Parineeti-Raghav Love Story : सिनेमाचं शूटिंग, मैत्री ते प्रेम; 'आप'चे खासदार राघव चढ्ढा परिणीतीला पहिल्यांदा कुठे भेटले?

Parineeti Chopra Raghav Chadha : परिणीती चोप्रा आणि राघव चढ्ढा लवकरच लग्नबंधनात अडकणार आहेत.

Parineeti Chopra Raghav Chadha

Parineeti Chopra Raghav Chadha Love Story : बॉलिवूड अभिनेत्री परिणीती चोप्रा (Parineeti Chopra) आणि खासदार राघव चढ्ढा (Raghav Chadha) लवकरच लग्नबंधनात अडकणार आहेत. येत्या 6 एप्रिलला त्यांचा शाही विवाहसोहळा होणार असल्याचे म्हटले जात आहे. त्यांच्या लग्नाची चाहते आतुरतेने वाट पाहत आहेत. 

परिणीती-राघवची पहिली भेट (Parineeti Chopra Raghav Chadha Love Story)

परिणीती चोप्रा आणि राघव चढ्ढा पंजाबमध्ये एकमेकांना पहिल्यांदा भेटले. पंजाबमध्ये एका सिनेमाचं शूटिंग करत असताना परिणीती राघवला पहिल्यांदा भेटली. त्यानंतर त्यांची चांगली मैत्री झाली. पुढे मैत्रीचं रुपांतर प्रेमात झालं. गेल्या सहा महिन्यांपासून ते एकमेकांना डेट करत आहेत असे म्हटले जात आहे. तेव्हापासूनच त्यांच्या अफेअरच्या चर्चांना सुरुवात झाली. अनेकदा दोघांना एकत्र स्पॉट करण्यात आले आहे. अद्याप दोघांनीही लग्नासंदर्भात भाष्य केलेलं नाही. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Viral Bhayani (@viralbhayani)

परिणीती आणि राघव यांना एकत्र स्पॉट करण्यात आल्यानंतर एका मुलाखतीत राघव म्हणाले,"मला राजकारणाबाबत विचारा, परिणीतीबद्दल नाही". परिणीती चोप्रा ब्रिटनच्या मँचेस्टर स्कूलची विद्यार्थिनी होती. तर राघव चढ्ढा यांनी लंडन स्कूल ऑफ इकॉनॉमिक्समधून शिक्षण घेतले आहे. परिणीती आणि राघव दोघेही अभ्यासात हुशार होते. राघव चढ्ढा हे सोशल मीडियावरदेखील परिणीतीला फॉलो करतात. 

परिणीती आणि राघवच्या लग्नाबद्दल गायक हार्डी संधू म्हणाला,"परिणीती आणि राघल दोघांच्याही घरी लग्नसोहळ्याच्या तयारीला आता सुरुवात झाली आहे. 'कोड नेम तिरंगा' या सिनेमाच्या शूटिंगदरम्यान परिणीतीने मला लग्नाबद्दल सांगितलं होतं. दुसरीकडे आपचे खासदास संजीव अरोडा यांनीदेखील सोशल मीडियाच्या माध्यमातून परिणीती आणि राघवला पुढील वाटलाचीसाठी शुभेच्छा दिल्या आहेत.

राघव चढ्ढाबद्दल विचारताच लाजली परिणीती

परिणीती चोप्राला 28 मार्च 2023 रोजी एअरपोर्टवर स्पॉट करण्यात आलं. दरम्यान एका फोटोग्राफरने तिला राघव चढ्ढा यांच्याबद्दल प्रश्न विचारला. त्यावेळी परिणीतीने राघव चढ्ढा यांच्याबद्दल बोलण्यास नकार दिला. तिने फोटोग्राफरच्या प्रश्नाचं उत्तर दिलं नसलं तरी तिने एक गोड स्माइल दिली. परिणीतीचा हा व्हिडीओ सोशल मीडियावर व्हायरल झाला होता. 

संबंधित बातम्या