Kartik Aaryan Car : 'भूल भुलैया 2'च्या यशाने भूषण कुमार भारावला; कार्तिक आर्यनला दिली महागड्या कारची भेट
Bhool Bhulaiyaa 2 : 'भूल भुलैया 2' या सिनेमाने आतापर्यंत 184.32 कोटींची कमाई केली आहे.
Kartik Aaryan First Mclaren Gt Car for Bhool Bhulaiyaa 2 : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) हा सिनेमा नुकताच ओटीटी प्लॅटफॉर्मवर प्रदर्शित झाला असला तरी सिनेमागृहात धुमाकूळ घालत आहे. या सिनेमाच्या यशाने निर्माता भूषण कुमार (Bhushan Kumar) भारवला आहे. त्याने कार्तिकला एक महागडी कार भेट दिली आहे.
भूषण कुमारने कार्तिकला भेट दिलेल्या महागड्या, आलिशान कारची किंमत 4 कोटी रुपये आहे. 'भूल भुलैया 2' हा सिनेमा नेटफ्लिक्स या ओटीटी प्लॅटफॉर्मवर प्रदर्शित झाला आहे. त्यामुळे आता हा सिनेमा प्रेक्षकांना घरबसल्या पाहायला मिळत आहे. प्रेक्षकांना घरबसल्या मनोरंजनाची मेजवानी मिळाली आहे. ओटीटी प्लॅटफॉर्मवर सिनेमा प्रदर्शित झाल्यानंतरदेखील बॉक्स ऑफिसवर हा सिनेमा धमाका करत आहे. कार्तिक आर्यनची रूह बाबा ही भूमिका प्रेक्षकांच्या पसंतीस उतरली आहे.
'भूल भुलैया 2' मध्ये कार्तिक आर्यनने रूह बाबा ही भूमिका साकारली आहे. 2007 मध्ये रिलीज झालेल्या भूल भुलैया चित्रपटाचा हा दुसरा भाग आहे.भूल भुलैया चित्रपटाच्या पहिल्या भागामध्ये अक्षय कुमार, अमिशा पटेल, विद्या वालन आणि शाइनी आहूजा या कलाकारांनी प्रमुख भूमिका साकारली होती. भूल भूलैया-2 मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे.
View this post on Instagram
आतापर्यंत केली 184.32 कोटींची कमाई
'भूल भुलैया 2' या सिनमाने आतापर्यंत 184.32 कोटींचा गल्ला जमवला आहे. पहिल्या आठवड्यात या सिनेमाने 92.05 कोटी, दुसऱ्या आठवड्यात 49.70 कोटी, तिसऱ्या आठवड्यात 21.40 कोटी, चौथ्या आठवड्यात 12.99 कोटी, पाचव्या आठवड्यात 8.18 कोटींची कमाई केली आहे. अजूनही हा सिनेमा प्रेक्षकांच्या पसंतीस उतरत आहे.
संबंधित बातम्या
Bhool Bhulaiyaa 2 : 'भूल भुलैया 2' अल्लू अर्जुनच्या 'पुष्पा'चा रेकॉर्ड मोडणार? लवकरच पार करणार 200 कोटींचा टप्पा
Bhool Bhulaiyaa 2 On OTT: कार्तिक आर्यनचा सुपरहिट चित्रपट ‘भूल भुलैया 2’ ओटीटीवर रिलीज! जाणून घ्या कधी आणि कुठे पाहता येणार...
महत्त्वाच्या बातम्या
ट्रेंडिंग न्यूज
