Prabhas: 'लग्न कधी करणार?'; प्रभासच्या उत्तरानं वेधलं लक्ष

नुकतीच प्रभासनं (Prabhas) नंदमुरी बालकृष्ण यांच्या अनस्टॉपेबल 2 (Unstoppable 2) मध्ये हजेरी लावली. या शोमध्ये प्रभासला त्याच्या लग्नाबद्दल प्रश्न विचारण्यात आला.

Prabhas

Prabhas: दाक्षिणात्य चित्रपटसृष्टीतील प्रसिद्ध अभिनेता प्रभासचा (Prabhas) चाहता वर्ग मोठा आहे. प्रभास हा त्याच्या अभिनयानं नेहमीच प्रेक्षकांचे मनोरंजन करतो. बाहुबली आणि बाहुबली-2 या चित्रपटांमुळे प्रभासला विशेष लोकप्रियता मिळाली. या चित्रपटामुळे प्रभास पॅन इंडिया स्टार झाला. 43 वर्षाचा प्रभास अजूनही अविवाहित आहे. प्रभास कधी लग्न करणार? असा प्रश्न त्याच्या चाहत्यांना पडत असतो. नुकतीच प्रभासनं नंदमुरी बालकृष्ण यांच्या अनस्टॉपेबल 2 (Unstoppable 2) मध्ये हजेरी लावली. या शोमध्ये प्रभासला विविध प्रश्न विचारण्यात आले. तसेच प्रभासला त्याच्या लग्नाबद्दल देखील प्रश्न विचारण्यात आला. यावेळी त्यानं दिलेल्या उत्तरानं अनेकांचे लक्ष वेधले. 

काय म्हणाला प्रभास? 
अनस्टॉपेबल 2 (Unstoppable 2) च्या आगामी एपिसोडचा प्रोमो नुकताच प्रदर्शित झाला. या प्रोमोमध्ये दिसते की नंदमुरी हे प्रभासला लग्नाबद्दल विचारतात. या प्रश्नाचं प्रभास उत्तर देतो, 'सलमान खाननं लग्न केल्यानंतर मी लग्न करेन' हे ऐकल्यानंतर कार्यक्रमात उपस्थित असणारे लोक खळखळून हसतात. 

कृती सेननसोबत जोडलं जातंय प्रभासचं नाव? 
प्रभासच्या आदिपुरुष या चित्रपटामध्ये अभिनेत्री कृती सेनन ही प्रमुख भूमिका साकारणार आहे. गेल्या काही दिवसांपासून कृती आणि प्रभासच्या डेटिंगची चर्चा सोशल मीडियावर होत आहे.  

 

 

 

 

 

View this post on Instagram

 

 

 

 

 

 

 

 

 

 

 

A post shared by ahavideoin (@ahavideoin)

प्रभासचे चित्रपट 
आदिपुरुष बरोबरच प्रभासचे 'सालार', 'प्रोजेक्ट के' हे चित्रपट लवकरच प्रेक्षकांच्या भेटीस येणार आहेत. प्रभासचे चाहते त्याच्या आगामी चित्रपटांची उत्सुकतेने वाट बघत आहेत. प्रभासने  'ईश्वर' या चित्रपटातून अभिनय क्षेत्रात पदार्पण केलं. त्यानंतर 'राघवेंद्र', 'वर्षम', 'योगी', 'एक निरंजन', 'रेबेल', 'बाहुबली : द बिगनिंग', बाहुबली : द कन्क्लूजन, राधे श्याम यांसारख्या चित्रपटात त्यानं काम केलं. 

वाचा इतर महत्वाच्या बातम्या: