Ketaki Chitale : केतकी चितळेला तूर्तास दिलासा; विविध गुन्ह्यांत 11 जुलैपर्यंत अटक करणार नाही

Ketaki Chitale : शरद पवार आक्षेपार्ह पोस्ट प्रकरणी अभिनेत्री केतकी चितळेला तूर्तास दिलासा मिळाला आहे.

Ketaki Chitale

Ketki Chitale : आपल्या वादग्रस्त आणि बेधडक वक्तव्यांमुळे चर्चेत असणारी मराठमोळी अभिनेत्री केतकी चितळेने (Ketaki Chitale) राष्ट्रवादीचे ज्येष्ठ नेते शरद पवार (Sharad Pawar) यांच्याविषयी आक्षेपार्ह फेसबुक पोस्ट केली होती. त्यामुळे तिच्याबद्दल राज्यभरात विविध ठिकाणी गुन्हे दाखल झाले होते. पण तूर्तास केतकीला दिलासा मिळाला आहे. 

शरद पवारांविरोधात आक्षेपार्ह पोस्ट केल्याने केतकी विरोधात राज्यभरात गुन्हे दाखल झाले होते. त्यानंतर केतकी चितळेला ठाणे न्यायालयाने अटक केलेल्या एफआयआरमध्ये जामीन मंजूर केला. 40 दिवसांनंतर केतकीची कारागृहातून सुटका झाली होती. अशातच आता 21 विविध गुन्ह्यांत 11 जुलैपर्यंत अटक करणार नाही, अशी ग्वाही राज्य सरकारने हायकोर्टात दिली आहे. त्यामुळे सध्या तरी केतकीला दिलासा मिळाला आहे. 

केतकी चितळे प्रकरण काय?

आपल्या वादग्रस्त आणि बेधडक वक्तव्यांमुळे केतकी चितळेनं ज्येष्ठ नेते शरद पवार यांच्याविषयी अतिशय खालच्या भाषेत 14 मे रोजी फेसबुकवर एक पोस्ट केली होती. या पोस्टवरून तिच्याविरोधात राज्यभरात विविध गुन्हे दाखल झाले होते. केतकी चितळेनं ही पोस्ट करुन समाजात द्वेषाची भावना आणि तेढ निर्माण करण्याचे कृत्य केलं असून बदनामीकारक, मानहानीकारक पोस्ट केली होती. त्यामुळे केतकीवर सध्या 21 विविध गुन्हे दाखल आहेत. पण आता 11 जुलैपर्यंत केतकीला ताब्यात घेतले जाणार नाही, अशी ग्वाही राज्य सरकारने हायकोर्टात दिली आहे. 

केतकी चितळे कोण आहे?

'तुझं माझं ब्रेकअप' या मालिकेच्या माध्यमातून केतकी घराघरांत पोहोचली होती. त्यानंतर वादग्रस्त वक्तव्यांमुळे ती नेहमीच चर्चेत राहिली आहे. गेल्या काही वर्षापासून केतकीला अपस्मार हा आजार आहे. या आजारावर केतकी वेगवेगळ्या मेडिकल ट्रीटमेंट घेत आहे. त्यासंदर्भातील फोटो आणि व्हिडीओ ती सोशल मीडियावर शेअर करत असते.

संबंधित बातम्या