अधिकृत निवेदन जारी केलेले नाही. दरम्यान, अभिनेत्याच्या मुलाने विजयला इन्स्टाग्रामवर अनफॉलो केले आहे. ज्यामुळे घटस्फोटाच्या अफवांना आणि चर्चांना आणखी उधाण आले आहे. दरम्यान, विजय थलापतीच्या इन्स्टाग्राम फॉलो लिस्टमध्ये जेसन संजयचं अकाऊंट दिसत नाही. तसेच, जेसन संजयच्या फॉलोअर्स लिस्टमध्ये विजयचे अकाऊंट दिसत नाही. ज्यामुळे हे स्पष्ट होते की, जेसन संजय त्याच्या वडिलांना इन्स्टाग्रामवर फॉलो करत नाही.
थलापती विजयचा मुलगा जेसन संजय सामान्यत: प्रसिद्धीपासून दूर राहतो. परंतु, त्याच्या वडिलांना इन्स्टाग्रामवर अनफॉलो केल्यानंतर तो चर्चेत आला आहे. जेसन संजयच्या या कृतीवरुन असे दिसून येते की, त्याच्या पालकांमध्ये सर्व काही अलबेल नाही. तो या परिस्थितीत आपल्या आईच्या पाठीशी भक्कमपणे उभा आहे. दरम्यान, अभिनेत्याचे चाहते देखील त्याच्यावर नाराज आहेत. चाहत्यांनी सोशल मीडियावर कमेंटद्वारे आपली नाराजी व्यक्त केली आहे.
View this post on Instagram
ऑगस्ट 1999 साली थलापती विजयने संगीता सोर्नालिंगमशी लग्न केले होते. विजय आणि संगीताला दोन अपत्य आहेत. जेसन संजय आणि दिव्या साशा असे त्यांच्या मुलांचे नाव आहे. संगीता सोर्नालिंगमने 24 फेब्रुवारी रोजी चेंगलपट्टू येथील फॅमिली कोर्टात विजयपासून घटस्फोटासाठी अर्ज दाखल केला. संगीताने आपल्या याचिकेत विजयवर एका अभिनेत्रीसोबत विवाहबाह्य संबंध असल्याचा गंभीर आरोप केला आहे. दरम्यान, चेंगलपट्टू कुटुंब न्यायालयाने संगीताचा घटस्फोट अर्ज स्वीकारला आहे. तसेच हा अर्ज कुटुंब कल्याण समितीकडे पाठवला आहे. संगीताने विजयकडून पोटगी देखील मागितली आहे.
महत्त्वाच्या बातम्या
