Fighter : हृतिक रोशन अन् दीपिका पादुकोणच्या 'फायटर'चं नवं पोस्टर आऊट! 'या' दिवशी सिनेमा होणार रिलीज

Fighter : 'फायटर' या सिनेमाचं नवं पोस्टर प्रेक्षकांच्या भेटीला आलं आहे.

Fighter

Deepika Padukone Hrithik Roshan Fighter New Poster Out : बॉलिवूड अभिनेत्री दीपिका पादुकोण (Deepika Padukone) आणि हृतिक रोशन (Hrithik Roshan) सध्या 'फायटर' (Fighter) या सिनेमामुळे चर्चेत आहेत. लवकरच हा सिनेमा प्रेक्षकांच्या भेटीला येणार आहे. आता या सिनेमाचं नवं पोस्टर आऊट झालं आहे.

'फायटर' या सिनेमाची प्रेक्षक गेल्या काही दिवसांपासून आतुरतेने वाट पाहत आहेत. आता या सिनेमाचं मोशन पोस्टर आऊट झालं आहे. सिद्धार्थ आनंदने (Siddharth Anand) या सिनेमाच्या दिग्दर्शनाची धुरा सांभाळली आहे. सिनेमाचं नवं पोस्टर शेअर करत दिग्दर्शकाने या सिनेमाची रिलीज डेट जाहीर केली आहे. 

'फायटर'चं नवं पोस्टर आऊट! (Fighter New Poster Out)

सिद्धार्थ आनंद यांनी 'फायटर' या सिनेमाचं नवं पोस्टर सोशल मीडियावर शेअर केलं आहे. या पोस्टरवर 'फायटर 100 दिवस' असे लिहिलेले दिसत आहे. फायटर हा सिनेमा 2024 मध्ये सिनेमागृहात प्रदर्शित होणार आहे. सिद्धार्थ आनंद यांनी शेअर केलेल्या पोस्टरवर चाहते हा सिनेमा 1000 कोटींचा टप्पा पार करणार, आता या सिनेमाची प्रतीक्षा, अशा कमेंट्स करत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Hrithik Roshan (@hrithikroshan)

'फायटर' या सिनेमात हृतिक रोशन, दीपिका पादुकोण आणि अनिल कपूर मुख्य भूमिकेत दिसणार आहेत. तसेच करण सिंह ग्रोवर आणि तलत अजीज हे कलाकारही महत्त्वाच्या भूमिकेत झळकतील. अॅक्शनचा तडका या सिनेमात प्रेक्षकांना पाहायला मिळेल. हा सिनेमा 250 कोटींची कमाई करणार असल्याचं म्हटलं जात आहे. हृतिक रोशननेही 'फायटरला 100 दिवस' असं म्हणत या सिनेमाचं नवं पोस्टर शेअर केलं आहे.

सिद्धार्थच्या सिनेमाची प्रेक्षकांना उत्सुकता!

सिद्धार्थ आनंदनं दिग्दर्शित केलेल्या चित्रपटांना प्रेक्षकांची पसंती मिळते. त्याचा पठाण हा चित्रपट ब्लॉकबस्टर ठरला. पठाण चित्रपटात दीपितासोबतच शाहरुख खान,डिंपल कपाडिया आणि आशुतोष राणा यांनी देखील प्रमुख भूमिका साकारली आहे. आता सिद्धार्थच्या फायटर या चित्रपटाची प्रेक्षक उत्सुकतेने वाट बघत आहेत. 

सिद्धार्थ आनंद, रमोन चिब, ज्योती देशपांडे, अजीत अंधरे आणि अंकु पांडे यांनी 'फायटर' या सिनेमाची निर्मिती केली आहे. या सिनेमात हृतिक एअरफोर्स ऑफिसरच्या भूमिकेत दिसणार असून त्याच्या अॅक्शनचा तडका पाहण्यासाठी प्रेक्षक उत्सुक आहेत.

संबंधित बातम्या